Iragan iraileko Enbatan frantsesez aipatu dut Frantziako Estatu-burgesiaren aurka erresistentzian sartzea, Iparraldeko lurralde ofizial baterako bidean horrenganik hirugarren aldiko ezetza jasan ondoren. Haatik haserre gorrian sartzea ez da nahikoa, ikusi behar da zer egin. Euskal erresistentziaz hona bi ohar orokor, urrunago joatera saiatuz.
Lehena : erresistentzia jadanik hasia dugu, duela mende erdi bat horretan sartu ginen, ezen abertzale bilakatzeak erran nahi du nazioz aldatzea, eta beraz gure naziotasuna ukatzen duen Estatu-nazioaren aurka jaikitzea.
Bigarren oharra : bulta honetan hasia den erresistentzia hori nola zabaldu, sakondu, hedatu, gogortu, boztizkerian erori gabe ?
Orain arteko borroka zer izan den aipatu dugu Aberri Egun bezperan Itsasuko ekitaldian, gero Eusko Ikaskuntzak Enbataren sorreraz eta historiaz Baionan antolatu duen egunaldian. Erresistentzia horren emaitza baikorrenak zein izan dira? Abertzale mota guziek eta zabalkiago euskaltzaleek gure lanez erdietsi ditugunak: euskal edizio eta kazetak, ikastolak, gau eskolak, irrati libreak, pastoral eta orokorkiago antzerti berrituak, lantegi eta enplegu berriak, Euskal Herriko Laborantza Ganbera, herrietako hautetsi andana polita ere…
Autogestio baten fruituak
Horiek oro, eta bestalde ahanzten ditudanak, autogestio baten fruituak ditugu. Arrasateko kooperatibismotik abiatuz, autogestioaren ideia landu genuen 1970 urte inguruan. Laster xede hori praktikan garatu genuen, aldian aldiko urratsak asmatuz, eta ondorio baikorrak hor daude, gehienik hizkuntzan eta kulturan, hein batean ekonomian eta bizipideetan, arras guti edo batere ez politikan.
Eta hona nire galdea, lehenbizi neroni zuzendua : autogestio hori nola sar politikaren alorrean, zehazkiago lurralde kolektibitate baterako bidean ? Praktikan oso zaila iduri zait, zergen biltzeko ahalmenik ezean. Teorian bederen, bi urrats ikus ditzaket euskal herritarren meneko : alde batetik Udalbitza, bestetik Shadow Biltzarra deitu nezakeen erakunde sasitarra.
Udalbiltza bere osotasunean
Udalbiltza bere osotasunean berpiztea ez ote litzateke onuragarri ? Nik uste baietz, eta ez naiz bakarra. Aipatzen da, eta egin bedi arren, Iparraldean ere gorpuztuz eta erro bat sendoa hemen kokatuz. Diru aldetik ere zerbait ahal zuen, eta berriz ahal luke, agian gehiago, ber denboran Nafarroa Garaia eta Hegoaldearekiko harremanak azkartuz, hitz horren bi zentzuetara.
Shadow Cabinet
Beste ideia, Bretainia Handiko “Shadow Cabinet” delakoaren espirituan, lurralde kolektibitate birtual baten kudeatzaile, ipartarren halako Biltzar baten antolatzea. Bere aitzinkontuak finka litzake, xedeak ager, ber denboran instituzio eta erakunde ofizialenak aztertuz, azalduz eta jorratuz iritzi publikoaren aurrean. Eragin hau bederen baluke, sikologikoa eta morala : agintariei buruz Damoklesen ezpatarena, Kainen begiarena ; publikoari begira pedagogia baten garapena.
Euskal botere politiko eta ekonomikoa indartu
Horiek guziak, obraz baino errexago dira naski elez. Baina hitzaren indarra baizik ez dugunek, mintzatzea bederen egin behar dugu, bide berri batzuen proposatzea, gure ustez behintzat erratekorik badugunean. Bestela zer balio luke hemen paper gastatzen aritzea ?
Badakigu, euskaldunen arazo nagusia hizkuntzarena dugu, horrek euskaldun egiten gaituenez. Haatik horren aldeko borrokak zer ikustekorik badu, eta ez guti, lurralde kolektibitate baten aldeko lanarekin, eta zabalkiago euskaldunen botereak indartzeko lehia guziekin. Euskal botere politiko eta ekonomikorik gabe, nekez ariko gara euskararen zaintzan eta sustapenean. Hara politikan ere autogestioaren garatzeko arrazoi nagusi bat, beste guziak ahantzi gabe.
Indépendant, sans pub, en accès libre,
financé par ses lecteurs
Faites un don à Enbata.info
ou abonnez-vous au mensuel papier
Les temps sont difficiles, et nous savons que tout le monde n’a pas la possibilité de payer pour de l’information. Mais nous sommes financés par les dons de nos lectrices et lecteurs, et les abonnements au mensuel papier : nous dépendons de la générosité de celles et ceux qui peuvent se le permettre.
« Les choses sans prix ont souvent une grande valeur » Mixel Berhocoirigoin
Cette aide est vitale. Grâce à votre soutien, nous continuerons à proposer les articles d'Enbata.Info en libre accès et gratuits, afin que des milliers de personnes puissent continuer à les lire chaque semaine, pour faire ainsi avancer la cause abertzale et l’ancrer dans une perspective résolument progressiste, ouverte et solidaire des autres peuples et territoires.
Chaque don a de l’importance, même si vous ne pouvez donner que quelques euros. Quel que soit son montant, votre soutien est essentiel pour nous permettre de continuer notre mission.
Pour tout soutien de 50€/eusko ou plus, vous pourrez recevoir ou offrir un abonnement annuel d'Enbata à l'adresse postale indiquée. Milesker.
Si vous êtes imposable, votre don bénéficiera d’une déduction fiscale (un don de 50 euros / eusko ne vous en coûtera que 17).
Independentea, publizitaterik gabekoa, sarbide irekia, bere irakurleek diruztatua
Enbata.Info-ri emaitza bat egin
edo harpidetu zaitezte hilabetekariari
Garai gogorrak dira, eta badakigu denek ez dutela informazioa ordaintzeko ahalik. Baina irakurleen emaitzek eta paperezko hilabetekariaren harpidetzek finantzatzen gaituzte: ordaindu dezaketenen eskuzabaltasunaren menpe gaude.
«Preziorik gabeko gauzek, usu, balio handia dute» Mixel Berhocoirigoin
Laguntza hau ezinbestekoa zaigu. Zuen sustenguari esker, Enbata.Info artikuluak sarbide librean eta urririk eskaintzen segituko dugu, milaka lagunek astero irakurtzen segi dezaten, hola erronka abertzalea aitzinarazteko eta ikuspegi argiki aurrerakoi, ireki eta beste herri eta lurraldeekiko solidario batean ainguratuz.
Emaitza oro garrantzitsua da, nahiz eta euro/eusko guti batzuk eman. Zenbatekoa edozein heinekoa izanik ere, zure laguntza ezinbestekoa zaigu gure eginkizuna segitzeko.
50€/eusko edo gehiagoko edozein sustengurentzat, Enbataren urteko harpidetza lortzen edo eskaintzen ahalko duzu zehaztuko duzun posta helbidean. Milesker.
Zergapean bazira, zure emaitzak zerga beherapena ekarriko dizu (50 euro / eusko-ko emaitzak, 17 baizik ez zaizu gostako).