by 
Argia-n Unai BREA-k argitaratutako artikulua
Uztailaren 13tik 19ra Subilla Gasteizen egingo den frackingaren kontrako nazioarteko kanpaldiaren (Frackanpada) egitaraua aurkeztu dute. 65 ekitaldi egingo dituzte, gehienak hitzaldi eta mahai inguruak, eta ehun pasa hizlarik parte hartuko du horietan. Halaber, antzerki, kontzertu, dokumental eta abarrez gozatzeko parada izanen da.
Ekimena sustatzen ari den nazioarteko taldearen izenean, Eleanor Finley antropologoak esan du parekorik gabeko topagunea izango dela Frackanpada, “abagunea eskainiko baitu jakin ahal izateko zertan diren hala frackingaren erasoaldia eta erresistentzia mugimendua nola indarrean dauden politika estraktibista orokorrak”.
Hamaika borrokaren topaleku
Izan ere, frackinga abiapuntua baizik ez da izango. Kanpaldian egingo diren ekimen ugarietan arlo askotako pertsona eta taldeek hartuko dute parte. Mintzagai izango dira, besteak beste, lurraren defentsarako borrokak, ekonomia feminista, hondakinen kudeaketa jasangarria, klima aldaketa, energia-azpiegiturak, TTIP itun transatlantikoa, herri harresiak, internazionalismoa… Egitarau osoa Frackanpadaren webgunean dago ikusgai.
Fracking Ez taldeko Mikel Oterok adierazi duenez, sare sozial erraldoia izango da Frackanpada, baina ez sare birtuala, “ukitzen den horietakoa” baizik. Herri kontraboteretzat, edo nolabaiteko lobby sozialtzat hartu beharreko ekimena, alegia.
Mobilizazioaren sustatzaileek gogorarazi dute esanahi sinboliko handiko lekuan egingo dela kanpaldia: orain dela oso gutxi arte Euskal Herriko lehen fracking putzuak egitea aurreikusita zegoen eremuan, hain justu ere. Hala, ikurra izan behar zena “ikur iraulia” izango da Frackanpadako antolatzaileen berbetan, “zulatzeko egitasmoak herriaren presioagatik utzi baitziren bertan behera”.
Guztira, 200 lagun inguru arituko da emanaldiak eskaintzen, horietako asko Euskal Herritik kanpokoak, Europa kanpotik etorritako batzuk barne. Ekitaldiak sei hizkuntzatan egingo dira (euskara, katalana, gaztelania, frantsesa, ingelesa eta alemana), aldibereko itzulpen eta guzti.
ARGIA ere bertan izango da
ARGIAk ere jarriko du aletxoa Frackanpadan. Uztailaren 15eko gauean, 22:30ean, Ez da gerorik animaziozko bideoaren euskarazko bertsioaren estreinaldia egingo dugu. Ez da gerorik (There´s no tomorrow, jatorrizko bertsioan) dokumentalak hausnarketa proposatzen du erregai fosilen aroaren amaierak ekarriko duen egoeraz. Proiekzioaren ondoren eztabaida egingo da.
Horrez gain, Jakoba Errekondo Bizi Baratzea liburuaz jardungo da igande goizean –Frackanpadako azken egunean– egingo den produktu ekologikoen azokan.
Indépendant, sans pub, en accès libre,
financé par ses lecteurs
Faites un don à Enbata.info
ou abonnez-vous au mensuel papier
Les temps sont difficiles, et nous savons que tout le monde n’a pas la possibilité de payer pour de l’information. Mais nous sommes financés par les dons de nos lectrices et lecteurs, et les abonnements au mensuel papier : nous dépendons de la générosité de celles et ceux qui peuvent se le permettre.
« Les choses sans prix ont souvent une grande valeur » Mixel Berhocoirigoin
Cette aide est vitale. Grâce à votre soutien, nous continuerons à proposer les articles d'Enbata.Info en libre accès et gratuits, afin que des milliers de personnes puissent continuer à les lire chaque semaine, pour faire ainsi avancer la cause abertzale et l’ancrer dans une perspective résolument progressiste, ouverte et solidaire des autres peuples et territoires.
Chaque don a de l’importance, même si vous ne pouvez donner que quelques euros. Quel que soit son montant, votre soutien est essentiel pour nous permettre de continuer notre mission.
Pour tout soutien de 50€/eusko ou plus, vous pourrez recevoir ou offrir un abonnement annuel d'Enbata à l'adresse postale indiquée. Milesker.
Si vous êtes imposable, votre don bénéficiera d’une déduction fiscale (un don de 50 euros / eusko ne vous en coûtera que 17).
Independentea, publizitaterik gabekoa, sarbide irekia, bere irakurleek diruztatua
Enbata.Info-ri emaitza bat egin
edo harpidetu zaitezte hilabetekariari
Garai gogorrak dira, eta badakigu denek ez dutela informazioa ordaintzeko ahalik. Baina irakurleen emaitzek eta paperezko hilabetekariaren harpidetzek finantzatzen gaituzte: ordaindu dezaketenen eskuzabaltasunaren menpe gaude.
«Preziorik gabeko gauzek, usu, balio handia dute» Mixel Berhocoirigoin
Laguntza hau ezinbestekoa zaigu. Zuen sustenguari esker, Enbata.Info artikuluak sarbide librean eta urririk eskaintzen segituko dugu, milaka lagunek astero irakurtzen segi dezaten, hola erronka abertzalea aitzinarazteko eta ikuspegi argiki aurrerakoi, ireki eta beste herri eta lurraldeekiko solidario batean ainguratuz.
Emaitza oro garrantzitsua da, nahiz eta euro/eusko guti batzuk eman. Zenbatekoa edozein heinekoa izanik ere, zure laguntza ezinbestekoa zaigu gure eginkizuna segitzeko.
50€/eusko edo gehiagoko edozein sustengurentzat, Enbataren urteko harpidetza lortzen edo eskaintzen ahalko duzu zehaztuko duzun posta helbidean. Milesker.
Zergapean bazira, zure emaitzak zerga beherapena ekarriko dizu (50 euro / eusko-ko emaitzak, 17 baizik ez zaizu gostako).