Hauteskundeetatik harago begiratzeko tenorea

Abertzaleak2Aurtengo herriko bozek erakutsi dutena da abertzaleak zinezko alternatiba izan daitezkeela eta alternatiba gisa agertu direla. Lortu dituzten emaitza onak urtez urte eta egunez egun egin duten lanaren ondorioz gertatu dira. Hazia erein zuten duela 50 urte, eta 50 urtez lurra landu dutenek uzta bilduko dute orain. Hemendik aitzina, hainbat herritan, ikusiko da zuhaitz abertzaleak fruitu onak emanen dituela. Heldutasun aro batean sartu da mugimendu abertzalea Ipar Euskal Herrian.

Aro berri honek ate berriak irekitzen dizkio, eta mugimendu politikoari ardura handiz jokatzea egokituko zaio, etorkizunerako urrats taktikoak eta estrategiak finkatzerako orduan. Herriko Etxeetako lana izanen da, politikoki prestatzeko aukeraz gain, herria ongi kudeatzeko parada, herritarrei erakusteko parada abertzaleen proiektua serioa dela eta politikari arduratsuak dituela, eta euskararen eta Euskal Herriaren alde funtsezko lana egiteko aukera paregabea. Halaber, Hego Euskal Herriarekin zubi sendoak eraikitzeko ere baliatu beharko da, besteak beste Udalbiltzaren bidez.

Baina hori ate bat izan behar da gainerako erakundeetan ere pisua hartzeko. Orain herri elkargoetan ere parte hartuko dutenez, hor ere ikusiko da zer egiteko gai diren, eta hor ere lehen eskuko informazioarekin lan eginen dute, herria kudeatzeko tresna gehiago eskuratuz. Hori bera bihurtu behar da Kontseilu Nagusia eta Eskualde Kontseilua jomugan jartzeko, eta heldu den urteko hauteskundeetan hautetsi batzuk lortzeko helburuarekin jartzeko, etorkizunera begira.

Hori, akordio politikoen bidez lortuko da. Beste alderdi batzuek ikusi dute gobernura heldu nahi badute, abertzaleekin heldu behar dutela adostasunera. Kantomamendu hauteskunde sistema berriak bidea errazten du bi talde nagusiren arteko akordioetarako, eta abertzaleek posibilitate horren baitan pentsatu beharko dute, sekulan izan ez den aukeraz baliatzeko.

Abertzaleak1Baina hor bada bide egiteko: ikusi da Alderdi Sozialistak abertzaleekin bat egin duela indarra erakutsi duten lekuan; Baionan, adibidez, mespretxuz hartu dituzte. Abertzaleak bozkariatu dira aurten Baionan %10a gainditu dutelako. Zenbaki horri beste irakurketa bat egin dakioke, ordea: Enbata sortu zenetik hona abertzaleen indarra, Ipar Euskal Herriko eremu jendetsuenean, hein horretakoa baldin bada eta horregatik pozten bagara, arazo sakona daukagu. Kontua ez da aitzineko hauteskundeekin konparatuz zenbait puntu gehiago lortzea, edo egoera demografiko zail bat dela edo zerrenda abertzalea hutsetik sortu dela. Afera da, 50 urteren buruan, leku jendetsuenean, abertzaleak biziki minorian direla, ez dela lortu abertzaletasuna zabaltzea, hirigunean bederen. Eta hori lortzea baitezpadakoa da, herriko bozetako emaitzak eskuratzen diren hoberenak direla kontuan harturik, gainera.

Mugimendu abertzaleak hirian egiten duenaren eta ez duenaren autokritika egin behar du. Gaurko egoeran emaitza ona da hain segur, kanpaina eta zerrenda on baten fruitua, baina perspektiba zabalagoarekin so egin behar zaio abertzaletasunaren egoerari. Egin beharko da gogoeta sakon, zabal eta luze bat azken hamarkadetako mugimenduaz. Adibidez, ikerketa bat egin beharko luke zientzia politikoetako edo soziologiako ikasle batek, ikusteko zein diren mugimendu abertzaleak BABn aitzinatzeko dituen traben arrazoiak eta zein izan daitezkeen zirrikituak ikusgarriagoak, ulertuak, onartuak eta babestuak bihurtzeko.

Ez da dudarik leku zailagoa dela, abertzaleak diluituagoak direla, bizimodua desberdina dela eta abar. Horregatik ongi pentsatu behar da nola jokatu, nola heldu jendearengana eguneroko bizitzan; begiratu behar da beste lekuetara, eta handik ikasi eta han egin dutena BABko errealiatera egokitu. Eta gero gisa hartan lanean hasi; urte askotako lana eskatuko du, auzoz auzo, egunez egun, eta urteak beharko dira emaitza ikusgarriak lortzeko. Beranta hartu du mugimendu abertzaleak hirigunean, eta norabidea ez badu zuzentzen, egoera egonkorra izanen da, eta hori ez on abertzaleen proiektuarentzat.

Soutenez Enbata !

Indépendant, sans pub, en accès libre, financé par ses lecteurs
Faites un don à Enbata.info ou abonnez-vous au mensuel papier

Enbata.info est un webdomadaire d’actualité abertzale et progressiste, qui accompagne et complète la revue papier et mensuelle Enbata, plus axée sur la réflexion, le débat, l’approfondissement de certains sujets.
Les temps sont difficiles, et nous savons que tout le monde n’a pas la possibilité de payer pour de l’information. Mais nous sommes financés par les dons de nos lectrices et lecteurs, et les abonnements au mensuel papier : nous dépendons de la générosité de celles et ceux qui peuvent se le permettre.
« Les choses sans prix ont souvent une grande valeur » Mixel Berhocoirigoin
Cette aide est vitale. Grâce à votre soutien, nous continuerons à proposer les articles d'Enbata.Info en libre accès et gratuits, afin que des milliers de personnes puissent continuer à les lire chaque semaine, pour faire ainsi avancer la cause abertzale et l’ancrer dans une perspective résolument progressiste, ouverte et solidaire des autres peuples et territoires.
Chaque don a de l’importance, même si vous ne pouvez donner que quelques euros. Quel que soit son montant, votre soutien est essentiel pour nous permettre de continuer notre mission.
Faites un don ou abonnez vous à Enbata : www.enbata.info/articles/soutenez-enbata

  • Par chèque à l’ordre d’Enbata, adressé à Enbata, 3 rue des Cordeliers, 64 100 Bayonne
  • Par virement en eusko sur le compte Enbata 944930672 depuis votre compte eusko (euskalmoneta.org)
  • Par carte bancaire via système sécurisé de paiement en ligne : paypal.me/EnbataInfo
  • Par la mise en place d’un prélèvement automatique en euro/eusko : contactez-nous sur [email protected]

Pour tout soutien de 40€/eusko ou plus, vous pourrez recevoir ou offrir un abonnement annuel d'Enbata à l'adresse postale indiquée. Milesker.

Si vous êtes imposable, votre don bénéficiera d’une déduction fiscale (un don de 50 euros / eusko ne vous en coûtera que 17).

Enbata sustengatu !

Independentea, publizitaterik gabekoa, sarbide irekia, bere irakurleek diruztatua
Enbata.Info-ri emaitza bat egin edo harpidetu zaitezte hilabetekariari

Enbata.info aktualitate abertzale eta progresista aipatzen duen web astekaria da, hilabatero argitaratzen den paperezko Enbata-ren bertsioa segitzen eta osatzen duena, azken hau hausnarketara, eztabaidara eta zenbait gairen azterketa sakonera bideratuagoa delarik.
Garai gogorrak dira, eta badakigu denek ez dutela informazioa ordaintzeko ahalik. Baina irakurleen emaitzek eta paperezko hilabetekariaren harpidetzek finantzatzen gaituzte: ordaindu dezaketenen eskuzabaltasunaren menpe gaude.
«Preziorik gabeko gauzek, usu, balio handia dute» Mixel Berhocoirigoin
Laguntza hau ezinbestekoa zaigu. Zuen sustenguari esker, Enbata.Info artikuluak sarbide librean eta urririk eskaintzen segituko dugu, milaka lagunek astero irakurtzen segi dezaten, hola erronka abertzalea aitzinarazteko eta ikuspegi argiki aurrerakoi, ireki eta beste herri eta lurraldeekiko solidario batean ainguratuz.
Emaitza oro garrantzitsua da, nahiz eta euro/eusko guti batzuk eman. Zenbatekoa edozein heinekoa izanik ere, zure laguntza ezinbestekoa zaigu gure eginkizuna segitzeko.
Enbatari emaitza bat egin edo harpidetu: https://eu.enbata.info/artikuluak/soutenez-enbata

  • Enbataren izenean den txekea “Enbata, Cordeliers-en karrika 3., 64 100 Baiona“ helbidera igorriz.
  • Eusko transferentzia eginez Enbataren 944930672 kontuan zure eusko kontutik (euskalmoneta.org-en)
  • Banku-txartelaren bidez, lineako ordainketa sistema seguruaren bidez: paypal.me/EnbataInfo
  • Euro/euskotan kenketa automatikoa plantan emanez: gurekin harremanetan sartuz [email protected] helbidean

40€/eusko edo gehiagoko edozein sustengurentzat, Enbataren urteko harpidetza lortzen edo eskaintzen ahalko duzu zehaztuko duzun posta helbidean. Milesker.
Zergapean bazira, zure emaitzak zerga beherapena ekarriko dizu (50 euro / eusko-ko emaitzak, 17 baizik ez zaizu gostako).