"Mundua gazta bat baldin bada Euskal Herriak ere bere zatitxoa nahi du"

GAZTA ZATI BAT from Gure Esku Dago on Vimeo.

Munduan bere gaztagatik ezaguna den Euskal Herriko herri txiki batean abiatzen da istorio hau. Herritar xume batzuk, Europako indarkeriazko azken gatazka politikoaren zauri eta banaketa guztien gainetik misio handi bati ekingo diote: munduan zer da erabaki ahal izatea. Abentura horrek Europan albiste nagusi bihurtuko diren bi herrien gertakizun historikoen lekuko zuzenak izatera eramango ditu: Eskozia eta Euskal Herria. Letra txikiz idatzitako historia handi bat. Etorkizunari begira jartzen gaituen aro berriko dokumental bat.

“Gipuzkoako Goierriko Idiazabalen Nazioen Mundua izeneko dinamika abiatu zuten bertako ideologia ezberdineko herritarrek. ‘Gazta Zati Bat’ filman istorio horren berri eman zuten. Herri ttiki bateko herritarrak elkartu, lanean hasi, Eskoziara joan, Kataluniara, handik jaso, hemengoak eraman, konfiantzak eraiki, herritik eskualdera pasa hori, ikono ezagunen babesa lortu eta azkenean; filman erakusten den moduan, mundua gazta bat baldin bada Euskal Herriak ere bere zatitxoa nahi duela erran. Goierritar horien artean sortu zen galdera da «guk gure txikitasunean hau egin badugu, zer egitera iritsi gintezke hau txoko guztietara zabalduko balitz?»; ta noski, zabaldua zegoen, jada”. Horrela aurkeztu zuen Enbata.info-n Angel Oiarbide, Gure Esku Dago ekimenaren bultzatzaile taldekoak, ekimenaren sorrera. Xehetasun gehiagoarentzat, irakur artikulu hau ere.

“Gazta Zati Bat”

Ekoizlea: Pixel ikus-entzunezko ekoizpenak SL, Nazioen Mundua
Zuzendaria: Jon Maia
Ekoizpen exekutiboa: Nazioen Mundua
Gidoia: Jon Maia
Argazki zuzendaritza: Juantxo Sardon
Musika: Xabier Solano eta Zigor Lanpre
Zuzeneko soinua: Lolo Riuz, Iñigo Azkue (Pixel)
Muntaia: Eriz Zapirain
Post Produkzioa: Mikel Fuentes (Pixel)
Soinu Postprodukzioa: Beñat Gantxegi
Kameralariak: Juan Lius Eguskiza, Alberto Catenacci, Julian Gavilan (Pixel)
Produkzio laguntzaileak: Marcos Antolini, Eli Izquierdo, Ainara Alvarez (Pixel)
Komunikazioa: Oninart

Informazio gehiago: gaztazatibat.eu

You might also like