by 
Euskal Konfederazioko irakaskuntza elkarteen hitzartzea, 2021eko maiatzaren 29an
Arratsalde on deneri,
Euskararen eta oro har, lurralde hizkuntza guztien irakastea betidanik izan da Frantses estatuarekin eta administrazioarekin borroka bat. Aldi honetan aldiz, Frantziako arau egile gorena den konstituzio kontseiluaren erabakiarekin, kolpea izugarria da. Parisek gure hizkuntzak heriotza segurrera kondenatu nahi ditu, eta gure hizkuntzarekin batera gure kultura eta gure identitatea ehortzi nahi ditu.
Murgiltze eredua antikonstituzionala omen da beraz.
Erabaki soil hori aski liteke beraz, azken 50 urte hauetan eraiki den hezkuntza sistema bat deuseztatzeko? Emaitza pedagogiko ezin hobeak, zientifikoki frogatuak, dituen metodo baten errausteko?
10 000tik gora jende jautsiak gira egun Baionako karriketan, errateko hori ez dugula onartuko.
Nous sommes plus de 10 000 dans les rues de Bayonne aujourd’hui, pour dire que n’accepterons pas de voir détruire un système éducatif qui a 50 ans, et une méthode pédagogique dont les excellents résultats sont démontrés.
Euskal Herrian da, Frantzia Estatu guztian, murgiltze sistema aitzinatuena eta hedatuena lurralde hizkuntzen irakasteko. Hemen badakigu hau dela hiztun osoak sortzeko manera bakarra, euskaraz biziko diren helduak eta hizkuntza transmitituko dutenak.
Seaskan 37 ikastola badira, lehen maila, kolegio eta lizeo, sail katolikoan 19 ama eskola eta sail publikoan 20 ama eskola murgiltzea praktikatzen dutenak, orotara 5 000tik gora haur! Ikastetxe horiek guztiak legez kanpo litezke? Sortu ditugun tresna bikainak galtzea, eta gibelera egitea ez dugu onartuko.
37 ikastola, 19 maternelles dans la filière catholique et 20 dans la filière publique qui pratiquent l’immersion. Plus de 5000 élèves au total ! Nous n’accepterons pas de reculer, et de perdre nos écoles d’excellence!
Zeren, Frantziako legedia guztiaren gainetik, giza eskubide eta hizkuntza eskubideak baditugu, oinarrizkoak. Giza eskubideen aldarrikapen unibertsalak dio « burasoek hauta dezaketela, lehentasunez, beren haurrentzat nahi duten hezkuntza mota ».
Orduan ezin gira egon Paristar iritzi hertsi eta atzerakoi baten menpe, erabakitzaile multzo bakarti baten manuen menturan.
Gure hizkuntzak babestu eta transmisioa bermatu ordez, mehatxatzen dituzten lege eta konstituzioak ez ditugu onartuko.
Ezpata sartu ondoan, gillotina gure buruen gainean ezarri ondoren, Macron edo Castexen ele xuriek ez gaituzte aseko.
La déclaration universelle des droits humains nous garantit des droits linguistiques et le choix de l’éducation de nos enfants. Nous n’accepterons pas les lois et constitution qui menacent nos langues au lieu de les protéger et de garantir leur transmission.
Sail elebidunean, eskola publikoan zein katolikoan, murgiltze eredua sartzea aurrerapauso nagusi bat izan zen. Jauzi kualitatibo bat bikaina. Iraultza ttipi bat eredu elebidunaren baitan. Arrakasta handia duen metodoa, bizkitartean. 1 000tik goiti haur dira murgiltze ama eskoletan, sail elebidun pribatu eta publikoan. Beste nihun ez da horrelako egoerarik Frantziar Estatuan. Justuki gure hizkuntzak salbatzen ahal dituen metodo pedagogikoa delako suntsitu nahi dute murgiltze eredua.
Borrokatu behar gira dinamika hori atxikitzeko, 39 murgiltze eskola horiek salbatzeko.
Gaur egun eskutan duguna begiratu ez bakarrik, aitzina jo behar dugu:
* 2021an Arrosa-Ortzaize, Aiherra, Larraine eta Idauze-Mendiko murgiltze amaeskolek ideki behar dute
* Krisi huntarik indarturik atera behar dugu, murgiltzea ama eskoletan bakarrik ez, lehen maila pribatu eta publikoetan ere garatzeko urratsak finkatuz
* Ikastola sareak hedatu behar du, beti goiti doan galderari erantzuteko ikastola, kolegio eta lizeo berriak idekiz, eta eraikuntzak lagunduz
*Kolegio eta lizeo elebidunetan, euskarazko ikasgaiak biderkatu behar dira
* Brebeta eta baxoa euskaraz pasatu behar dira
Nous devons conserver nos classes en immersion, mais aussi aller plus loin : de nouvelles ouvertures dès 2021, de nouvelles ikastola, collèges et lycées, plus d’enseignements en basque en bilingue, le brevet et bac en basque !
Gure hautetsi ordezkariek, parlamentariek, gobernuak seguritate juridiko hori segurtatu behar digute lehenbailehen. Jakin dezatela Parisen gure egoera babestuko duen koadrorik gabe, ez girela isilduko eta ez dutela bakerik izanen !
Eskolan ez bakarrik, euskarak bere toki guztia behar du karrikan, administrazioan, hedabideetan, gure egun guzietako harremanetan. Herriko etxeek ere rol inportanta izanen dute ondoko asteetan, euskararen defentsan tokiko Eurokartaren alde
engaiatzea galdeginen baitiegu.
Gure hizkuntza eskubideek errespetatuak izan behar dute, eta horrendako legeak bozkatu behar badira, konstituzioa aldatu behar bada, gaur bezala bilduko gira milaka gure kexua entzunarazteko eta gure hizkuntza defendatzeko!
Nos droits linguistiques doivent être respectés, et si pour cela il faut voter des lois, changer la constitution, comme aujourd’hui nous nous rassemblerons par milliers pour faire entendre notre colère et défendre notre langue !
Burasoen hitz hartzea:
Gu, Aiherra, Bardoze, Idauze-Mendi, Larrañe, Ortzaize – Arrosako burrasoak, gure eskoletan murgiltze ereduaren idekitzea galdegiten dugu.
Nous, parents d’élèves de Ayherre, Bardos, Idaux-Mendy, Larrau, Ossès-Arrossa, nous demandons l’ouverture de la filière immersive dans nos écoles.
Gure haurrek euskara eta euskaraz ikas dezaten nahi dugu.
Nous souhaitons que nos enfants apprennent la langue basque et en langue basque.
Badakigu, hortara heltzeko manera hoberena murgiltzea dela, frantsesa lanjerran ezarri gabe, alderantziz.
Nous savons que l’immersion est la meilleure manière d’y arriver, sans mettre en péril la langue française, au contraire.
Badakigu heientzat xantza bat dela, munduari idekitzeko aukera bat, sustrai sendoak ukanez.
Nous savons que c’est une chance pour eux, un moyen de s’ouvrir au monde en ayant des racines bien ancrées.
Badakigu herrialdeko kultura eta hizkuntza aniztasuna lantzea presazkoak direla.
Nous savons qu’il est urgent de cultiver la diversité culturelle et linguistique de notre pays.
Badakigu esperimentazio hori bakearen eta elgarrekin hobeki bizitzeko iturria dela.
Nous savons que cette expérimentation est source de paix et de mieux vivre ensemble.
Frantses errepublikak, bere berezitasunak eta desberdintasunak, batasunaren izenean ez ditu ezabatzea entseatu behar, bainan onartu eta errespetatu behar ditu, herrialdearen aberastasun kulturala egiten dutelako.
La république française ne doit pas au nom de son unité chercher à supprimer les spécificités, les différences de chacun mais les accepter et les respecter car elles contribuent grandement à la richesse culturelle du pays.
2021eko sartzearentzat, Aiherra, Bardoze, Idauze-Mendi, Larrañe, Ortzaize- Arrosako gure eskolentzat, murgiltze ereduaren idekitzea galdegiten dugu !!!
Pour la rentrée 2021, nous demandons l’ouverture de la filière immersive dans nos écoles de Ayherre, Bardos, Idaux-Mendy, larrau, Osses-Arrossa !!!
GURE HAURREK MURGILTZEA BEHAR DUTE !
NOS ENFANTS ONT BESOIN DE L’IMMERSION !
Auzapezen hitz hartzea:
Jaun andereak , arratsalde on…
Eüskara, gure hitzkuntza… atzo zanpatüa, mexpretxatüa… Errepublikako «Hussard beltzek » debekatüa…
Hemen gira , oraino egün … Herria…Eüskal Herria…zure defendatzen… zure laidatzen eta xütik etxekitzen…
Libertate bat bezala…Dretxo bat bezala…Ezin ezabatü nahikunde bat bezala eramanen zütügü…indarrez…beti bezala!…
Zütan murgiltzen giren bezala…zütan murgiltü nahi dütügü gure ondokoak… gure haurrak eta maite zütüen adixkide eta kide güziak…Eüskaldüntü nahi diren güziak…
Murgiltze Sistema irakaskuntza publikoan ere, behar dügü…
Nihonko Konstitüzioneek, ez eta nihunko Konseilü Konstitüzionalek ez düte hizkuntza bat erahiltzeko edo goxoki hiltzen lagüntzeko dretxorik…Ez hori nihorek…
Eüskararen bizitzeko dretxoa ez da negoziatzen… ez erosten …eta gütiago saltzen…
Frantziako eta mündü osoko hitzkuntzek, ber dretxo eta geriza ükan behar düe…
Konstitüzioneen gainetik, bizi behar düe…Gure izate gogoaren jakile !…
Jaun eta andere ardüradün eta ardüra gabe jokatzen direnek , jakin bezate:
Hitzkuntza eta Herria, berex ez doatzi,
Berek nahi daukute, konpreniarazi,
Bata bestea gabe , ez daizkela bizi…
(Xalbador Aire-en kobla)
Indépendant, sans pub, en accès libre,
financé par ses lecteurs
Faites un don à Enbata.info
ou abonnez-vous au mensuel papier
Les temps sont difficiles, et nous savons que tout le monde n’a pas la possibilité de payer pour de l’information. Mais nous sommes financés par les dons de nos lectrices et lecteurs, et les abonnements au mensuel papier : nous dépendons de la générosité de celles et ceux qui peuvent se le permettre.
« Les choses sans prix ont souvent une grande valeur » Mixel Berhocoirigoin
Cette aide est vitale. Grâce à votre soutien, nous continuerons à proposer les articles d'Enbata.Info en libre accès et gratuits, afin que des milliers de personnes puissent continuer à les lire chaque semaine, pour faire ainsi avancer la cause abertzale et l’ancrer dans une perspective résolument progressiste, ouverte et solidaire des autres peuples et territoires.
Chaque don a de l’importance, même si vous ne pouvez donner que quelques euros. Quel que soit son montant, votre soutien est essentiel pour nous permettre de continuer notre mission.
Pour tout soutien de 50€/eusko ou plus, vous pourrez recevoir ou offrir un abonnement annuel d'Enbata à l'adresse postale indiquée. Milesker.
Si vous êtes imposable, votre don bénéficiera d’une déduction fiscale (un don de 50 euros / eusko ne vous en coûtera que 17).
Independentea, publizitaterik gabekoa, sarbide irekia, bere irakurleek diruztatua
Enbata.Info-ri emaitza bat egin
edo harpidetu zaitezte hilabetekariari
Garai gogorrak dira, eta badakigu denek ez dutela informazioa ordaintzeko ahalik. Baina irakurleen emaitzek eta paperezko hilabetekariaren harpidetzek finantzatzen gaituzte: ordaindu dezaketenen eskuzabaltasunaren menpe gaude.
«Preziorik gabeko gauzek, usu, balio handia dute» Mixel Berhocoirigoin
Laguntza hau ezinbestekoa zaigu. Zuen sustenguari esker, Enbata.Info artikuluak sarbide librean eta urririk eskaintzen segituko dugu, milaka lagunek astero irakurtzen segi dezaten, hola erronka abertzalea aitzinarazteko eta ikuspegi argiki aurrerakoi, ireki eta beste herri eta lurraldeekiko solidario batean ainguratuz.
Emaitza oro garrantzitsua da, nahiz eta euro/eusko guti batzuk eman. Zenbatekoa edozein heinekoa izanik ere, zure laguntza ezinbestekoa zaigu gure eginkizuna segitzeko.
50€/eusko edo gehiagoko edozein sustengurentzat, Enbataren urteko harpidetza lortzen edo eskaintzen ahalko duzu zehaztuko duzun posta helbidean. Milesker.
Zergapean bazira, zure emaitzak zerga beherapena ekarriko dizu (50 euro / eusko-ko emaitzak, 17 baizik ez zaizu gostako).