Enbata Hilabetekariko Sar Hitza
Poza eta lotsa, aurpegiaren bi aldeak parekatu zaizkigu maiatzaren 25eko asteburuan. Bi alde, bi gai, eta, beraz, bi sentimendu kontraesankorrak piztu zaizkigu Euskal Herrian. Poza, ustekabean, Parisetik etorri zaigu. Borroka luzearen ondotik euskaltzale guziek gozatu ahal izan duten garaipen polit bat lortu dute.
Aspaldikoa den Baxoa euskaraz iragan ahal izateko aldarrikapena erantzunik gabe zegoen azken urteotan, urtez urte ikasle belaunaldi ezberdinak aldarrikapen eta borrokarako bidean jarriz baxoko frogak pasa aitzineko asteetan. 2026ko maiatz hasiera honetan, ohiturari eutsiz ikasleek aurtengo ekainaren 12an iragan beharreko matematikako frogan “desobedientzia zibilera” joko zutela iragarri zuten. Une berean Seaskak, ekainaren 6an Bordelen manifestaldia egitera deitua zuen ere. Azterketak euskaraz egiteko eskubidearen inguruko auzi horretan, maiatz amaierako asteburuak argi izpi berri bat zabaldu zuela ematen du. Lehen izpia Peio Dufau eta Paul Molac diputatuen ahotik hedatu zaigu Parisek azterketak “hizkuntza gutxituetan egiteko arautzeko asmoa” zuela erran zutelarik, eta erran horiek baieztatu dira ondotik, Edouard Geffray frantses Hezkuntza ministroaren eskutik 2028ko frogetan “azterketa idatzi bat eta ahozko handiaren zati bat euskaraz egiteko aukera izanen” zutela zehaztu zuelarik erabaki hori sail elebidunaren zinezko aitortza bat zela nabarmenduz.
“Urteetan askaezina zirudien euskarazko azterketen korapiloa askatzen hasia dela ematen duelarik, korapilo ilun bat agertu zaigu Bizkaiko Loiuko aireportutik.”
Azterketen historiari behako bat ematen badiogu, ikasleei garai batez salbuespen bat onartu zieten historia eta geografiako ikasgaia euskaraz pasatzeko aukera emanez hainbat urtez, eta, 2012tik aitzina matematikako froga ere euskaraz egiteko aukera izan zuten hala nahi zuten ikasleek. Baina 2019an lizeoaren eta baxoaren erreforma onartu zenetik ikasleek frantses hutsean pasatu dituzte baxoko azterketak. Horiek horrela, erran daiteke azterketak euskaraz pasa ahal izateko kuadro bat finkatzea urrats garrantzitsua eta garaipen handia dela. Ikustekoa izanen da aurtengo frogetan ikasleek matematikak euskaraz egiteko erakutsi duten asmoari zer nolako erantzuna emanen dion frantses Hezkuntza ministeritzak, hots azterketak euskaraz zuzenduak izanen diren ala ez.
Urteetan askaezina zirudien euskarazko azterketen korapiloa askatzen hasia dela ematen duelarik, korapilo ilun bat agertu zaigu Bizkaiko Loiuko aireportutik. Beldurgarria, lotsagarria eta, bereziki kezkagarria eta larria egiten zaigun korapiloa da hau. Gazak jasaten duen blokeo egoera hausteko Sumud Global Flotilla izeneko misio zibil humanitarioa abiatu zen bertara. Israelek Flotillaren aurka jo, eta ehunez goiti atxilotutakoei abusuak eta tratu txarrak jasanarazi zizkien, haien artean lau Euskal Herritarri. Horiek Bizkaiko Loiuko aireportura iritsiak zirela, azkarki jipoitu zituen Ertzaintzak, nazioartean eta Israelen bertan gaitzetsia izan den gertakari bat Euskal Herrirantz bideratuz. Gazaren aldeko eta Israelen genozidioaren aurkako ekimenak eta adierazpenak etengabeak diren lurralde honetan, ulergaitzak eta larriak zaizkigu komunikabideetan zabaldu diren irudiak eta korapilo berri bat zabaltzen digute, baita galdera bat pizten ere: zergatik ote? Ondoko asteetan erne egon beharko dugu horren argitzeko.
Indépendant, sans pub, en accès libre,
financé par ses lecteurs
Faites un don à Enbata.info
ou abonnez-vous au mensuel papier
Les temps sont difficiles, et nous savons que tout le monde n’a pas la possibilité de payer pour de l’information. Mais nous sommes financés par les dons de nos lectrices et lecteurs, et les abonnements au mensuel papier : nous dépendons de la générosité de celles et ceux qui peuvent se le permettre.
« Les choses sans prix ont souvent une grande valeur » Mixel Berhocoirigoin
Cette aide est vitale. Grâce à votre soutien, nous continuerons à proposer les articles d'Enbata.Info en libre accès et gratuits, afin que des milliers de personnes puissent continuer à les lire chaque semaine, pour faire ainsi avancer la cause abertzale et l’ancrer dans une perspective résolument progressiste, ouverte et solidaire des autres peuples et territoires.
Chaque don a de l’importance, même si vous ne pouvez donner que quelques euros. Quel que soit son montant, votre soutien est essentiel pour nous permettre de continuer notre mission.
Pour tout soutien de 50€/eusko ou plus, vous pourrez recevoir ou offrir un abonnement annuel d'Enbata à l'adresse postale indiquée. Milesker.
Si vous êtes imposable, votre don bénéficiera d’une déduction fiscale (un don de 50 euros / eusko ne vous en coûtera que 17).
Independentea, publizitaterik gabekoa, sarbide irekia, bere irakurleek diruztatua
Enbata.Info-ri emaitza bat egin
edo harpidetu zaitezte hilabetekariari
Garai gogorrak dira, eta badakigu denek ez dutela informazioa ordaintzeko ahalik. Baina irakurleen emaitzek eta paperezko hilabetekariaren harpidetzek finantzatzen gaituzte: ordaindu dezaketenen eskuzabaltasunaren menpe gaude.
«Preziorik gabeko gauzek, usu, balio handia dute» Mixel Berhocoirigoin
Laguntza hau ezinbestekoa zaigu. Zuen sustenguari esker, Enbata.Info artikuluak sarbide librean eta urririk eskaintzen segituko dugu, milaka lagunek astero irakurtzen segi dezaten, hola erronka abertzalea aitzinarazteko eta ikuspegi argiki aurrerakoi, ireki eta beste herri eta lurraldeekiko solidario batean ainguratuz.
Emaitza oro garrantzitsua da, nahiz eta euro/eusko guti batzuk eman. Zenbatekoa edozein heinekoa izanik ere, zure laguntza ezinbestekoa zaigu gure eginkizuna segitzeko.
50€/eusko edo gehiagoko edozein sustengurentzat, Enbataren urteko harpidetza lortzen edo eskaintzen ahalko duzu zehaztuko duzun posta helbidean. Milesker.
Zergapean bazira, zure emaitzak zerga beherapena ekarriko dizu (50 euro / eusko-ko emaitzak, 17 baizik ez zaizu gostako).