Kasu, ez gitxu lo!
Jone BARNEIX - Azken denboretan gauzak mugitzen eta egoera batzuk kanbiatzen ari direla sentitzen badugu ere, oraino desberdinkeria ainitz badira gizon eta emazteen eskubideen artean. Zonbat emazte auzapez ezagutzen ditugu? Biztanlegoaren erdia emazteak izanki, Baxenafarroko 80 herrietarik 9’tan bakarrik dira emazte auzapezak. Berriki pasa diren laborantxako hauteskundeetan, zonbat hautagai izan dira emazteak? Aldiz haurren eta xaharren zaintza lanetan, zonbat gizon badira? Adibide ttipi horiekin fite ikusten da oino aginte postuetan gizonek direla nagusi eta emazteak ikustezinak diren lanetan aritzen girela.
Aurten lehen aldikotz martxoaren 8ko emazteen eskubideen aldeko borroka eguna Oztibarren ere, 12:00etan, Larzabaleko itzulgunean antolatua den elkarretaratzearekin azpimarratua izanen da. (...)