by 
Gabi Daraspe, IEH-ko GKS-ko kidea
Krisia da: gizarteko sektore geroz eta zabalagoek bizi eredu miserableak dituzte. Hori, bereziki egia da gazteentzat, egungo probretzeaz gain, anitzek ez baitute etorkizunik irudikatzen ahal.
Zer da bizi eredu miserablea ukatea? Lansari baxuez edo diru laguntza oraindik baxuagoekiko menpekotasuna izatea, eta oinarrizko beharrizanak gaizki aseak izatea. Alokairuen, garraiorako edo berotzeko erregaien zein elikagaien prezioek gora egiten dute. Hezkuntza eta osasun sitemak geroz eta elitistagoak dira. Adibidez, urte hastapenetik urgentzietatik pasatzean mutuelik ez dutenek 19,61€ ordaindu behar dute momentuan bertan, ez baldin badira ospitalizatuak.
Itxura guztien arabera, miseria geroz eta gordinagoa biziko dugu.
Gisa berean, geroz eta kontrolatuagoak gaituzte. Kontrol polizialerako teknologiak biderkatzen dira, eta legeak gogortzen, askatasun zibil eta politikoak deuseztatuz (telefonoen eta interneteko bilaketen zaintze masiboa, pase sanitarioetan QR kode baten “flasatze” soil batekin identifikatuak eta lokalizatuak gira, kamarak ezartzen dituzte nonahi (Kanbon, Angelun, Donibane Lohizunen…), baita airean ere: Pasa den abenduan adibidez, dronek filmatutako irudietan aurpegien ezagutza teknologia baliatzea legezko egin zuten.
Neurriak, bankari eta enpresari handien interesekoak dira: langileriaren esplotazioari ahalik eta zuku gehien atera nahi diote, eta egoera aldatzea galarazteko, zapalduen antolaketa politikoa debekatu.
Politikari profesionalek aipatutako miseria kudeatu baizik ez dute egiten, erabaki nagusiak elite ekonomikoak hartzen baititu. Aldaketa, beraz, ez dugu handik espero.
Horri buru egiteko, Ipar Euskal Herrian berean, zenbait ekintza burutzen ari gara. Izan ere, Urtarrilak 29, Iruñean eta Bilbon eginen ditugun manifestaldietan jasaten dugun egoera hori salatuko dugu. Zer aldatuko dioten Ipar Euskal Herriko biztanleriari Iruñea eta Bilboko mobilizazioek ? Bistan da manifestazioek ez dituztela aipaturiko arazoak egun batetik bestera konponduko. Mobilizazioen garrantzia, langileriaren autonomiaren indartzean datza. Berehalako aterabiderik izan ez arren, berehalako eginbehar bat dugu : geroz eta gehiago izatea, geroz eta antolatuagoak. Horregatik, GKS-tik nazionalki antolatzeko apostua egitean, Euskal Herria langileria antolatzeko eremu gisa hartzen dugu, beti ere, nazioarteko antolaketari ekarpena egitearen ikuspundutik.
Manifestaldi horiek, beraz, politikari profesionalen instituzio eta sareetatik at gure antolaketa propioa indartzeko balio izanen dute. Gazte langileok, objektu pasibo izatetik langileria antolatuaren subjektu aktiboaren eraikuntzan gure ardurak har ditzagun : bakoitzak baditu bere arazoak, baina aterabideak kolektiboa baizik ezin du izan. Urtarrilaren 29an Iruñean elkar topatuko dugulakoan!
Indépendant, sans pub, en accès libre,
financé par ses lecteurs
Faites un don à Enbata.info
ou abonnez-vous au mensuel papier
Les temps sont difficiles, et nous savons que tout le monde n’a pas la possibilité de payer pour de l’information. Mais nous sommes financés par les dons de nos lectrices et lecteurs, et les abonnements au mensuel papier : nous dépendons de la générosité de celles et ceux qui peuvent se le permettre.
« Les choses sans prix ont souvent une grande valeur » Mixel Berhocoirigoin
Cette aide est vitale. Grâce à votre soutien, nous continuerons à proposer les articles d'Enbata.Info en libre accès et gratuits, afin que des milliers de personnes puissent continuer à les lire chaque semaine, pour faire ainsi avancer la cause abertzale et l’ancrer dans une perspective résolument progressiste, ouverte et solidaire des autres peuples et territoires.
Chaque don a de l’importance, même si vous ne pouvez donner que quelques euros. Quel que soit son montant, votre soutien est essentiel pour nous permettre de continuer notre mission.
Pour tout soutien de 50€/eusko ou plus, vous pourrez recevoir ou offrir un abonnement annuel d'Enbata à l'adresse postale indiquée. Milesker.
Si vous êtes imposable, votre don bénéficiera d’une déduction fiscale (un don de 50 euros / eusko ne vous en coûtera que 17).
Independentea, publizitaterik gabekoa, sarbide irekia, bere irakurleek diruztatua
Enbata.Info-ri emaitza bat egin
edo harpidetu zaitezte hilabetekariari
Garai gogorrak dira, eta badakigu denek ez dutela informazioa ordaintzeko ahalik. Baina irakurleen emaitzek eta paperezko hilabetekariaren harpidetzek finantzatzen gaituzte: ordaindu dezaketenen eskuzabaltasunaren menpe gaude.
«Preziorik gabeko gauzek, usu, balio handia dute» Mixel Berhocoirigoin
Laguntza hau ezinbestekoa zaigu. Zuen sustenguari esker, Enbata.Info artikuluak sarbide librean eta urririk eskaintzen segituko dugu, milaka lagunek astero irakurtzen segi dezaten, hola erronka abertzalea aitzinarazteko eta ikuspegi argiki aurrerakoi, ireki eta beste herri eta lurraldeekiko solidario batean ainguratuz.
Emaitza oro garrantzitsua da, nahiz eta euro/eusko guti batzuk eman. Zenbatekoa edozein heinekoa izanik ere, zure laguntza ezinbestekoa zaigu gure eginkizuna segitzeko.
50€/eusko edo gehiagoko edozein sustengurentzat, Enbataren urteko harpidetza lortzen edo eskaintzen ahalko duzu zehaztuko duzun posta helbidean. Milesker.
Zergapean bazira, zure emaitzak zerga beherapena ekarriko dizu (50 euro / eusko-ko emaitzak, 17 baizik ez zaizu gostako).