by 
ELB
PACaren kudeaketa administratiboak berriz ere kalteak eragiten ditu.
Badu hainbat aste laborariek 2023ko PACaren laguntzak goitatzen dituztela, jakinez PAC dozierrak tenorez igorri dituztela eta haien diru konduak husten ari zitzaizkiela.
Beranta horiek laguntza hauei lotuak dira, besteak beste :
- Baigorriko ibarreko eta Garaziko sindikateko mendietara abian diren hazleek ez dituzte oraindik bortuan lantzen dituzten lurrei dagozkien PAC laguntzak errezibitu (ICHN, DPB, eko-neurriak, pagabirbanatzaileak);
- Laborari gazte zonbaitzuek Dotation Jeune Agriculteur (DJA) goitatzen dute;
- Beste laborari batzuentzat, laguntza guzien ordainketak beranta hartzen du PAC dozierraren parte bati buruz duten kontrolarengatik.
Baigorri eta Garaziko ibarretan, bortura abian diren 515 hazleek laguntzen ordainketaren beranta pairatzen dute.
Egoera hori onartezina da eta etxalde ainitz lanjerrean ezartzen ditu, ikusiz gainerat azken urteetan idorteaeta inflazioaren gatik ahulduak izan direla.
Gaur ez dugu diru gehiago galdegiten baizik eta zor zaiguna. Baina paga beranta horietaz gain laguntzak orokorki apaldu direla salatzen dugu, bereziki hazkuntza sailean (behietan besteak beste). Horrez gain, eko-neurriak, MAEC eta ACJA laguntzekiko Frantses estatuak ez ditu bere promesak bete.
Maleruski, gaur egun PACak laborarien lan sariaren parte geroz eta haundiago bat errepresentatzen du. Hainbat hilabetez goitatu eta, laborariek ezin dute gehiago egoera hori jasan. Fakturak akumulatzen diren bitartean, laborarien diru konduak zailtasunetan dira. Batzuetan, laborariak diruaren aitzinatzerat behartuak dira (baieztatuak direlarik) baina interes-tasak %4etik gora dira. Egoera horiek eta ikusgarritasun falta gerozeta zailagoak dira bizitzeko. Ezin dugu martxoaren 15a goitatu arazo horiek konponduak izan daitezen.
Laborariak errespetatu behar dituzten epe eta kontrol zorrotzen menpe dira. Onartezina da Estatuak berak ez dituela epeak errespetatzen.
ELB eta mobilizatu diren laborari guziek PAC laguntzak segidan eta guttienez aste huntan ordainduak izan daitezela galdegiten dute!
Eta gerorako ELBk galdegiten du:
- Kontrola bati lotua den ordainketa beranta bakarrik kontrolatua den parte horri lotua izaitea;
- PAC laguntzen %80a bederen irailean ordainduak izaitea