by 
2022an sortua, Konkolotx elkarteak euskarazko lehen haurtzaroko harrera egiturak sustatzen ditu. Euskararen transmisioan duten funtsezko eginkizuna aldarrikatzen du, eta azaroaren 21eko manifestaldian parte hartzeko arrazoiak azaltzen dizkigu Maider Negueloua Konkolotx elkarteko koordinatzaileak.
Enbata : Zein da zuen erakundearen ekarpena euskaldunen kopurua % 30era heltzeko?
Maider Negueloua: Gure elkartea, Konkolotx, gaztea da, 2022an sortu zen. Elkarteak biltzen ditu euskara hutsezko harrera eskaintzen duten 3 haurtzaindegiak, 7 haurtzain etxeak (MAM) eta 4 etxe haurtzainak. Eskas edo hutsune baten ondorioz sortu genuen, euskarazko lehen haurtzaroa saretzeko, gaur egun eskaintzen diren euskarazko harrera tokiak egonkortzeko eta sustut berriak sortzen laguntzeko. Hortan da beraz gure elkartearen lana, haurrak ahal bezain goiz sar daitezen euskararen bainuan.
Bestalde, banakako harrerari dagokionez, etxe haurtzainek eta haurtzain etxeetako profesionalek euskararen transmisioan egiten duten lanak ez du ikusgarritasunik ezta ezagupenik ere. Hortako, elkarteak labelizatze dispositibo bat asmatu du, LEHA dispositiboaren harirat, banakako harrerari egokitua. Metodologia hori instituzioekin partekatu dugu eta azken urte honetan ari gara haiekin lankidetzan, egokitu eta esperimentatzekotan.
Zein izan dira zuen arloan ikusi dituzuen aitzinatzeak?
Elkartea gaztea izanik ere, lehen haurtzaroari dagokionez ohartzen gara euskarazko harrera naturala bilakatu dela burasoentzat.
“Lehen haurtzaroari dagokionez ohartzen gara euskarazko harrera naturala bilakatu dela burasoentzat. Maleruski zaintza eskaera guziek ez dute erantzun baikorrik ukaiten, ez da oraino aski toki.”
Maleruski zaintza eskaera guziek ez dute erantzun baikorrik ukaiten, ez da oraino aski toki. Harrera kolektiboan haurtzaindegi anitz elebidunak dira, hori bederen, eta polliki polliki gero eta toki gehiagotan murgiltze sektoreak sortzen hasten dira. Banakako harrerari begira, antolaketa ez denez berdina bilakaera ez da hain argiki ikusten. Hala ere, gure sareko egiturei eta profesionalei ez zaie toki hutsik gelditzen, eta hori, ene ustez, behar bati erantzuten dugula seinale da. Bide beretik, Konkolotx elkarteak laguntzen dituen haurtzain etxe proiektu berriek ere erakusten dute familien eskaera zinezkoa dela. Halaber, ohartu gara aurtengo hauteskundeen ondotik agertu talde berriek interes berezi bat badutela alde hortatik ere, beraz, aitzina!
Eta ber maneran zailtasun nagusiak zein diren zehatz diezagukezu?
Lehen haurtzaroari dagokionez bi arrangura nagusi agertzen dira azken urteotan. Lehena, sortze kopuruen bilakaera: 2010az geroztik, urtero sortze kopurua apaltzen da, Ipar Euskal Herrian, 2010ean 2.811 haur sortu ziren, 2025ean 2.348 sortze izan dira. Bigarrena, lan eremu gehienetan bezala profesional euskaldunen aurkitzea neke da eta horri gehitzen zaio lehen haurtzaroko profesionalen adinarena, haurtzainen % 25ak 55 urtez gora ditu lurraldean. Horrez gain, proiektuak gauzatzeko behar den denborak, instituzioenak batez ere, urratsak emekitzen ditu eta horrengatik proiektu eramaile batzuk bidean galtzen ditugu.
Nola egin daiteke “Euskal Herrian euskaraz bizitzeko eskubidea” zehazki sentitua izan dadin jendarte zabalean?
Gure arlotik begiratuz, euskara hutsezko harrera toki gehiago sortuz, hor daudenak egonkortuz eta lehenago aipatu bezala, oraingo harrera tokiak murgiltze eredura pasaraziz. Aldi berean, burasoen hautuak kontuan hartuz, hizkuntza eskubideak errespetatuz eta beharrezkoak diren baliabideak parean jarriz.
Zein dira zuen arlotik, azaroaren 21ean, Euskalgintzak deitzen duen manifestaldian parte hartzeko 3 arrazoi nagusiak?
Preseski, Konkolotx elkarteak euskalgintzaren 4 aldarriekin bat egiten du. Euskararen koofizialtasuna, Frantziako Konstituzioaren 2. artikuluaren aldatzea, Frantziako parlamentuan hizkuntza gutituen aldeko lege ausarta bozka dadin eta Ipar Euskal Herriko instituzioek euskararen aldeko hizkuntza politika eraginkorrak martxan eman ditzaten. Egunerokoan euskara ikasteko, mintzatzeko, erabiltzeko, transmititzeko egiten ditugun indarren jarraian, bat gehiago egin beharko dugu, azaroaren 21ean euskarari dugun atxikimendua erakusteko. Badakigu egiten, badakigu zer behar eta zer nahi dugun, beraz, eia!
Indépendant, sans pub, en accès libre,
financé par ses lecteurs
Faites un don à Enbata.info
ou abonnez-vous au mensuel papier
Les temps sont difficiles, et nous savons que tout le monde n’a pas la possibilité de payer pour de l’information. Mais nous sommes financés par les dons de nos lectrices et lecteurs, et les abonnements au mensuel papier : nous dépendons de la générosité de celles et ceux qui peuvent se le permettre.
« Les choses sans prix ont souvent une grande valeur » Mixel Berhocoirigoin
Cette aide est vitale. Grâce à votre soutien, nous continuerons à proposer les articles d'Enbata.Info en libre accès et gratuits, afin que des milliers de personnes puissent continuer à les lire chaque semaine, pour faire ainsi avancer la cause abertzale et l’ancrer dans une perspective résolument progressiste, ouverte et solidaire des autres peuples et territoires.
Chaque don a de l’importance, même si vous ne pouvez donner que quelques euros. Quel que soit son montant, votre soutien est essentiel pour nous permettre de continuer notre mission.
Pour tout soutien de 50€/eusko ou plus, vous pourrez recevoir ou offrir un abonnement annuel d'Enbata à l'adresse postale indiquée. Milesker.
Si vous êtes imposable, votre don bénéficiera d’une déduction fiscale (un don de 50 euros / eusko ne vous en coûtera que 17).
Independentea, publizitaterik gabekoa, sarbide irekia, bere irakurleek diruztatua
Enbata.Info-ri emaitza bat egin
edo harpidetu zaitezte hilabetekariari
Garai gogorrak dira, eta badakigu denek ez dutela informazioa ordaintzeko ahalik. Baina irakurleen emaitzek eta paperezko hilabetekariaren harpidetzek finantzatzen gaituzte: ordaindu dezaketenen eskuzabaltasunaren menpe gaude.
«Preziorik gabeko gauzek, usu, balio handia dute» Mixel Berhocoirigoin
Laguntza hau ezinbestekoa zaigu. Zuen sustenguari esker, Enbata.Info artikuluak sarbide librean eta urririk eskaintzen segituko dugu, milaka lagunek astero irakurtzen segi dezaten, hola erronka abertzalea aitzinarazteko eta ikuspegi argiki aurrerakoi, ireki eta beste herri eta lurraldeekiko solidario batean ainguratuz.
Emaitza oro garrantzitsua da, nahiz eta euro/eusko guti batzuk eman. Zenbatekoa edozein heinekoa izanik ere, zure laguntza ezinbestekoa zaigu gure eginkizuna segitzeko.
50€/eusko edo gehiagoko edozein sustengurentzat, Enbataren urteko harpidetza lortzen edo eskaintzen ahalko duzu zehaztuko duzun posta helbidean. Milesker.
Zergapean bazira, zure emaitzak zerga beherapena ekarriko dizu (50 euro / eusko-ko emaitzak, 17 baizik ez zaizu gostako).