by 
Xuti Gazte eta Bagira
Mugimendu Abertzalea birfundatzen ari den une honetan gazteok ere horren parte izan nahidugu. Ehunka gira egunerokoan ertz ezberdinetatik Euskal Herria eraikitzen lanean ari girenak, eta orain zerumuga partekatu bat marrazteko unea heldu zaigu. Horregatik, abenduaren 2an gazte ezkertiar eta abertzaleon topaleku bilakatuko dugu Hazparne.
Orainetik Geroa eraikitzeko tenorea da. Hamarkada luzez belaunaldiz belaunaldi transmitituden Mugimendu Abertzalearen ondarea hartu eta gazteon artean zabalduko dugu, gure belaunaldia baita egungo eta etorkizuneko Mugimendu Abertzalea. Gaur egun pizten ditugun borrokek baldintzatuko dute geroa. Gaur egungo gazte borroka da etorkizuneko Euskal Herri burujabera eramanen gaituena. Horregatik, orain da gazte abertzaleok engaiatzeko unea. Izan ere, Gazte Egunaren biharamunean ere geroa eraikitzen jarraituko dugu. Gazte ezkertiar eta abertzaleok bildu eta elgarrekin bide bat egiteari ekinen diogu.
Egun osoko egitarauaz gozatzeko aukera izanen dugu Gazte Egunean. Eguna mahai inguruekin hasiko dugu; lehenik, “Urrats feminista” mahai ingurua izanen dugu; etabigarrenik, “Gazteok Euskal Herria eraikitzera” mahai inguruan eremu ezberdinetan lanean diharduten gazteen lekukotzak eta iritziak jasoko ditugu.
Horren ondotik, bazkaltzera abiatuko gara. Bazkalostean Mendealaraino bidea poteoan eginen dugu Team B txarangak giroturik.
Azkenik, Mendealan Olaia Inziarte, Gozategi, Odei eta Zea Maysek joko dute. Bestak Ttattolan jarraituko du DJ Latxirongak-ekin.
Gaurtik aitzina sarrerak erosten ahalko dira interneten (lotura honetan salgai: https://labur.eus/jp7NI ) eta Ipar Euskal Herriko toki ezberdinetan. Salmenta gune, hitzordu nagusi eta Gazte Egunaren inguruko informazio zehatzagoak gure sareetan aurkitzen ahalko dituzue hemendik aitizina.
Gazte Egun hau burutzeko gazte guztion ekarpena beharrezkoa izanen da. Horretarako azaroaren 18an Hazparnen eginen dugun asanblada irekian parte hartzera deitzen zaituztegu. Horrez gain, egunean berean gazte bakoitzak txanda bat eginik baizik ezinen da Gazte Eguna ospatu, beraz, eman izena laguntzaile izateko! (lotura honetan eman izena: https://labur.eus/udOux )