by OSTIA Sarea
Heldu den martxoaren 12an OSTIA sareko lau kide epaituko dituzte Baionan, Kanboko Marieniako lurrak defendatzeko Bouygues multinazionalaren egoitzan antolatu ekintza batengatik. Auzia arratsaldeko 2etan finkatua da. Marieniako borrokak 10 urte ditu jada eta argi utzi du OSTIA sareak lanak hasten balira, blokatuko dituela. Martxoaren 12ko auzia ibilbide horretan beste etapa bat izanen da, eta egun horretarako, OSTIA sareak mobilizazio herrikoia aktibatzeko deia luzatzen du jarraian.
Heldu den martxoaren 12an, OSTIA sareko lau militante auziperatuak izanen dira Baionan. 2022ko abenduan, Bouygues multinazionalaren Angeluko agentzia batean, Kanboko Marienia eraikuntza proiektuaren maketa andeatzeaz akusatzen dituzte. Ekintza kolektibo honetan hogeitabost pertsona inguruk hartu genuen parte zuzenki, ekinmoldea osoki asumituz baita prentsa gomitatuz.
Ekintza honekin, Bouygues-i argi utzi nahi izan genion ez ditugula inondik ere Marienia laborantza lurrak betoiaz estaltzen utziko. Artifizializazio egitasmo honen beste erantzule zuzenak Kanboko herriko etxea eta Euskal Elkargoa dira, proiektua sasi argudioekin babesten baitute. Izan ere, Bouygues-i eraikitzeko baimen berria onartu dio Kanboko herriko etxeak. Elkargoak, Kanboko PLUa baieztatzeaz gain, proiektua bera defenditzen segitzen du, CADE elkarteak, Lurzaindiak eta Nahi Dugun Herriak auzitegi administratiboan jarritako helegitearen aurka (dei auzia ondoko hilabeteetan iraganen da).
Bouygues-ko agentzian egindako ekintza dinamika zabal baten baitan kokatzen da, 2014az geroztik abiatu dena. Elkarte, alderdi, sindikatu, laborari, herritarrek iniziatiba anitz antolatu dituzte Marieneko laborantza lurren zaintzeko, eta hala izanen da geroan ere.
Azken urte hauetan, laborantza iraunkorraren eta lurraren aldeko mobilizazioak azkartzen joan dira, espekulazioa gelditu eta etxebizitza eskubidearen aldarrikapenekin bat eginez, denak lotuak baitira. Pausoz pauso lortu behar ditugu garaipenak eta Marieneko kasua Euskal Herrian enblematikoa bilakatu da. Herri mobilizazioari esker, denen ekarpenari esker lortuko dugu Bouygues-en eta hautetsi konplize batzuen diru eta botere goseen gelditzea.
Tratuak tratu zein erabakiak erabaki, garaiz dira desmasiak bertan behera uzteko, eta lanak hasten balira, denek elkarrekin ihardukiko dugu.
Heldu den martxoaren 12an iraganen den auzia etapa berria izanen da bide horretan. Hasteko, Marienia batasunean babestuko dugula jakinaraziko dugu, irabazi arte. Bestetik, dinamika horren baitan atxilotuak eta auziperatuak izanen diren pertsona oro kolektiboki defendatuko ditugula erakutsiko dugu.
Martxoaren 12an, mobilizazio herritar garrantzitsua gauzatu behar dugu. Pertsona, elkarte, alderdiei dei egiten dizuegu, denek bat eginez egun horretan ere “Marienia ez hunki” adierazteko. Indar metaketa, determinazioa eta elkartasuna dira borroka honen irabazteko osagai nagusiak.
Indépendant, sans pub, en accès libre,
financé par ses lecteurs
Faites un don à Enbata.info
ou abonnez-vous au mensuel papier
Les temps sont difficiles, et nous savons que tout le monde n’a pas la possibilité de payer pour de l’information. Mais nous sommes financés par les dons de nos lectrices et lecteurs, et les abonnements au mensuel papier : nous dépendons de la générosité de celles et ceux qui peuvent se le permettre.
« Les choses sans prix ont souvent une grande valeur » Mixel Berhocoirigoin
Cette aide est vitale. Grâce à votre soutien, nous continuerons à proposer les articles d'Enbata.Info en libre accès et gratuits, afin que des milliers de personnes puissent continuer à les lire chaque semaine, pour faire ainsi avancer la cause abertzale et l’ancrer dans une perspective résolument progressiste, ouverte et solidaire des autres peuples et territoires.
Chaque don a de l’importance, même si vous ne pouvez donner que quelques euros. Quel que soit son montant, votre soutien est essentiel pour nous permettre de continuer notre mission.
Pour tout soutien de 50€/eusko ou plus, vous pourrez recevoir ou offrir un abonnement annuel d'Enbata à l'adresse postale indiquée. Milesker.
Si vous êtes imposable, votre don bénéficiera d’une déduction fiscale (un don de 50 euros / eusko ne vous en coûtera que 17).
Independentea, publizitaterik gabekoa, sarbide irekia, bere irakurleek diruztatua
Enbata.Info-ri emaitza bat egin
edo harpidetu zaitezte hilabetekariari
Garai gogorrak dira, eta badakigu denek ez dutela informazioa ordaintzeko ahalik. Baina irakurleen emaitzek eta paperezko hilabetekariaren harpidetzek finantzatzen gaituzte: ordaindu dezaketenen eskuzabaltasunaren menpe gaude.
«Preziorik gabeko gauzek, usu, balio handia dute» Mixel Berhocoirigoin
Laguntza hau ezinbestekoa zaigu. Zuen sustenguari esker, Enbata.Info artikuluak sarbide librean eta urririk eskaintzen segituko dugu, milaka lagunek astero irakurtzen segi dezaten, hola erronka abertzalea aitzinarazteko eta ikuspegi argiki aurrerakoi, ireki eta beste herri eta lurraldeekiko solidario batean ainguratuz.
Emaitza oro garrantzitsua da, nahiz eta euro/eusko guti batzuk eman. Zenbatekoa edozein heinekoa izanik ere, zure laguntza ezinbestekoa zaigu gure eginkizuna segitzeko.
50€/eusko edo gehiagoko edozein sustengurentzat, Enbataren urteko harpidetza lortzen edo eskaintzen ahalko duzu zehaztuko duzun posta helbidean. Milesker.
Zergapean bazira, zure emaitzak zerga beherapena ekarriko dizu (50 euro / eusko-ko emaitzak, 17 baizik ez zaizu gostako).