Iritzia
Urriaren 2an, arratsalde bukaeran, EHBaiko hamar bat kidek bi banderola zabaldu dituzte Pierre-Édouard Stérinen etxean. Horrela, Ipar Euskal Herriko biztanleen bizkarrean eskuin muturreko milioidunaren 10 milioi euroko higiezin espekulazioa salatzeko. Militante abertzaleek zabaldutako banderoletan hurrengoa irakur zitekeen: “Eskuin muturrak Euskal Herrian espekulatzen du” eta “Etxebizitza eskubidea ez dago salgai”. Igorritako mezua argia da: eskuin muturrak eta espekulazioak ez dute lekurik, ez Euskal Herrian ez eta beste inon.
2025eko urriaren 2an EHBaiko kideek Pierre-Edouard Stérinen Donibane Lohizuneko bigarren etxebizitzan ekintza bat egin ondotik, urriaren 3an Stérinek EHBai, Gaby Arestegui eta Hugo-Luc Maillosen kontra salaketa ezarri duela jakin dugu hedabideetara igorri duen agiri baten bidez. (...)