by 
Ipar Euskal Herriko abertzaletasunaren 60 urteen karietara, eremu guzietako abertzale talde batek, asteazken honetan, abenduaren 14an, dei egin dio Mugimendu Abertzaleari biharko Euskal Herria eraikitzeko lanean bat egitera, Herri Topaketa batzuetan parte hartuz. bagira⚹ prozesuak Ipar Euskal Herriko Mugimendu Abertzalearen osagai guzien artean, Herri Topaketak antolatzea du helburu. Prozesu horren anbizioa Ipar Euskal Herriko abertzaletasunari Mugimendu izaera berriz emaitea da, berrituz, berrindartuz eta, erronka garaikideak gaindituz, beste 60 urte gehiago proiektatzeko oinarriak eskaintzea.
Proiektuaren antolaketa, Mugimenduaren aniztasuna ordezkatzen duen eta, bai generoz, bai belaunaldi ikuspegitik orekatua den hamabost bat abertzaleko talde batek du. Gidaritza Batzordea osatzen duen talde hau erregularki bildu da joan den urtean bagira⚹ prozesuaren antolaketa proposamen bat sortzeko helburuarekin.
Hiru sekuentzia nagusi
bagira⚹ prozesuak hiru sekuentzia nagusi ukanen ditu eta bi inflexio momentu inportante, antolaketa berritua izanen duten Aberri Egunekin.
Transmisio Historikoa
Azken 60 urte hauetan Mugimendu Abertzalea eraiki duten eragileen Transmisio Historikoarekin hasiko da. Lehen sekuentzia hau 2023ko otsailean eta martxoan zehar iraganen da.
2023ko Aberri Eguna
Apirilaren 8 eta 9an Aberri Egun historikoa ospatuko dugu. Bi eguneko egitarau bat antolatuko da Itsasuko herrian. Iraganaz oroiturik, oraina ospatzeko eta etorkizunera proiektatzeko herri giroko momentua izanen da.
Diagnostikoa
Ondotik, diagnostikoari bidea idekiko zaio. Helburua, Mugimendu Abertzalearen gaur egungo egoera eta biharko erronken aztertzea izanen da galdeketa kantitatibo eta topaketa kualitatiboen bidez.
Ekoizpen Amankomuna
Azken fasean herri eztabaida bat antolatuko da, Ipar Euskal Herriko mugimendu abertzalearen oinarriak eguneratzeko, epe ertainean partekatuak diren helburuak eta urratsak zehazteko eta, horiek elkarrekin erdiesteko, Mugimendua berriz osatzea ahalbidetuko duten antolaketa eta artikulazioak finkatzeko.
2024ko Aberri Eguna
Azkenik, 2024ko Aberri Egunean, bagira⚹ Herri Topaketen prozesuari bukaera emanen zaio.
bagira⚹ prozesuak hiru sekuentzia nagusi ukanen ditu: Transmisio Historikoa, Diagnostikoa, Ekoizpen Amankomuna.
bagira⚹ ekimenak dei egiten die biharko Euskal Herria eraikitzeko prest diren pertsona guziei prozesuarekin bat egitera, bagira.eus webgunera joanez, eta ondoko informazio kanaletan jakinaraziko diren ekitaldietan parte hartuz:
www.bagira.eus
www.facebook.com/bagira.eus
www.twitter.com/bagira_eus
www.instagram.com/bagira_eus/
Eta, BERRIPAPERAri harpidetuz: https://www.bagira.eus/eu
Zertarako denak berriz hasi behar ditugu !
Ez ote dugu kongresu bat egin , duela hilabete bat !
Badakigu norat buruz bagazan , Ipar Euskal herriko independentziari buruz , eta EHBai alderdi politikoa izan behar da tresna oberena helburu hau lortzeko . EHBai behar ditu ideiak mahai gainean ezarri eta lau haizeetarat bareatu . Elkarteak ( Bizi/Alda , LAB , EHLG , Seaska eta bertze ), bai lana haundia egiten dute , bainan ez dira bozkazale aintzinerat joaiten .
BAGIRA , BIL GAITEN , XUTI GAZTE , ERNAI , GKS , ITAIA , IKAMA eta gero zer ?
Jendeak galtzen ditugu , eta gu ere galtzen gira . Palabra , palabra eta palabra !
Ai Antton, ai Antton, ate ondoan hor konpon gelditu zara, alderdiaren buruzagitzara sartu baino. Ze pena gu denontzat, zuk dena besteak baino hobe ulertzen baituzu eta.
Bai arrazoin duzu hortan , denak besteak baino hobeto ulertzen ditut .
Bainan zuk ere hobetu nahi baduzu , liburutxo bat gomendatzen dauzut politikan ikasteko eta trebetzeko ! Oui-Oui fait de la politique .