Egilea: Enbata

Larunbatean, urriaren 24an, arratseko 20:00tan bururatu da hitzaldi hunkigarri batekin Alternatiben Herria ekimena, Euskal Herriko 5. garren Alternatiben Herria.

Alternatiben Herriaren ordezkariek azpimarratu dutenez, “ekimen guztiek izan duten parte hartzea handia izan da" eta "bestelako eredu sozial eta ekonomiko baten aldeko borrokaren lehen urratsa besterik ez da izan Alternatiben Herri hau".

Alternatibak dituen herria bizirik den herria da. Horren irudikatzeko asmoz heldu den 2015eko urriaren 24an Alternatiben Herria ospatuko da Bilbon, Euskal Herriko Eskubide Sozialen Kartak proposatua eta Parisko COP21ri begira 10, 100, 1.000 Alternatiben Herri antolatzeko deiari erantzunez.

Aldarrikapen eta ospakizun eguna izanen da, egunerokoan bizia emaiten diguten hamaika proposamen handi eta ttikiren erakusleihoa. “Bizitza burujabea eskubidea osoz” izanen da Baiona, Zokoa, Donostia eta Donibane Garazitik landa Euskal Herrian antolatua izanen den 5. Alternatiben Herriaren leloa.

Alternatibarekin, harrigarria den herritar dinamika bat martxan da. Klima mugimendu haundi baten eraikuntzan, egiazko trantsizio sozial eta ekologiko baten martxan ezartzen eta jendarte humanoago, jasangarriago, zuzen eta bidezkoago baten eraikuntzan bere ekarpena egiten du. Jadanik 380 000 pertsonatik goitik parte hartu dute Alternatiba Itzuliaren etapa batean, edo Alternatibetan (aldaketa klimatikoari aurre giteko alternatiben Herrixketan), joan den 2013ko urriaren 6etik geroz.

Mobilizazioak jarraitzen du, urriaren 10 eta 11ko asteburuan Alternatiba Garazi-rekin, eta urriaren 24an, Alternatiba Bilborekin.

Mundu mailako energia krisiaren aurkezteko 35 minutako bideo pedagogiko bat euskaratu du Argiak.

Mundu mugatu batean mugarik gabeko hazkundea oinarri duen sistema politiko eta ekonomikoaren ezinak azaltzeko arras lagungarria.