2010eko urria par Jakes Bortayrou

Zernahi gerta ere ondoko egun eta asteetan, 2010eko urriko erretretei buruzko mobilizazioa mugarri bezala geldituko da sozial borroken historian. Alabainan, izan dituen hamaika adierazpide, elementu berriak eta iraupena guttitan ikusiak izan dira azken hamarkadetan. Munduan zehar izan duen oihartzunak ere ez ohiko zerbait gertatu dela erakusten du. Europan barna bereziki, duela zenbat hilabete Greziako langileen oldartzearekin gertatu bezala, jende andana batek erretreten aldeko mobilizazioa “pribilegio” batzuen defentsa baino, denek berdin pairatzen dugun kapitalismo neoliberalari erresistentzia borroka gisa argi eta garbi ikusi du.
Haatik momentuz denen gogoan eta ahotan den lehengo galdera hauxe da: zertan gara? Mugimenduaren bukaera da ala bigarren hatsa etortzekoa da? Borrokan inplikatuak izan direnentzat kostatzen bada ere, mugimenduaren azkena dela pentsatzeko elementuak badaude. Alabainan, greban ziren sektore gehienak eta bereziki sektore estrategikoenak eta mugimenduarentzat motorrak (findegiak, portuak, tren gidariak…) lanean hasi dira berriz. Legea bozkatu ondoren sindikata batzuek borroka uzteko momentua dela diote, sozial mugimenduarentzat zutabe garrantzitsua izan den sindikatuen arteko batasuna arriskuan ezarriz. Azaroaren 6ko mobilizazioa “mugimenduaren ehorzketa” izanen delako beldurra hedatua da eta momentuz sindikatuek ez dute beste greba deialdirik luzatu.
Alta iragan azken aste berezi hauei so egiten badiegu uste gabekoak dira nagusi. Espero, bai bainan nehork ez zuen pariatuko irailaren 7, 23 edota urriaren 12an mobilizazio egunek biharamunik izanen zutenik. Beste datu esanguratsua iritzi publikoaren sustengua dugu. Gehiengo zabal batek, Sarkozyren alde bozkatu zu-ten batzuk barne, sozial mobilizazioa ulertu eta sustengatzen du oraindik. Legea bozkaturik ere, mugimenduan zehar osatu eta egunero bildu diren biltzar nagusiek jarraitzen dute eta mugimenduari zer nolako segida eman gogoetatzen. Dagoeneko Tours-eko “Interpro” Biltzar Nagusiak beste guziak elkartzera deitu ditu heldu den larunbatean. Han hemenka blokatze ekintzak gertatzen dira oraindik eta ondoko egunetan beste batzuk plangintzatuak dira. Greba iraunkorra utzirik ere, zenbait lekutan greba orenak edo egun erdiak egiten dira. Oro har jendearen determinazioak lehen bezain tinko dirudi. Nahiz eta hedabide nagusiek mugimendua erabat lurperatu, urriaren 28ko mobilizazio indartsua ikusirik sindikatuek 6ko deialdia eta diskurtso borrokalaria atxikitzen dute.
Euskal Herrian berdintsu dugu egoera. Pasa den osteguneko manifa eta gero 150 lagun Komertzio Ganbaran sartu ziren, piknika errebindikatzailea eta biltzar nagusia egiteko. Mugimendua nola segitu aipatua izan zen luzaz eta ostiralean bertan salaketa ekintza bat burutu dute 35 pertsonak pentsio fondoak saltzeko erreformaren ondorioak espero dituzten multinazionalen kontra, AXA konpainia bereziki. Ostegunean bertan Hazparnen eta Kanbon elgarretaratzeak antolatuak izan ziren, mugimenduaren hedadura erakutsiz. Aste burua informazioa zabaltzen pasaturik, Baionan eta Donapaleun biltzar nagusiak iragan dira asteartean. Bere aldetik intersindikalak 6ko manifa prestatzen du eta CGT-k blokatze ekintza bat burutu lezake ostegunean.
Denen gogoan ere den bigarren galdea orokorrago da: lege proiektua ez bada kendua galdu ote dugu erabat? Mugimenduak ez badu bigarren hatsarik zer geldituko da geroari begira? Goizegi da erantzun borobilak emaiteko. Pesimista bakar batzuek pentsatuko dute etsipena nagusituko dela eta borrokarako gogoa luzerako itzaliko dela. Alta alderantzizkoa gerta daiteke. Borroka politikoa galdurik ere (podereak ez baitu gibelerat egin) borroka ideologikoa irabazia izan da, jendarteko sektore zabal batzuek argi ikusi baitute lege proiektua injustua zela eta aberastasunen banaketa zela arazoaren muina. Horrek aztarnak utziko ditu. Halaber, erakutsitako indarra eta irudimena, bizi izandako elkartasun esperientziak eta an-tolaketa moldeak egiazko altxorrak dira geroari begira. Gertatu dena aztertu eta teorizatzeko tenorea etorriko da (batzuek “bakezko gerrilla sozial iraunkorra” kontzeptua asmatu dute jada) ondoko guduak laguntzeko.

Soutenez Enbata !

Indépendant, sans pub, en accès libre, financé par ses lecteurs
Faites un don à Enbata.info ou abonnez-vous au mensuel papier

Enbata.info est un webdomadaire d’actualité abertzale et progressiste, qui accompagne et complète la revue papier et mensuelle Enbata, plus axée sur la réflexion, le débat, l’approfondissement de certains sujets.
Les temps sont difficiles, et nous savons que tout le monde n’a pas la possibilité de payer pour de l’information. Mais nous sommes financés par les dons de nos lectrices et lecteurs, et les abonnements au mensuel papier : nous dépendons de la générosité de celles et ceux qui peuvent se le permettre.
« Les choses sans prix ont souvent une grande valeur » Mixel Berhocoirigoin
Cette aide est vitale. Grâce à votre soutien, nous continuerons à proposer les articles d'Enbata.Info en libre accès et gratuits, afin que des milliers de personnes puissent continuer à les lire chaque semaine, pour faire ainsi avancer la cause abertzale et l’ancrer dans une perspective résolument progressiste, ouverte et solidaire des autres peuples et territoires.
Chaque don a de l’importance, même si vous ne pouvez donner que quelques euros. Quel que soit son montant, votre soutien est essentiel pour nous permettre de continuer notre mission.
Faites un don ou abonnez vous à Enbata : www.enbata.info/articles/soutenez-enbata

  • Par chèque à l’ordre d’Enbata, adressé à Enbata, 3 rue des Cordeliers, 64 100 Bayonne
  • Par virement en eusko sur le compte Enbata 944930672 depuis votre compte eusko (euskalmoneta.org)
  • Par carte bancaire via système sécurisé de paiement en ligne : paypal.me/EnbataInfo
  • Par la mise en place d’un prélèvement automatique en euro/eusko : contactez-nous sur [email protected]

Pour tout soutien de 40€/eusko ou plus, vous pourrez recevoir ou offrir un abonnement annuel d'Enbata à l'adresse postale indiquée. Milesker.

Si vous êtes imposable, votre don bénéficiera d’une déduction fiscale (un don de 50 euros / eusko ne vous en coûtera que 17).

Enbata sustengatu !

Independentea, publizitaterik gabekoa, sarbide irekia, bere irakurleek diruztatua
Enbata.Info-ri emaitza bat egin edo harpidetu zaitezte hilabetekariari

Enbata.info aktualitate abertzale eta progresista aipatzen duen web astekaria da, hilabatero argitaratzen den paperezko Enbata-ren bertsioa segitzen eta osatzen duena, azken hau hausnarketara, eztabaidara eta zenbait gairen azterketa sakonera bideratuagoa delarik.
Garai gogorrak dira, eta badakigu denek ez dutela informazioa ordaintzeko ahalik. Baina irakurleen emaitzek eta paperezko hilabetekariaren harpidetzek finantzatzen gaituzte: ordaindu dezaketenen eskuzabaltasunaren menpe gaude.
«Preziorik gabeko gauzek, usu, balio handia dute» Mixel Berhocoirigoin
Laguntza hau ezinbestekoa zaigu. Zuen sustenguari esker, Enbata.Info artikuluak sarbide librean eta urririk eskaintzen segituko dugu, milaka lagunek astero irakurtzen segi dezaten, hola erronka abertzalea aitzinarazteko eta ikuspegi argiki aurrerakoi, ireki eta beste herri eta lurraldeekiko solidario batean ainguratuz.
Emaitza oro garrantzitsua da, nahiz eta euro/eusko guti batzuk eman. Zenbatekoa edozein heinekoa izanik ere, zure laguntza ezinbestekoa zaigu gure eginkizuna segitzeko.
Enbatari emaitza bat egin edo harpidetu: https://eu.enbata.info/artikuluak/soutenez-enbata

  • Enbataren izenean den txekea “Enbata, Cordeliers-en karrika 3., 64 100 Baiona“ helbidera igorriz.
  • Eusko transferentzia eginez Enbataren 944930672 kontuan zure eusko kontutik (euskalmoneta.org-en)
  • Banku-txartelaren bidez, lineako ordainketa sistema seguruaren bidez: paypal.me/EnbataInfo
  • Euro/euskotan kenketa automatikoa plantan emanez: gurekin harremanetan sartuz [email protected] helbidean

40€/eusko edo gehiagoko edozein sustengurentzat, Enbataren urteko harpidetza lortzen edo eskaintzen ahalko duzu zehaztuko duzun posta helbidean. Milesker.
Zergapean bazira, zure emaitzak zerga beherapena ekarriko dizu (50 euro / eusko-ko emaitzak, 17 baizik ez zaizu gostako).