by 
Laborantza lurren atxikitzea garrantzi handikoa da lurraldearen eta laborantza garapenaren kudeaketan. Tamalez, laborantzan erabiliak izan diren lursail anitz ari dira azken urteetan galtzen Euskal Herri osoan: laborantzaz batere interesik ez duten lur erosleek bestelako ideiak dituzte espazio horiendako. Lur horien zaintzeko sortu da Lurzaindia, espekulazioaren kontra borrokatuz, lurrak kolektibizatuz, lurrak landuko dituztenek erabiltzeko. Hots, Lurzaindiari esker, elikatzen gaituen ama lurra ontasun kolektibo bilakatzeko molde bat finantzatzen da, lur horiek merkatu espekulatibotik betiko ateratuz!
2013an sortu zuten Lurzaindia lehen sektorearen borrokari lotuak diren lau egiturek: ELB laborantza sindikatuak, Arrapitz federazioak, Euskal Herriko Laborantza Ganbarak eta Amap laborantza iraunkorrerako elkarteak. Lurzaindia bera sortu baino lehenago, bazen Lurra GFAM izeneko elkartea, gazteak plantatzeko xedearekin etxaldeak erosteko lanean ziharduena.
Lurrak kolektibizatu
Urte osoan diru bilketak egiten ditu Lurzaindiak, salgai diren lurrak eta laborari etxaldeak erosi eta horiek Lurzaindiaren proiektura batu ahal izateko. Merkatu espekulatibotik kanpo gelditzen diren lur horiek epe luzerako alokairuen bitartez laborari gazteei beren proiektuak aitzina ateratzeko parada ematen diete.
Gaur egun 400 lur hektarea ingururen eta 20 etxalderen jabe da kolektiboa, eta horietan lanean dihardute 29 laborarik. Lurraren eta Lurzaindiaren diru bilketetan, berriz, 3.500 bat akziodunek hartu dute parte urteotan.
Laborantza intsalazio kanpaina berria
Herritarren sustenguari esker, laborantza instalazio baten mantentzeko hasi duten kanpaina aintzinera doa. Gaur egun, Arrokiagako Eskanda etxaldean 50 ahuntzekin instalatua den Anne Lavis-en aktibitatea atxikitzeko behar diren 71.200 euroen %68-a bildu ditu Lurzaindiak. Baina oraindik ere herritarren beharra bada %100 helburua lortzeko! Nola kausitu urte bukaera aintzin ? Azpian den harpidetza lorturara joanez eta zuen inguruan aipatuz, elgarrekin gure lurraldea, gure laborantza lurrak eta gure laborarien lana zaintzeko parada balia dezagun!
www.lurzaindia.eu/index.php/ek/participer-eu
Gure akziodunen sostenguari esker, lur espekulazioaren kontra borrokatzen dugu, lurraren elikatze funtzioa begiratzen dugu, lurra ororen ontasuna izan dadin borrokatzen dugu eta heltzen gira! LURZAINDIAren sostengatzen eta ahal gehiagoren emaiten segitu behar da, guzien tresna delako! Pertsona, enpresa, elkarte bakotxak LURZAINDIAren akziodun bilaka daiteke, egitura bakotxak bere inguruan ezagutarazten ahal du eta hurbileko jendea motibatu berek ere proiektuan parte har dezaten.
Edozein pertsona fisiko ala moralak (salbu kolektibitatea) akzioak hartzen ahal ditu Lurzaindian, 20€-tik goiti.
Lurzaindiaren suskripzio orria aski da betetzea eta berriz itzultzea Lurzaindia-Haize Berri-64120 Izura/Ostabat-Asme.
Suskripzioak txekez, sosez, euskoz, biramenduz edo zuzenki web gunean ordain daitezke.
Sos plazamendua gutienez 5 urterentzat egiten da, Lurzaindiaren helburua baita lurraren erostea epe luzerako.
Suskripzio kanpaina 2017eko abenduaren 31an bururatuko da.Lurzaindiari parte hartu !
Izen emaitea web gunean egiteko, klika jarraian: www.lurzaindia.eu/index.php/ek/participer-eu/21-participer-fr/35-bulletin-de-souscription-pour-particuliers-ou-organisations
Indépendant, sans pub, en accès libre,
financé par ses lecteurs
Faites un don à Enbata.info
ou abonnez-vous au mensuel papier
Les temps sont difficiles, et nous savons que tout le monde n’a pas la possibilité de payer pour de l’information. Mais nous sommes financés par les dons de nos lectrices et lecteurs, et les abonnements au mensuel papier : nous dépendons de la générosité de celles et ceux qui peuvent se le permettre.
« Les choses sans prix ont souvent une grande valeur » Mixel Berhocoirigoin
Cette aide est vitale. Grâce à votre soutien, nous continuerons à proposer les articles d'Enbata.Info en libre accès et gratuits, afin que des milliers de personnes puissent continuer à les lire chaque semaine, pour faire ainsi avancer la cause abertzale et l’ancrer dans une perspective résolument progressiste, ouverte et solidaire des autres peuples et territoires.
Chaque don a de l’importance, même si vous ne pouvez donner que quelques euros. Quel que soit son montant, votre soutien est essentiel pour nous permettre de continuer notre mission.
Pour tout soutien de 50€/eusko ou plus, vous pourrez recevoir ou offrir un abonnement annuel d'Enbata à l'adresse postale indiquée. Milesker.
Si vous êtes imposable, votre don bénéficiera d’une déduction fiscale (un don de 50 euros / eusko ne vous en coûtera que 17).
Independentea, publizitaterik gabekoa, sarbide irekia, bere irakurleek diruztatua
Enbata.Info-ri emaitza bat egin
edo harpidetu zaitezte hilabetekariari
Garai gogorrak dira, eta badakigu denek ez dutela informazioa ordaintzeko ahalik. Baina irakurleen emaitzek eta paperezko hilabetekariaren harpidetzek finantzatzen gaituzte: ordaindu dezaketenen eskuzabaltasunaren menpe gaude.
«Preziorik gabeko gauzek, usu, balio handia dute» Mixel Berhocoirigoin
Laguntza hau ezinbestekoa zaigu. Zuen sustenguari esker, Enbata.Info artikuluak sarbide librean eta urririk eskaintzen segituko dugu, milaka lagunek astero irakurtzen segi dezaten, hola erronka abertzalea aitzinarazteko eta ikuspegi argiki aurrerakoi, ireki eta beste herri eta lurraldeekiko solidario batean ainguratuz.
Emaitza oro garrantzitsua da, nahiz eta euro/eusko guti batzuk eman. Zenbatekoa edozein heinekoa izanik ere, zure laguntza ezinbestekoa zaigu gure eginkizuna segitzeko.
50€/eusko edo gehiagoko edozein sustengurentzat, Enbataren urteko harpidetza lortzen edo eskaintzen ahalko duzu zehaztuko duzun posta helbidean. Milesker.
Zergapean bazira, zure emaitzak zerga beherapena ekarriko dizu (50 euro / eusko-ko emaitzak, 17 baizik ez zaizu gostako).