by 
Joseba Aurkenerena
Ekainaren 20an, larunbatarekin, gaueko 11etan sua piztu zuten Iparraldeko mendietan, Artzamendin, Beltxun, Baiguran, Erebin, Oilandoin, Kalbarioan, Arranomendin, Arradoin, Zualmendin, Ursuian, Santa Barbaran, Mendibilen, Soihartzen…, euskal presoak beti gogoan ditugula aldarrikatzeko. Udaburuaren bezpera zen, gau magikoa beraz, eta mendi gailurretan piztutako su-meta haiek, aldarria izateaz gain, bazuten nolabaiteko lotura gure amalurrarekin eta gure sinesmen zaharrekin.
Urruñatik herritarrak Kalbario mendira igo ziren, jentil-baratz eta trikuharriz betetako bide-xendra zaharretik barrena. Sugarrek euskaldunen berri eman zuten, gure presoekiko elkartasuna zuten zabaldu eta gau ilunean, Euskal Herri askatua iragarri zuten. Hori ere etorri, etorriko baita, arrotzen kateak hautsiz eta apo eta sugegorrien pozoina gaindituz. Erre, erre!!! Erre su-metan!!!
Eta igandea argitu zen, zeru ateri-ateria, txoriak nonahi kantari… Bezperan, gauerdian, arrotzek mugetan hiru hilabete luzez ezarritako barrikadak eta gainerako oztopoak kendu zituzten. Pausuko zubian, bai Lapurdin eta bai Gipuzkoan, jendea zen aiduru. Une horietan izan ziren irrintzinak Bidasoaren gaineko zubian, eta baita kantuak eta anai-arreben arteko besarkadak ere. Ibaiaren bi ertzetatik jaurtitako su-ziriek gaua zuten alaitu eta berria inguruetako herrietara zabaldu.
Hiru hilabetez itxita izan ondoren, muga, berriz ere, zabalduta zegoen. Txinako sukarra estakuru izan dute bai espainolek eta bai frantsesek gure Herrian beraiek agintzen dutela agertzeko. Haien menpekoak garela ez dezagun ahantz.
Baina euskal bihotzek ezin dute hori onartu. Jakin, badakigu, noizbait, goiz ala berant, ezarri diguten uztarria hautsiko dugula, eta aske biziko garela gure Herrian. Geroa izanen da lekuko eta jakile, eta garaipena gure mendekurik onena.
Horregatik, igande goizean, hamaikak irian, jendea biltzen hasi zen Urruña aldeko Pausu auzoan den Xaia ostatuan, eta hortik eskusoinuz, dultzainaz, txistuz eta panderoz armaturik, Gipuzkoako Behobia alderantz abiatu ginen kantuz eta bozkarioz. Zubia zeharkatu, Bidasoa ibaia agurtu eta Irunera sartu ginen. Han bazen jendea gure zain, eta denok elkarrekin ostatuz ostatu eta bazterrez bazter ibili ginen… Izan ziren kantuak, irrintzinak, aldarriak, mutxikoak eta fandangoak…
Jakin dezatela gure Herria ukatzen duten sai horiek euskaldunok hemen gaudela oraindik, bizirik eta libre bizi-nahian; eta laster, beraiek espero dutena baino ainitzez lehenago, euskal ikurrinaren babespeko enbaxadak zabalik izanen ditugula Parisen eta Madrilen.
Gogoeta horretan ari nintzela, Beñat bere eskusoinuaz hasieran eta gainerako guztiak gero, Niko Etxarten Müga gainetik kantua jotzen eta kantatzen hasi ginen. Hura zirrara bihotzean altzürükütarraren kantua abestean!!! Horixe da gure seinalea! Horixe da gure etorkizun hurbil eta askearen deia! Guk ongitxo dakigu, baita jende haiek ere! Hala bedi eta euskal Lur sainduak babes gaitzan betiko!!!
Müga gainetik, Eüskal Herrian! / müga bestaldetik, Eüskal Herrian! /
Non da ordin Frantzia? / non da España? /
Mügatik bi aldetan beit’Eüskal Herria! / mügatik bi aldetan beit´Eüskal Herria!!!
Indépendant, sans pub, en accès libre,
financé par ses lecteurs
Faites un don à Enbata.info
ou abonnez-vous au mensuel papier
Les temps sont difficiles, et nous savons que tout le monde n’a pas la possibilité de payer pour de l’information. Mais nous sommes financés par les dons de nos lectrices et lecteurs, et les abonnements au mensuel papier : nous dépendons de la générosité de celles et ceux qui peuvent se le permettre.
« Les choses sans prix ont souvent une grande valeur » Mixel Berhocoirigoin
Cette aide est vitale. Grâce à votre soutien, nous continuerons à proposer les articles d'Enbata.Info en libre accès et gratuits, afin que des milliers de personnes puissent continuer à les lire chaque semaine, pour faire ainsi avancer la cause abertzale et l’ancrer dans une perspective résolument progressiste, ouverte et solidaire des autres peuples et territoires.
Chaque don a de l’importance, même si vous ne pouvez donner que quelques euros. Quel que soit son montant, votre soutien est essentiel pour nous permettre de continuer notre mission.
Pour tout soutien de 50€/eusko ou plus, vous pourrez recevoir ou offrir un abonnement annuel d'Enbata à l'adresse postale indiquée. Milesker.
Si vous êtes imposable, votre don bénéficiera d’une déduction fiscale (un don de 50 euros / eusko ne vous en coûtera que 17).
Independentea, publizitaterik gabekoa, sarbide irekia, bere irakurleek diruztatua
Enbata.Info-ri emaitza bat egin
edo harpidetu zaitezte hilabetekariari
Garai gogorrak dira, eta badakigu denek ez dutela informazioa ordaintzeko ahalik. Baina irakurleen emaitzek eta paperezko hilabetekariaren harpidetzek finantzatzen gaituzte: ordaindu dezaketenen eskuzabaltasunaren menpe gaude.
«Preziorik gabeko gauzek, usu, balio handia dute» Mixel Berhocoirigoin
Laguntza hau ezinbestekoa zaigu. Zuen sustenguari esker, Enbata.Info artikuluak sarbide librean eta urririk eskaintzen segituko dugu, milaka lagunek astero irakurtzen segi dezaten, hola erronka abertzalea aitzinarazteko eta ikuspegi argiki aurrerakoi, ireki eta beste herri eta lurraldeekiko solidario batean ainguratuz.
Emaitza oro garrantzitsua da, nahiz eta euro/eusko guti batzuk eman. Zenbatekoa edozein heinekoa izanik ere, zure laguntza ezinbestekoa zaigu gure eginkizuna segitzeko.
50€/eusko edo gehiagoko edozein sustengurentzat, Enbataren urteko harpidetza lortzen edo eskaintzen ahalko duzu zehaztuko duzun posta helbidean. Milesker.
Zergapean bazira, zure emaitzak zerga beherapena ekarriko dizu (50 euro / eusko-ko emaitzak, 17 baizik ez zaizu gostako).