Seaskaren urrats bat baldin bada zinez txalotzekoa, hori da lanbide heziketa eskainiko duen lizeoa irekitzearen urratsa. Mende erdia betetzeko bezperan dago Seaska, eta urtez urte gero eta ikastola gehiago ireki baditu ere, Ipar Euskal Herriko euskarazko irakaskuntzak bazuen gabezia sendo bat: unibertsitatera zuzendu nahi ez duten eta lanbide bat ikasi nahi duten gazteek ez zeukatela aukerarik beren bidea euskaraz segitzeko.
Alabaina, lanbide ikastetxe batek behar dituen azpiegiturak anitzez karioagoak dira, ikastetxe arrunt batek behar dituenekin konparatuz. Eta urteetako garapena garapen, Seaskaren egoera prekarioa beti traba izan da halako ikastetxe bat zabaltzeko.
Bernat Etxepare ikastetxearen emaitzak bikainak izanik ere, hortik ateratzen diren gazte gehienak Euskal Herritik kanpoko unibertsitateetara doaz lanera, eta unibertsitate haietan ikasi ondoan, anitzek lana ere kanpoan aurkitzen dute, Ipar Euskal Herrian ez baitago gisa hartan formatuak direnentzako lanik.
Hego Euskal Herriari dagokionez, hango unibertsitateetan ikasteko dauden traba administratiboengatik, gutxi dira hara doazen gazteak. Gazte euskaldunak atzerrira doaz ikastera eta lanera, eta ez dago langilerik Ipar Euskal Herriko lantegietan aritzeko. Ondoko urteetan 40.000 lagun baino gehiago etorriko da Lapurdira lanera, Frantziatik. Lana bada, beraz; baina ez euskaldunentzat.
Bizkitartean, Hego Euskal Herrian langabezia gora dagoen honetan, zergatik ez da jotzen hango jendearengana, betetzen ahal ez diren lanpostuetarako?
Herria bizi dadin, lana behar da herrian. 70eko hamarkadako mezu politikoetan argi zen hori. Gazteria Parisera abian zen lanera, herriak husten ari ziren, bertan ez baitzen lanik. Lanik gabe, ez dago gazterik, gazterik gabe ez dago gerorik herriarentzat. Beraz lana behar da.
Baina lekuko gazteak kanpora joatera behartuak badira haientzako moduko lanik ez dagoelako, eta kanpoko jendeak etorri behar badu lan horien egitera, lana badago herrian, baina herri hori ez da gehiago euskalduna izanen. Beraz, Euskal Herria hilen da.
Lekuko gazteak kanpora joatera behartuak badira
haientzako moduko lanik ez dagoelako,
eta kanpoko jendeak etorri behar badu lan horien egitera,
lana badago herrian, baina herri hori
ez da gehiago euskalduna izanen.
Beraz, Euskal Herria hilen da.
Garapen ekonomikoa eta ikasketa eskaintza hertsiki lotuak dira. Eta Ipar Euskal Herriak ez du izan aukerarik garapen ekonomiko orekatu eta oso baterako. Industria garapena ukatu zaio beti, eta euskaldunek berek ere ez dute begi onez ikusi, industria maiz lotu delako kearekin eta kutsadurarekin.
Beraz, jasaten dituen krisi guztien gainetik, laborantzak badu indarra eta, oroz gainetik, hirugarren sektoreak. Leku ederrak ditugu, bukolikoak, baina krisian eta husten ari diren herri eta eskualdeak dira. Aktibitate ekonomikoa kostaldean dago, eta ekonomia hori, maiz, ez dago euskal herritarren esku.
Ezin da erran ez dagoela industriarik, enpresa txiki franko badagoelako barnealdean. Baina ez dago, garapen orokorrik, ez da izan industria estrategiarik, lantegiak eta enplegua kopuru handian sortzeko politikarik. Horrekin batera, ez da izan halako aktibitate ekonomiko batek beharko lukeen prestakuntza eskaintzarik.
Eta prestakuntzaren eskaintzan edo enpresen sortzean, ez da izan lurralde ikuspegiko estrategiarik ere.
Batetik, Baiona eskualdean jarri dira indarrak, barnealdearen kaltetan. Halaber, garapena ez da pentsatu herri gisa, falta diren langileen bila Hego Euskal Herrira joan zitekeelarik. Euskaldunak formatu behar ditugu gure ikastetxeetan, Euskal Herrian lan egin dezaten. Lana Euskal Herritik kanpo egitera behartua den gazte bakoitzeko galdu da gazte haren formakuntzarako egin den indar guztia. Has gaitezen pentsatzen gure hezkuntza eta ekonomia herri ikuspegi batetik, ikuspegi global batetik, eta ez sektorez sektore.
Indépendant, sans pub, en accès libre,
financé par ses lecteurs
Faites un don à Enbata.info
ou abonnez-vous au mensuel papier
Les temps sont difficiles, et nous savons que tout le monde n’a pas la possibilité de payer pour de l’information. Mais nous sommes financés par les dons de nos lectrices et lecteurs, et les abonnements au mensuel papier : nous dépendons de la générosité de celles et ceux qui peuvent se le permettre.
« Les choses sans prix ont souvent une grande valeur » Mixel Berhocoirigoin
Cette aide est vitale. Grâce à votre soutien, nous continuerons à proposer les articles d'Enbata.Info en libre accès et gratuits, afin que des milliers de personnes puissent continuer à les lire chaque semaine, pour faire ainsi avancer la cause abertzale et l’ancrer dans une perspective résolument progressiste, ouverte et solidaire des autres peuples et territoires.
Chaque don a de l’importance, même si vous ne pouvez donner que quelques euros. Quel que soit son montant, votre soutien est essentiel pour nous permettre de continuer notre mission.
Pour tout soutien de 50€/eusko ou plus, vous pourrez recevoir ou offrir un abonnement annuel d'Enbata à l'adresse postale indiquée. Milesker.
Si vous êtes imposable, votre don bénéficiera d’une déduction fiscale (un don de 50 euros / eusko ne vous en coûtera que 17).
Independentea, publizitaterik gabekoa, sarbide irekia, bere irakurleek diruztatua
Enbata.Info-ri emaitza bat egin
edo harpidetu zaitezte hilabetekariari
Garai gogorrak dira, eta badakigu denek ez dutela informazioa ordaintzeko ahalik. Baina irakurleen emaitzek eta paperezko hilabetekariaren harpidetzek finantzatzen gaituzte: ordaindu dezaketenen eskuzabaltasunaren menpe gaude.
«Preziorik gabeko gauzek, usu, balio handia dute» Mixel Berhocoirigoin
Laguntza hau ezinbestekoa zaigu. Zuen sustenguari esker, Enbata.Info artikuluak sarbide librean eta urririk eskaintzen segituko dugu, milaka lagunek astero irakurtzen segi dezaten, hola erronka abertzalea aitzinarazteko eta ikuspegi argiki aurrerakoi, ireki eta beste herri eta lurraldeekiko solidario batean ainguratuz.
Emaitza oro garrantzitsua da, nahiz eta euro/eusko guti batzuk eman. Zenbatekoa edozein heinekoa izanik ere, zure laguntza ezinbestekoa zaigu gure eginkizuna segitzeko.
50€/eusko edo gehiagoko edozein sustengurentzat, Enbataren urteko harpidetza lortzen edo eskaintzen ahalko duzu zehaztuko duzun posta helbidean. Milesker.
Zergapean bazira, zure emaitzak zerga beherapena ekarriko dizu (50 euro / eusko-ko emaitzak, 17 baizik ez zaizu gostako).