EHZ FESTIBALA 30 URTEZ
2009. Altxatu beharra. Uztailaren 4a, gaueko hamaikak. Heletako plaza sutan. Larre ostatuaren aldameneko barrukian, kontzertuen pentzerako sarbidea ertsiegia da, jendez gainezka, denak zainetan eta presaka. Manu Chaoren ahotsa, aldi berean urrun eta hurbil. Fokoek milaka begi itsutzen dituzte, eta atzekaldeko ilunpean, Baiguraren mamu isilak EHZko gau hezea lehen aldiz babesten du.
“Herri bat zuzenean” lelopean sortu berri festibalak itxurazko gau itzela bizi zuen. Ahaztezina. Garaiko bizipen latzen neurrikoa. Idauze Mendiko zatiketak eta zauriak oraindik artatzen ari ginen; muntaketa garaian atxilotutako laguntzaileak gogoan. Hala ere, EHZk hilabete gutitan sekulako apustua irabazi zuen: lehen aldiz, festibala herri baten baitan antolatzea.
Ufatzeko unerik ez. Herriari egokitu, elkar maitatzen ikasi… eta ez beti lortu. Autobus zerbitzu efimeroa asmatu bestazaleak aparkalekutik herrira eramateko; lau kilometroko hesi-eraztuna altxatu; 700 herritar bilkura publikoen bidez lasaitu; zirkulazio plan zorrotza ezarri… Halakoa izan zen Heletako urteen taupada.
Urte hartan, ordea, gauero balantzaka, bere oihaletxera sartzen saiatzen zen festibalari axolagabea besterik ez nintzen.
2010. Udaberriak udazken kolore. Martxo hondarrean, EHZk bere hegalak zabaldu zituen, Ipar Euskal Herriko gazteria astindu eta mobilizatu nahian. Garai oparo baten keinulari ote? Biarritzeko Gare du Midin, “Klasikotasuna” (Itoiz suite) aro berriaren « lehenbiziko bala »; apirilean EHrZ lehiaketa Atabalen; maiatzean “Elektrotasuna” Hazparnen. EHZk festibala baino urrunago hegan egin nahi zuen.
Pizturen itzala oinarri, Ikaroren hegalak soineko… eta sasi guztien gainetik berriz abiatu beharra. Ufatzeko unerik ez. Permanentearen atxiloketa, Heletak ezagutu gabeko ekaitz bortitza, komertsanten bihurrikeria, asurantza konpainiarekin negoziaketa…
Testuinguru horretan sartu nintzen langile, festibalaren bezperako kaosaren erdian. Arrunt galdua, baina ikasten, fite ikasten — beste aukerarik ez baitzen. Kolpez eta bortizki maitemindu nintzen.
2011. Ilusioen itxaropena. Elkartasun haize batek indarberritu, hegalak berriz josi eta aitzina jarraitu genuen. Sorkuntza proiektuak garatzen, komun idorren parkea sendotzen, programazio handinahizkoa osatzen, « eztabaida gunea » pizten…
Administrazio Kontseiluko kideak bizilagun bilakatzen ginen, sukarrezko bilkura amaigabeak pilatzen ziren arau. Ufatzeko unerik ez. Milioi erdira hurbiltzen zen aurrekontuak bertigoa eragiten zidan. Makro festibalen mehatxua gero eta ageriagoa zen, eta EHZ non kokatu ez genuen argi.
Aldi berean, errepresioak segitzen zuen. Festibal garaian, euroaginduaren mehatxupean zen laguntzaile bati babesa eman genion, poliziak eraman ez zezan. Baina ausardia eta harrokeria efimeroen ondotik, errealitate latza etorri zen: jendetza handia izan arren, festibalak dirua galdu zuen. Oreka galtzen hasi nintzen.
2012. Udazkenak udaberria kantatzen. Heletako azken edizioaren hondar mingarriak. Samintasuna. Amaitu gabeko proiektuek uzten duten frustrazioa. Ufatzeko unerik ez. Heletan eroritako hostoak bildu, eta orrialde berri bat idaztera abiatu ginen: Garroako gazteluaren konkistara.
Han, 2013ko ekainaren 30eko gauean, desmuntatzen hasi ginela, pentzearen iluntasunean lurreratu nintzen. Belar bustian etzana. Betea. Hutsa.
Han egon nintzen bakarrik, akidurazko negarrak isurtzen, eta zainetako irriak askatzen, ongi sentitu arte. Orduan, EHZk hartzen eta ematen zidan guzia ulertzen eta neurtzen hasi nintzen. Handik gutira, lagunkide batek eskua luzatu zidan. Altxatu beharra.
Indépendant, sans pub, en accès libre,
financé par ses lecteurs
Faites un don à Enbata.info
ou abonnez-vous au mensuel papier
Les temps sont difficiles, et nous savons que tout le monde n’a pas la possibilité de payer pour de l’information. Mais nous sommes financés par les dons de nos lectrices et lecteurs, et les abonnements au mensuel papier : nous dépendons de la générosité de celles et ceux qui peuvent se le permettre.
« Les choses sans prix ont souvent une grande valeur » Mixel Berhocoirigoin
Cette aide est vitale. Grâce à votre soutien, nous continuerons à proposer les articles d'Enbata.Info en libre accès et gratuits, afin que des milliers de personnes puissent continuer à les lire chaque semaine, pour faire ainsi avancer la cause abertzale et l’ancrer dans une perspective résolument progressiste, ouverte et solidaire des autres peuples et territoires.
Chaque don a de l’importance, même si vous ne pouvez donner que quelques euros. Quel que soit son montant, votre soutien est essentiel pour nous permettre de continuer notre mission.
Pour tout soutien de 50€/eusko ou plus, vous pourrez recevoir ou offrir un abonnement annuel d'Enbata à l'adresse postale indiquée. Milesker.
Si vous êtes imposable, votre don bénéficiera d’une déduction fiscale (un don de 50 euros / eusko ne vous en coûtera que 17).
Independentea, publizitaterik gabekoa, sarbide irekia, bere irakurleek diruztatua
Enbata.Info-ri emaitza bat egin
edo harpidetu zaitezte hilabetekariari
Garai gogorrak dira, eta badakigu denek ez dutela informazioa ordaintzeko ahalik. Baina irakurleen emaitzek eta paperezko hilabetekariaren harpidetzek finantzatzen gaituzte: ordaindu dezaketenen eskuzabaltasunaren menpe gaude.
«Preziorik gabeko gauzek, usu, balio handia dute» Mixel Berhocoirigoin
Laguntza hau ezinbestekoa zaigu. Zuen sustenguari esker, Enbata.Info artikuluak sarbide librean eta urririk eskaintzen segituko dugu, milaka lagunek astero irakurtzen segi dezaten, hola erronka abertzalea aitzinarazteko eta ikuspegi argiki aurrerakoi, ireki eta beste herri eta lurraldeekiko solidario batean ainguratuz.
Emaitza oro garrantzitsua da, nahiz eta euro/eusko guti batzuk eman. Zenbatekoa edozein heinekoa izanik ere, zure laguntza ezinbestekoa zaigu gure eginkizuna segitzeko.
50€/eusko edo gehiagoko edozein sustengurentzat, Enbataren urteko harpidetza lortzen edo eskaintzen ahalko duzu zehaztuko duzun posta helbidean. Milesker.
Zergapean bazira, zure emaitzak zerga beherapena ekarriko dizu (50 euro / eusko-ko emaitzak, 17 baizik ez zaizu gostako).