PATXI SAEZ BELOKI - Euskarari hizkuntzakeriaren pozoitik eman izan zaizkion eztenkada mingarrienak inperialismo linguistikoaren botere egituretatik etorri izan zaizkio.
Eztenkada horiek etengabeak izan dira historiaren joan-etorrian, baita gaur egun ere. (...)
Enbata Hilabetekariko Sar Hitza - Urterokoak dira Frantziako Hezkuntzaren eta Seaskaren arteko kalapitak, lanpostuen harira. Aldi berean, Frantziako ikuskari akademikoek diote sare publikoan falta dutela euskaraz irakasteko gaitasuna duen jendea, gero eta handiagoa den eskaerari aurre egin ahal izateko.
Ahalkerik gabe erraten dute euskarazko irakaskuntza zabaldu behar dela, baina ez dagoela irakaslerik, ohartu gabe edo kontuan hartu gabe Bidasoaren bestaldean ehunka gazte daudela irakasletza ikasketak egin dituztenak eta oraino lanik gabe daudenak. (...)
Eztabaida eta protesta asko sortu dira duela guti Larreolako (edo La Rioja-ko) sozialistek herrialde horren autonomi estatutua aldatzekotan "Euskara Larreolako ondasun bat" dela aipatu nahi dutelako.
Bertan alderdi abertzalerik ez izanik, oso harrigarria da, hain zuzen ere.(...)
Patxi SAEZ BELOKI - Gure gizarte elebidunean, eta gurea bezalako ahuldutako hizkuntza duten gizarte elebidun guztietan, horixe gertatzen da: erdaldunek erdaraz egiteko duten nagusitasunetik beren hizkuntza eskubideak aldarrikatzen dituzte, baina euskaldunek euskaraz egiteko duten eskubideari buruzko ardurarik hartu gabe eta horretan daukaten erantzukizuna kolkoratu gabe. Lagun hurkoaren askatasun eskubideaz arduratuko balira, euskaldunok erdara ulertzen dugun neurri berean ulertu beharko lukete erdaldunek euskara. Argi eta garbi mintza gaitezen: erdaldun asko, euskararik ulertu gabe, euskararen gor-mutuak izanda, pribilegio horrekin, bizi dira gure artean. Eta, pribilegio horretatik, euskara ez ulertzetik, galarazi egiten zaigu euskaldunoi euskaraz egiteko askatasuna. Gizarte demokratiko orotan, askatasuna, herritarrek elkarri aitortutako askatasuna, elkar hartuta eta elkarri errespetua erakutsita baino ezin da hezurmamitu.
Euskaraldiak, azken batean, funtsezko eskubide unibertsaletan oinarritutako gizarte hitzarmena proposatzen du. Gizartearen baitako adostasunetik —askatasunaren eta berdintasunaren sustrai demokratikoetan errotutako adostasunetik— hizkuntzen arteko berdintasun soziala lortzea helburu duen gizarte hitzarmena proposatzen du Euskaraldiak. Hain zuzen ere, Euskaraldia gizarte bereko hizkuntzen arteko berdintasuna lortzeko ekinbidea da; hizkuntzen berdintasunerako gizarte ekintzailetza sustatzeko jarduera. Euskaraldiak, hizkuntzen arteko gizarte oreka lortze aldera, elikatu egiten du ahulezia egoeran dagoen hizkuntzaren aldeko hiztun-hautua. (...)
Azaroaren 22an, ostegunean, 18:30etarik 20:00k arte, "Euskaraldia, 11 egun euskaraz" ariketa sozialari Kabareteak hasiera emanen dio. Kantuak, bertsoak, herri antzerkia, pintxoak izanen dira ekitaldian. Horrez gain, belarriprest eta ahobizi izango direnen hitzak, eta euskalgintzako eta herri batzordeetako kideen esperientziak entzungo dira.
Ongi etorria beraz Baionako Glain elkarteen etxerat, Euskaraldiaren hasiera ospatzera memento goxoa pasatuz! Hobe izena ematerat [email protected] helbidera idatziz! (...)
Euskaltzaindiak bere mendeurrena ospatzen du, eta ber denboran euskara batuaren mende erdia. Karia horretara zortzi ekitaldi aurreikusiak ditu.
Lehenbizikoa Baionan egin du irailaren hamahiruan, herriko etxean. Eta zergatik Baionan ? Hiri horretan egin zirelakoz euskara batuari buruzko lehen urratsak, 1963-1964 ikasturtean. (...)
2019ko apirilaren 4tik 14ra Euskal Herria, Garestik Gasteizera zeharkatuko duen 21. Korrikaren lelo gisa “Klika” hautatu du AEK-k.
Euskararen aldeko 2 000 km baino gehiagoko lasterketa berri honek kulturan, euskalgintzan eta pentsamenduaren alorrean egin ekarpenak direla medio Jose Luis Alvarez Enparantza “Txillardegi” omenduko du. (...)
“Euskaraldia ez da kanpaina bat, indar kolektiboaren bidez hizkuntz ohituren aldatzeko burutuko den ariketa pertsonal bat baizik”.
Euskaraldiren hobeki ezagutzeko Jenofa Berhocoirigoin Ipar Euskal Herriko Euskaraldiko koordinatzaileari luzatu dizkiogu hainbat galdera ahal bezain bat izan gaitezen azaroaren 23tik abenduaren 3a arte Euskaraldiari esker euskaran murgiltzen.(...)
Enbata Hilabetekariko Sar Hitza - Erabiltzen ez den hizkuntza bat herdoiltzen da, eta herdoilak hiltzen du. Euskaraldiak erabiltzaileengan jartzen du arreta, eguneroko bizian euskaraz mintzatzeko leku gehiago aurki dezagun. Euskara hainbesteraino itzalean egoteak eragiten du, leku anitzetan, uste izatea gure solaskidea erdalduna dela. Farmaziara, saltegira, okindegira, ostatura eta noranahi joatean, lehen hitza erdaraz egin ohi da gehienetan, eta horrek elkarrizketa erdarara darama.
Euskarak lege babesik ez edukitzeak eta euskaldunak demografikoki gutxituak izateak eragiten du euskararen ikusezintasuna, euskaldunen beren begietan ere. Ondorioz, autoestimu eta auto-konfiantza falta dute euskaldunek (norbanakoek), eta horrek eragiten du euskara oraino gutxiago erabiltzea. Gurpil zoroa. (...)
Enbata sostengatu ! 40€-tarik goiti hilabete guziz zuen gutun ontzian Enbata aldizkaria lortuko duzue.
