by 
Aurten ere, 1996etik geroz egiten duen bezala EHZ festibalak arlo anitzetan nahasketak sustatuko ditu (musikan, animazioan, belaunaldietan, etab.). Laguntzailegoan oinarrituriko antolakuntzaren bitartez, jatorri eta eremu sozial ezberdinetako gazteen arteko elkarlana bultzatzen eta loturak sortzen jarraituko du. Hori guzia Euskal nortasun, kultur eta hizkuntzaren baloreztatzea sustatuz eta ber maneran tokiko borroken eta ekoizpenen erakustegi eta erabilgunea izanez 3 egunez. Hara aurtengo edizioaren zonbait berezitasun non azpimarratzekoa den eztabaidagunean parte hartuko duten nazioarteko hainbat adituren presentzia.
Programazio anitza, han eta hemengo talde haundi edo/eta ttipiekin
Urte guziz bezala ahalik eta programaziorik anitzena osatzen saiatzen dira EHZ-ren antolatzaileak. Hori, nazioarteko talde ezagunak, Euskal Herrikoak eta deskubriarazi nahi dituzten taldeen artean oreka bat atzematen saiatuz. Gustu guziak asetzea errexa ez bada ere, emaitzarekin gustora agertzen dira aurten EHZkoak. Nazioarteko afitxaburu handi batzuk ekarraraztea lortu dute eta publikoaren zati handi batentzat ezezagunak diren musika talde batzuek sorpresa politak ematea espero dute. Era berean, Euskal Herriko talde nagusienak eta ttipiagoak ere eszena handi batean aritzeko parada ukanen dute.
Eztabaida gunea, indartua eta egokitua
EHttipiZ ostiralean eta Haurren Xokoa 3 egunez
Aurtengo bigarren erronka haurrei begirakoa da. EHZren helburuetariko bat da adin guzietako festibalarientzat antolatzea programazioa. Festibaleko hiru egunetan zehar animazio andana antolatuak izanen dira Haurren Xokoan eta ostiralean egun berezia antolatua da (EHttipiZ) 9:00etatik 16:00etara. Inguruko herrietako eskola eta ikastoletako haurrak hurbilduko dira, zinezko festibalariak balira bezala. Tailer ezberdinak proposatuak izanen zaizkie festibalak dituen baloreak transmititzeko eta festibalariak bezala animazioak ikusi eta tokiko kalitatezko produktuetaz gozatzeko aukera izanen dute.
Tailer ezberdinak proposatuak izanen dira
festibalak dituen baloreak transmititzeko
eta haurrek ere festibalariek bezala
animazioak ikusi eta tokiko kalitatezko produktuetaz
gozatzeko aukera izanen dute.
Hedabideetan jarraipen berezia
Azkenik, komunikazio arloan ere koxka bat igotzeko asmoa dute EHZren antolatzaileek. Hedabide ezberdinen arteko elkarlana oinarri, festibalaren jarraipen berezia egina izanen da Irrati eta Telebista emankizun ezberdinak proposatuz.
Laguntzaile izan nahi dutenentzat
Laguntzaile izan nahi duenarentzat azken egunak dira webgunean izena emateko. Azken egunak dira ere, EHZko txartela aurresalementan erosteko. Ondotik, gunean berean erosi beharko dira.
AutobusEHZ Festibalera
EHZra etortzeko autobus zerbitzu bereziak plantan emanak izan dira. Basque Bondissant autobus konpainiaren webgunean informazio guziak eskuragarri dira:
www.basque-bondissant.com/basque_bondissant/evenement/detail-15