Larunbatean, agorrilaren 24an, 15.000 pertsona bildu dira Hendaia eta Irun artean G7Ez! eta Alternatives G7-k deitutako manifestazioan. ‘G7ez! Euskal Herritik beste mundu bat sortzen’ izeneko pankartaren aitzinean joaldunak joan dira eta nabarmentzekoa izan da manifestazioaren izaera alaia, aldarrikatzailea, koloretsua eta anitza. Tartean zuzeneko musika eskaini duen kamioia, eragileen ikur eta norbanakoen aldarrikapen ugariak, euskarazko eta frantsesezko leloak... izan dira.
Manifestaldia Ficobaren aitzinean bukatu da ekitaldi batekin. Bertan, bozeramaileek bezperan asanbladan adostu adierazpena irakurri dute euskaraz, frantsesez eta gaztelaniaz. Jarraian atxemanen duzue "G7 Kontragailurraren deia" osorik. (...)