by 
1984an sortua, Herri Urrats elkarteak urtero, maiatzaren bigarren igandean Senpereko Aintziran, Herri Urrats besta antolatzen du. Lehen urtean, 5000 lagun bildu zituen elgarretaratze horrek urtez urte arrakastatsuagoa izan da. Gaur egun Euskal Herriko euskalzale guziak biltzen dira euskara eta Seaskako ikastolak sustengatzeko. Besta honen helburua dirua biltzea da, Seaskak behar duen finantzamendua, lanak edo eraikin proiektuak dituzten ikastolak laguntzeko. Maiatzaren 10 honetan iraganen den Herri Urratsen 32. edizio honek ohiko beharrei erantzuteaz gain, Ziburuko ikastolaren beharrei erantzun beharko dio, behin betiko aterabide baten aurkitzeko.
Herri Urrats elkarteak elkartasun deia luzatzen du, beren altxorrik ederrena, euskara bizirik nahi duten herritarrek bil daitezen eta jin daitezen maiatzaren 10ean Senperera aldarrikatzeko: “Atxik Ziburuko ikastola! @xik ikastola@!”
Aurtengo leloa “@xik ikastola@”… “Atxik Ikastola Bildua” (@= “at” ingelesez, @ = “abildua” euskaraz) irakurriz kausitzen da.
Gure hizkuntzak pairatzen dituen erasoen aitzinean erresistentziarako mezu bat da. Nahiz eta 32 urtez diskurtsoa garatu den, eta ele ederrak entzuten ditugun, gure hizkuntzari buruz, gure hitzkuntza oraino erasotua da eta lanjeran da. Egon gaitezen beraz elgarrekin, herritarrak, ikastolak bildurik, erasoen aitzinean.
Seaskak, 10 urtez, +%60
Azken urteotan Seaskak sekulako garapena bizi du, azken 10 urteetan %60ko hazkundea izan du Seaskak herritarren bultzadarekin. Helburu bakarrarekin euskarazko irakaskuntza hedatzea eta indartzea, eskas den eremuetan eta horretarako ikastola berriak idekirik, botere publikoen oztopoen gainetik.
Ikastolekiko elkartasuna
Herri Urratsek, elkartasunerako deia zabaldu nahi du, beren altxorrik ederrena, euskara bizirik nahi duten herritarrek bil daitezen eta jin daitezen maiatzaren 10ean Senperera aldarrikatzeko : Atxik Ziburuko ikastola! @xik ikastola@!
@ ikurra, hitzjoko ugari eskaintzeaz gain, modernitate mezu bat da, gure hizkuntza lurralde osoan hedatzeko mezua. Euskara etxean, euskara eskolan, euskara bizi publikoan, hedabideetan eta teknologia berrietan, euskara herrian.
Euskararen zabaltzea
32 urte daramagu ikastolen beharrak aldarrikapen parte hartzaile eta solidario batean gauzatuz Lehen Herri Urrats hura antolatu zutenek ez zuten segur aski pentsatuko haien ekimena hain arrakastatsua izanen zenik, hainbeste elkartasun bilduko zuenik eta hain luzaz iraunen zuenik. Eta beharrik hala izan den. Izan ere, hiru hamarkada berantago, oraindik festa horren beharra baitugu Euskal Herriko xoko honetan gure hizkuntzak XXI. mende honetan iraun dezan nahi badugu.
Beraz leloak bi mezu nagusi adierazten ditu : ikastolekiko elkartasuna eta euskararen zabaltzea.
Ziburuko burasoen deia
Ziburuko ikastolako burasoek, kaskarotenea dantza egiteko deia luzatu zuten. Horren ondotik, mundu guziko lagunek erantzun zuten, eta hona hemen emaitza. Orain, ziburuko burasoek eta ikasleek deia egiten dizuete heldu den igandean Senperera hurbiltzeko.
Indépendant, sans pub, en accès libre,
financé par ses lecteurs
Faites un don à Enbata.info
ou abonnez-vous au mensuel papier
Les temps sont difficiles, et nous savons que tout le monde n’a pas la possibilité de payer pour de l’information. Mais nous sommes financés par les dons de nos lectrices et lecteurs, et les abonnements au mensuel papier : nous dépendons de la générosité de celles et ceux qui peuvent se le permettre.
« Les choses sans prix ont souvent une grande valeur » Mixel Berhocoirigoin
Cette aide est vitale. Grâce à votre soutien, nous continuerons à proposer les articles d'Enbata.Info en libre accès et gratuits, afin que des milliers de personnes puissent continuer à les lire chaque semaine, pour faire ainsi avancer la cause abertzale et l’ancrer dans une perspective résolument progressiste, ouverte et solidaire des autres peuples et territoires.
Chaque don a de l’importance, même si vous ne pouvez donner que quelques euros. Quel que soit son montant, votre soutien est essentiel pour nous permettre de continuer notre mission.
Pour tout soutien de 50€/eusko ou plus, vous pourrez recevoir ou offrir un abonnement annuel d'Enbata à l'adresse postale indiquée. Milesker.
Si vous êtes imposable, votre don bénéficiera d’une déduction fiscale (un don de 50 euros / eusko ne vous en coûtera que 17).
Independentea, publizitaterik gabekoa, sarbide irekia, bere irakurleek diruztatua
Enbata.Info-ri emaitza bat egin
edo harpidetu zaitezte hilabetekariari
Garai gogorrak dira, eta badakigu denek ez dutela informazioa ordaintzeko ahalik. Baina irakurleen emaitzek eta paperezko hilabetekariaren harpidetzek finantzatzen gaituzte: ordaindu dezaketenen eskuzabaltasunaren menpe gaude.
«Preziorik gabeko gauzek, usu, balio handia dute» Mixel Berhocoirigoin
Laguntza hau ezinbestekoa zaigu. Zuen sustenguari esker, Enbata.Info artikuluak sarbide librean eta urririk eskaintzen segituko dugu, milaka lagunek astero irakurtzen segi dezaten, hola erronka abertzalea aitzinarazteko eta ikuspegi argiki aurrerakoi, ireki eta beste herri eta lurraldeekiko solidario batean ainguratuz.
Emaitza oro garrantzitsua da, nahiz eta euro/eusko guti batzuk eman. Zenbatekoa edozein heinekoa izanik ere, zure laguntza ezinbestekoa zaigu gure eginkizuna segitzeko.
50€/eusko edo gehiagoko edozein sustengurentzat, Enbataren urteko harpidetza lortzen edo eskaintzen ahalko duzu zehaztuko duzun posta helbidean. Milesker.
Zergapean bazira, zure emaitzak zerga beherapena ekarriko dizu (50 euro / eusko-ko emaitzak, 17 baizik ez zaizu gostako).