Hauteskundeetatik hauteskunde arteko tarteak hartu ohi ditugu ziklo gisa, agintaldi batean egin denari begiratu eta heldu den agintaldian etor daitekeenaz solasean hasten gara, zerbait aldatzen balitz bezala…
2017ko udaberrian hauteskundeak dira Frantzian, presidentea eta diputatuak hautatuko baitira. Ustekabe handirik ez bada bederen, Errepublikanoek irabaziko dituzte, Alderdi Sozialistaren irabazteko aukerak lurra baino beherago baitaude eta Fronte Nazionalak nekez lor bailezake bigarren itzulian nagusitzea.
Nicolas Sarkozyk badu aski lan, eta beraz Alain Juppé izan liteke Frantziako presidente bihurtzeko aukera handienak dituena.
Gero etorriko dira diputatu bozak, eta logikoki Juppéren alderdiak irabaziko lituzke.
Horrek zer aldatuko du Euskal Herriarentzat?Egoerak hobera eginen du ala txarrera? Ala ez da biziki aldatuko?
Aski zaio begiratzea 1981etik honako ibilbideari. Hauteskunde gehienetan itxaropen izpi bat sortu da, eta itxaropen hori beti zapuztu da. Euskal departamendua sortu beharra zuen Mitterrandek, eta azkenean deus. Lionel Jospinek ere erakutsi zuen urratsak egiteko borondatea, eta azkenean deus. Nicolas Sarkozy ere ibili zen Euskal Herrian: euskal departamenduaren eta abarren kontra agertu zen, baina beste aterabide batzuk iradoki zituen. François Hollandek ez zuen euskal departamendua hitzeman, baina Euskal Herriaren egoera hobetuko zelako itxaropena sortu zuen.
Azken bost urteetan zer egin du Frantziako Gobernuak? Deus ere ez du egin euskararen egoera hobetzeari begira.
Hizkuntza gutxituen euroagiriarekin aritu dira katzakan, baina beti bezala, erresistentziak handiagoak izan dira (aitortu behar da, Frantziak izenpetu zituen artikulu bakarrekin, euroagiri hori aukera baino gehiago, muga izan daitekeela euskararentzat).
Gatazka armatuaren konponbidean ere ez du urratsik egin; Espainiaren politikara lerrokatu da. Christine Taubira justizia ministroak jarrera irekia erakutsi zuen presoen hurbiltzeari begira, baina horiek hitzak baizik ez ziren izan. Gobernutik kendu zuten, eta geroztik gai hori izozkailuan dago.
Frantziak beti horrela egiten du… Beti iduri du badela ministro bat besteak baino irekiago, baina beti nagusitzen da estatu logika. Frantziak ezin du onartu Euskal Herriaren ezagupena, ez linguistikoa, ez lurraldearena, hori bera Frantziaren batasun eta “berdintasun” (uniformitate) ereduaren kontra doalako.
Orduan, presio soziala lasaitzeko asmoz, artetan sortzen ditu sasi-egitura batzuk, ez daukatenak ez baliabiderik, ez eskumenik, Euskal Herriaren beharrei erantzuteko. Hori egin zuen Garapen Kontseiluarekin, Hautetsien Kontseiluarekin eta Euskararen Erakunde Publikoarekin.
Ipar Euskal Herriko arlo sozioekonomiko, politiko eta kulturalaren indarrak egitura horietara bideratzen dira, eta zenbait urteren buruan ohartzen dira egitura horiek zein mugatuak diren.
Horrelako zerbait gerta daiteke Helep izeneko herri elkargo berriarekin ere. Prefetaren proposamena gogoz kontra onarturik, lurralde elkargoaren sustatzaile nagusiak buru-belarri sartu dira Helep horren aldeko kanpainan, eta nornahik uste du Ipar Euskal Herriak azkenean lortuko duela autonomia edo berezko erakundea, heldu den urtarrilean.
Egin lezake bide bat, baina berehala ikusiko du zein hesik inguratzen duen. Tresna hor izanen da, dena den. Ipar Euskal Herriko herri guztiak ordezkatuak izanen dira hautetsien bidez, eta estrategia batekin jokatuz, bilatu beharko ditu bidexkak, hesi horien gainetik, Euskal Herria euskaldunago eta batuagoa egiteko.
Indépendant, sans pub, en accès libre,
financé par ses lecteurs
Faites un don à Enbata.info
ou abonnez-vous au mensuel papier
Les temps sont difficiles, et nous savons que tout le monde n’a pas la possibilité de payer pour de l’information. Mais nous sommes financés par les dons de nos lectrices et lecteurs, et les abonnements au mensuel papier : nous dépendons de la générosité de celles et ceux qui peuvent se le permettre.
« Les choses sans prix ont souvent une grande valeur » Mixel Berhocoirigoin
Cette aide est vitale. Grâce à votre soutien, nous continuerons à proposer les articles d'Enbata.Info en libre accès et gratuits, afin que des milliers de personnes puissent continuer à les lire chaque semaine, pour faire ainsi avancer la cause abertzale et l’ancrer dans une perspective résolument progressiste, ouverte et solidaire des autres peuples et territoires.
Chaque don a de l’importance, même si vous ne pouvez donner que quelques euros. Quel que soit son montant, votre soutien est essentiel pour nous permettre de continuer notre mission.
Pour tout soutien de 50€/eusko ou plus, vous pourrez recevoir ou offrir un abonnement annuel d'Enbata à l'adresse postale indiquée. Milesker.
Si vous êtes imposable, votre don bénéficiera d’une déduction fiscale (un don de 50 euros / eusko ne vous en coûtera que 17).
Independentea, publizitaterik gabekoa, sarbide irekia, bere irakurleek diruztatua
Enbata.Info-ri emaitza bat egin
edo harpidetu zaitezte hilabetekariari
Garai gogorrak dira, eta badakigu denek ez dutela informazioa ordaintzeko ahalik. Baina irakurleen emaitzek eta paperezko hilabetekariaren harpidetzek finantzatzen gaituzte: ordaindu dezaketenen eskuzabaltasunaren menpe gaude.
«Preziorik gabeko gauzek, usu, balio handia dute» Mixel Berhocoirigoin
Laguntza hau ezinbestekoa zaigu. Zuen sustenguari esker, Enbata.Info artikuluak sarbide librean eta urririk eskaintzen segituko dugu, milaka lagunek astero irakurtzen segi dezaten, hola erronka abertzalea aitzinarazteko eta ikuspegi argiki aurrerakoi, ireki eta beste herri eta lurraldeekiko solidario batean ainguratuz.
Emaitza oro garrantzitsua da, nahiz eta euro/eusko guti batzuk eman. Zenbatekoa edozein heinekoa izanik ere, zure laguntza ezinbestekoa zaigu gure eginkizuna segitzeko.
50€/eusko edo gehiagoko edozein sustengurentzat, Enbataren urteko harpidetza lortzen edo eskaintzen ahalko duzu zehaztuko duzun posta helbidean. Milesker.
Zergapean bazira, zure emaitzak zerga beherapena ekarriko dizu (50 euro / eusko-ko emaitzak, 17 baizik ez zaizu gostako).
One thought on “2017ra begira”
Comments are closed.