Ezker Abertzalea eta Gernikako Arbola

Euskal Herriko ehunka musikari eta kultura-eragilek Gernikako Arbola kantuaren lehen ahapaldia zazpi lurraldeetako ereserki nazional berriz izan dadin hartu duten ekimenaren aurrean, behean sinatzen dugunok, kargudun publikoak edo izandakoak, kultura eta gizarte aktibistak, preso ohiak, Ezker Abertzale osoko militanteak guziak, gure hurbileko erakundeei eta Euskal Herri osoari adierazi nahi diegu ekimen horrek gure babesa duela.

Ekimen hori txalotu nahi dugu; izan ere, hautsirik dagoen pitxerra berregiten saiatzen da (Monzonek erran zuen bezala), herrialdea egiten, batzen eta munduko herri guziek badutena hornitzen: elgarrekin kantatzeko eta askatasun gogoa adierazteko ereserki bat. Mende eta erdiz, Gernikako Arbola kantuak adierazi du nahi hori, batzuek foruen babesa ikusten baitzuten hor, bertze batzuek elkartasun internazionalista eta laikotasuna eta, azkenik, bertzek independentismoa. Karlismoak eta liberalismoak kantatu zuten hastapenean; gero, errepublikazaleek eta ezkertiarrek; geroago, EAJko bizkaitarrek, eta hartara heldu zen ezker abertzale modernoko lehen belaunaldietara. Azken berrogeita hamar urteetan guk aukera bat egin dugu eta Eusko gudariak gure ereserkian geratu da adierazia, baina ez dugu ahazten herri batek hura osotasunean ordezkatuko duten erreferentziak behar dituela, adibidez, hizkuntza, lurraldearen mapa, hedabideak, tradizioak, memoria kolektiboa, bandera(k) eta, noski, ereserki nazionala, hori guzia albait adostasun handienaz.

Proposamena bultzatu duten musikariek erran duten bezala, euskarazko testu batek, doinu batek, euskal ereserki batek ere ez du izan Gernikako Arbola kantuak erdietsi duen presentzia Euskal Herriko lurralde osoan, ezta haren pareko nazioarteko proiekziorik ere. Foru gerretatik Gernika suntsitu eta geroko erbeste arte, ereserkia hor egon da gure herriaren historia eta aldarrikapen momentu guzietan.

Gure herrialdea artikulatuko duten sinboloen premia hori are gorriagoa da Nafarroan edo Ipar Euskal Herrian, azken hamarkadetan Euskal Autonomia Erkidegoak bere aldera eraman baititu guzienak ziren sinbolo eta kontzeptuak, gu haien alde adorez borrokatu garen arren. Hori gertatu da, hain zuzen, “Euskadi” leku izenarekin, mendebaldeko hiru probintzietarako geratu baita bakarrik, baita “País Vasco” kontzeptua ere gaztelaniaz, euskal eta espainiar hedabide indartsuek hala deitzen baitiote gure herrialdearen zati txiki horri. Nafarroa Garaian ikurrina ezbaian eta jazarria da gero eta gehiago, eta “euskal” jentilizioa ez da ia erabiltzen. Trantsizioan inposatu ziguten administrazio eta lurralde zatiketa gure herrialdea banatzen joan da, eta are, frankismo arte iraun duten “euskal nafar” elkarteak ere desagertu dira.

Gernikako Arbola Euskal Herriko alderdi guziek babestu eta kantatu dute, lehengoek eta oraingoek. Guri beren testigantza utzi ziguten Eli Gallastegik, Telesforo Monzonek, Federico Krutwigek edo Txabi Etxebarrietak, bertzeak bertze. Etapa politiko berri honetan, guziok ezagutzen ditugun zirkunstantziengatik, ez Gora eta gora, ez Nafarroako Gorteen ereserkia, ez Eusko gudariak (eta, are guttiago, bertze edozein kantu), ez dira Euskal Herriko emakumezko eta gizoneko guziak elkartuko dituen ereserki nazional bilakatuko. Errespetatzen dugu zeinek bere espazioa izatea, baina Euskal Herria leku izena  zazpi lurraldeei deitzeko berreskuratu dugun bezala, uste dugu egingarria eta beharrezkoa dela hainbat belaunalditan Zazpiak Bat gehien elkartu duen ereserkia berreskuratzea.

Eta seguru gaudenez Ezker Abertzaleak hartuko duen jarrera horretarako giltzarria dela, dei egiten diogu irmotasunez onar dezan Gernikako Arbola dela Euskal Herri osoko ereserki nazionala, eta hura berreskuratzeko proposamena egin diezaion gure gizarte osoari. Kantatu ahal izango ote dugu hura elgarrekin heldu den Aberri Egunean edo Euskal Selekzioaren edozein partidutan!

Adolfo Araiz (Tafalla); Laura Mintegi (Algorta-Getxo); Eugenio Etxebeste (Donostia); Miguel Castells (Donostia); Itziar Aizpurua (Deba); Joseba Asiron (Iruñea); Filipe Bidart (Baigorri); Txutxo Abrisketa (Ugao-La Habana); Alfonso Etxegarai (Plentzia); Kristian Etxaluz (Domitxine); Tasio Erkizia (Lesaka); Karlos Almorza (Amasa); Grazi Etxebehere (Ortzaize); Javier Salutregi (Ea); Julen Aginako (Urduña); Patxi Urrutia (Amaiur); Gloria Rekarte (Iruñea); Iñaki Ruiz de Pinedo (Gazteiz); Xabier Alegría (Pasaia); Elena Bartolomé (Bilbo); Iñaki O`Shea (Barakaldo); Koldo Gorostiaga (Hiriburu); Iñaki Egaña (Donostia); Jesús Casajús (Murtxante); Arantza Arruti (Zarautz); Francisco Letamendia “Ortzi” (Algorta-Getxo); Koldo Lakasta (Beire); Izazkun Rekalde (Tolosa); Angel Rincón (Cortes); Camino Mendiluze (Altsasu); Jose Mari Esparza (Tafalla); Santi Lorente (Tudela); Mariné Pueyo (Falces); Santi Kiroga (Uharte); Jose Ramon Etxebarria (Gernika); Jose Angel Urteaga (Santurtzi-La Habana); Txemi Gorostiza (Sestao-Uharte); Iñaki Aldekoa (Amorebieta); Sagrario Alemán (Etxaleku); Hartzea López (Angelu); Kiko Lako (Agoitz); Allande Etxart (Maule); Joseba Alvarez (Donostia); Elena Urabaien (Eguzkitza); Sabino Cuadra (Amurrio-Iruñea); Joxe Iriarte “Bikila” (Oiartzun); Patxi Zabaleta (Leitza); Ibon Arbulu (Bilbo); Iñigo Iruin (Donostia); Teresa Toda (Hernani); Jose Luis Elkoro (Bergara); Karmelo Landa (Ea); Patxi Erdozain (Agoitz); Kontxi Erro (Lesaka); Joxemari Olarra (Amasa).

Soutenez Enbata !

Indépendant, sans pub, en accès libre,
financé par ses lecteurs
Faites un don à Enbata.info
ou abonnez-vous au mensuel papier

Enbata.info est un webdomadaire d’actualité abertzale et progressiste, qui accompagne et complète la revue papier et mensuelle Enbata, plus axée sur la réflexion, le débat, l’approfondissement de certains sujets.

Les temps sont difficiles, et nous savons que tout le monde n’a pas la possibilité de payer pour de l’information. Mais nous sommes financés par les dons de nos lectrices et lecteurs, et les abonnements au mensuel papier : nous dépendons de la générosité de celles et ceux qui peuvent se le permettre.

« Les choses sans prix ont souvent une grande valeur » Mixel Berhocoirigoin
Cette aide est vitale. Grâce à votre soutien, nous continuerons à proposer les articles d'Enbata.Info en libre accès et gratuits, afin que des milliers de personnes puissent continuer à les lire chaque semaine, pour faire ainsi avancer la cause abertzale et l’ancrer dans une perspective résolument progressiste, ouverte et solidaire des autres peuples et territoires.

Chaque don a de l’importance, même si vous ne pouvez donner que quelques euros. Quel que soit son montant, votre soutien est essentiel pour nous permettre de continuer notre mission.

Abonnez-vous / Soutenez-nous

Pour tout soutien de 50€/eusko ou plus, vous pourrez recevoir ou offrir un abonnement annuel d'Enbata à l'adresse postale indiquée. Milesker.

Si vous êtes imposable, votre don bénéficiera d’une déduction fiscale (un don de 50 euros / eusko ne vous en coûtera que 17).

Enbata sustengatu !

Independentea, publizitaterik gabekoa, sarbide irekia, bere irakurleek diruztatua
Enbata.Info-ri emaitza bat egin
edo harpidetu zaitezte hilabetekariari

Enbata.info aktualitate abertzale eta progresista aipatzen duen web astekaria da, hilabatero argitaratzen den paperezko Enbata-ren bertsioa segitzen eta osatzen duena, azken hau hausnarketara, eztabaidara eta zenbait gairen azterketa sakonera bideratuagoa delarik.

Garai gogorrak dira, eta badakigu denek ez dutela informazioa ordaintzeko ahalik. Baina irakurleen emaitzek eta paperezko hilabetekariaren harpidetzek finantzatzen gaituzte: ordaindu dezaketenen eskuzabaltasunaren menpe gaude.

«Preziorik gabeko gauzek, usu, balio handia dute» Mixel Berhocoirigoin
Laguntza hau ezinbestekoa zaigu. Zuen sustenguari esker, Enbata.Info artikuluak sarbide librean eta urririk eskaintzen segituko dugu, milaka lagunek astero irakurtzen segi dezaten, hola erronka abertzalea aitzinarazteko eta ikuspegi argiki aurrerakoi, ireki eta beste herri eta lurraldeekiko solidario batean ainguratuz.

Emaitza oro garrantzitsua da, nahiz eta euro/eusko guti batzuk eman. Zenbatekoa edozein heinekoa izanik ere, zure laguntza ezinbestekoa zaigu gure eginkizuna segitzeko.

Harpidetu/Sustengatu

50€/eusko edo gehiagoko edozein sustengurentzat, Enbataren urteko harpidetza lortzen edo eskaintzen ahalko duzu zehaztuko duzun posta helbidean. Milesker.

Zergapean bazira, zure emaitzak zerga beherapena ekarriko dizu (50 euro / eusko-ko emaitzak, 17 baizik ez zaizu gostako).