Frantziako egunkari ospetsuenetariko batek izenburuan jarri zuen Aurore Martin “etarra” ez dela presondegira itzuliko.“Etarra”? Orain arte, Batasuneko militante gisa aurkeztua zen, politika egiteagatik zuzen-kontra preso sartu zuten pertsona gisa. Eta orain “etarra” da?
Ezker abertzaleko erakunde publikoen kontrako ngarren auzia iragan da Madrilen, baina ez da beste auziak bezala bururatu.
Aldi honetan, akusatuek eta akusatzaileek (Espainiako gobernuaren ordezkaritzak eta ETAren biktimen elkarteek) akordio bat lortu dute: akusatuak ez dira preso joanen, baina leporatzen zaizkienak onartu behar dituzte, hala nola, “erakunde terroristako kide” izatea.
Gehien-gehienek ezinago baikorki baloratu dute akordio hori. Batzuek azpimarratu dute biktimen elkarteek eta Espainiako estatuak presoen gaian egin duten urrats bakarra dela, ETAk borroka armatua utzi zuenetik. 35 militante politiko ez dituzte preso sartuko, eta hori ez da guti.
Haatik, horren ordainez, onartu behar izan dute Batasuneko kideak ETAko kideak direla. Eta hori, berez, Espainiako epaileen “dena ETA da” teoria egitzat jotzea da. Hainbeste urtez salatu da Espainiak egiten zuen kriminalizazio masibo hori, injustizia ikaragarri hori, hainbeste auzi izan dira, hainbeste presondegiratze bidegabe… Eta orain hori onartzeko? De facto, jurisprudentzia bat sortzen da. Orain, auzi horretan epaitu dituzten guztiak ETAko kide direla erran dezakete kazetariek eta nahi duten guztiek, akusatuek berek onartu baitute.
Politikan maiz erabiltzen da marra gorrien metafora, eta Euskal Herrian ere ez da eskas izan. Ez ote da, oraingoan, marra gorri bat gainditu?
Herri bat suntsitu nahi duen estatu batek erabiltzen dituen estrategietan fase garrantzitsu bat da kriminalizazio kolektibo eta masiboarena. Espainiak eta Frantziak mendeetan zehar kriminalizatu dituzte euskaldunak, ustezko krimen horiek epaitzeko xedez sortuko zituzten lege bidegabeak justifikatzeko eta, azkenik, zigor gogorrak ezartzeko. Kriminalizazio kolektiboa da herri baten genozidioaren urratsetarik bat. Kriminalizazio kolektiboa onartzea, herri honen suntsitzeko xedea duen estatuari suntsiketa hori egiteko asmatutako aitzakia onartzea da. Marra gorri bat da. Akordio horretako irabazlea Espainiako estatua da.
Lau urte baino gehiago iragan dira Aieteko konferentziatik eta ETAk borroka armatua utzi zuenetik. Hastapeneko itxaropena etsipen bihurtu da. Espainiak ez du tutik egin presoen egoera konpontzeko, ez eta ere goxatzeko. Ondorioz, presioa jasaten dutenak euskaldunak berak dira. Zer egin? Nola jokatu?
Egoera hain dago blokeatua, non zaila baita aterabideak ikustea. Amnistiaren bidea bazterturik (eta amnistia aldarrikatzen dutenak kritikaturik), orain Espainiako legedia betetzeko eskaria egin zaie presoei. Presoak legearen bidetik askatzeko aukerak murritzak dira, ordea. Espainiako eta Frantziako legediek kondenak murrizteko ezartzen dituzten baldintzak beteta ere, oraino 20-30 urtez izanen ditugu euskal presoak, legea bera ez bada aldatzen. Eskubide politikoen (presoenak eta herriarenak) aldarrikapenak lekua utzi behar izan dio gizaeskubideen aldarrikapen soilari, gatazkaren muina eta aterabidea hori baino sakonagoa denean.
Estatuek presoekin egiten dute presioa, mugimendu abertzalea etsipenera kondenatzeko, kriminalizazioa onartzeko (bihar zer?), zatitzeko, ahultzeko, umiliatzeko, noarezean galtzeko, gatazka konponbidetik urruntzeko eta gatazkaren hazi berriak ereiteko.
Anitzez berantegi – eta, ondorioz, gaizki – bukatutako fase armatuaren tragediaren ondorioak dira.
Indépendant, sans pub, en accès libre,
financé par ses lecteurs
Faites un don à Enbata.info
ou abonnez-vous au mensuel papier
Les temps sont difficiles, et nous savons que tout le monde n’a pas la possibilité de payer pour de l’information. Mais nous sommes financés par les dons de nos lectrices et lecteurs, et les abonnements au mensuel papier : nous dépendons de la générosité de celles et ceux qui peuvent se le permettre.
« Les choses sans prix ont souvent une grande valeur » Mixel Berhocoirigoin
Cette aide est vitale. Grâce à votre soutien, nous continuerons à proposer les articles d'Enbata.Info en libre accès et gratuits, afin que des milliers de personnes puissent continuer à les lire chaque semaine, pour faire ainsi avancer la cause abertzale et l’ancrer dans une perspective résolument progressiste, ouverte et solidaire des autres peuples et territoires.
Chaque don a de l’importance, même si vous ne pouvez donner que quelques euros. Quel que soit son montant, votre soutien est essentiel pour nous permettre de continuer notre mission.
Pour tout soutien de 50€/eusko ou plus, vous pourrez recevoir ou offrir un abonnement annuel d'Enbata à l'adresse postale indiquée. Milesker.
Si vous êtes imposable, votre don bénéficiera d’une déduction fiscale (un don de 50 euros / eusko ne vous en coûtera que 17).
Independentea, publizitaterik gabekoa, sarbide irekia, bere irakurleek diruztatua
Enbata.Info-ri emaitza bat egin
edo harpidetu zaitezte hilabetekariari
Garai gogorrak dira, eta badakigu denek ez dutela informazioa ordaintzeko ahalik. Baina irakurleen emaitzek eta paperezko hilabetekariaren harpidetzek finantzatzen gaituzte: ordaindu dezaketenen eskuzabaltasunaren menpe gaude.
«Preziorik gabeko gauzek, usu, balio handia dute» Mixel Berhocoirigoin
Laguntza hau ezinbestekoa zaigu. Zuen sustenguari esker, Enbata.Info artikuluak sarbide librean eta urririk eskaintzen segituko dugu, milaka lagunek astero irakurtzen segi dezaten, hola erronka abertzalea aitzinarazteko eta ikuspegi argiki aurrerakoi, ireki eta beste herri eta lurraldeekiko solidario batean ainguratuz.
Emaitza oro garrantzitsua da, nahiz eta euro/eusko guti batzuk eman. Zenbatekoa edozein heinekoa izanik ere, zure laguntza ezinbestekoa zaigu gure eginkizuna segitzeko.
50€/eusko edo gehiagoko edozein sustengurentzat, Enbataren urteko harpidetza lortzen edo eskaintzen ahalko duzu zehaztuko duzun posta helbidean. Milesker.
Zergapean bazira, zure emaitzak zerga beherapena ekarriko dizu (50 euro / eusko-ko emaitzak, 17 baizik ez zaizu gostako).