by 
XUTI GAZTE
Uztailaren 14 honetan, Xuti Gazteko kideok besta egun inposatu honi uko egin eta gazteok burujabetza behar dugula aldarrikatu dugu.
Besta egun arrotz hau Ipar Euskal Herriko gazteon nahiaren aurka inposatzen zaigu. Izan ere, besta egun honen gibelean urte osoan zehar inposaketaz itotzen gaituen frantziar proiektua ezkutatzen da. Gazteon zapalkuntzan oinarritzen den eredua da Frantziarena, gure bizitzen kontura elikatzen den eredua.
Gazteok sistematikoki bortizkeria pairatzera kondenatu gaituzte: lanik gabe edo lan prekarioekin biziraun behar dugu, ikasketak burutzeko atzerrira jo behar dugu, ez dugu etxebizitza duinik topatzen, gure orientazio edo identitate sexuala gorde behar dugu erasotuak ez izateko, ezin dugu euskaraz bizi, eta hori gutxi balitz, egungo neurrigabeko ekoizpenak eta proiektu txikitzaileek gure planeta suntsituko dute. Oro har, erran dezakegu gure beharren arabera bizitzea ezinezkoa egin digutela.
Gainera, Frantziatik heldu den olatu atzerakoiak gure bizi baldintzak are gehiago okertuko ditu. Erretreta erreforma inposatzeko ezarri diren neurri autoritario eta antidemokratikoak, Nahel eta beste hainbeste gazteren aurkako poliziaren indarkeria, eskuin muturraren ideien zabalpena…
Garai ilunak biziko ditugu hau aldatu ezean.
Horregatik, gazte abertzale eta ezkertiarrok uko egiten diogu besta egun arrotz eta zapaltzaile hau ospatzeari. Gaurko eguna, beste behin, Frantziaren baloreak goraipatzeko baliatuko dute.
Eredu honen aitzinean, eraldaketa Euskal Herritik bultzatu behar dugu. Gazteon etorkizuna Euskal Herritik erabakitzea ukatzen diguten bitartean, guk argi dugu: gazteok burujabetza behar dugu!
Egungo sistemarekin hautsi eta eraldaketa bultzatzea dagokigu. Sistema honekiko menpekotasuna gainditu eta gure etorkizunaren inguruko erabakiak hartzeko gai izan behar gara. Gazteon bizitzak eta beharrak lehen lerroan jarriko dituen Euskal Herria borrokatzeko anbizioa dugu.
Balore aurrerakoietan oinarrituz eraikiko dugu gazteon herria : herri ezkertiarra, feminista, ekologista, euskaltzalea, anitza… Guzti horrek eramanen baikaitu lan baldintza duinak ukatera, etxebizitza eskuragarriak izatera, etorkin gazteen harrera bermatzera edota gaztetatik euskalduntzera.
Horregatik, frantziar proiektuaren inposaketa gauzatzen duten hainbat administraziotara etorri gara, Suprefetura, Kontseilu Departamental, Epaitegi eta Hezkuntza Ikuskaritzara hain zuzen ere, eredu honi aurre egin eta Euskal Herriaren burujabetza aldarrikatzera.
Aldarrikapen guzti hauek egi bihurtzeko gazte abertzale eta ezkertiar guztiok elkarrekin borrokatu behar dugu, amesten dugun Euskal Herri horretara iristeko urratsak emanez. Badakigu erronka lodia dela, baina ez dugu bide hau bakarrik egin nahi, lurralde, sentsibilitate eta mota guztietako gazteekin batera egin nahi dugu, gazte guztiona izanen den proiektu baten alde
Horregatik, uztailak 14 eta beste besta egun arrotzetatik haratago, egunero borrokatuko dugu burujabetzaren alde.
Besta egun arrotzik ez! Gazteok Burujabetza!
Xuti Gazte! dinamikak ekimena egin du ere Miarritzeko hondartzan, uztailaren 14ko ospakizunen harira.
“Uztailak 14a den besta egun honetan Ipar Euskal Herrian ere ospakizun giroa nabari da. Ikasturte osoan zehar hutsik egon diren etxebizitzak turistaz bete dira, eta Miarritzeko hondartzan, Baionako karriketan edota beste hainbat herrietako karriketan ospatuko dute Frantziako egun hau. Aldiz, guk argi utzi nahi dugu hemen ez direla Frantzian, Euskal Herrian baizik, eta beraz, ez dugula deus ospatzekorik. Besta egun arrotzen aitzinean, gazteok burujabetza!“
Indépendant, sans pub, en accès libre,
financé par ses lecteurs
Faites un don à Enbata.info
ou abonnez-vous au mensuel papier
Les temps sont difficiles, et nous savons que tout le monde n’a pas la possibilité de payer pour de l’information. Mais nous sommes financés par les dons de nos lectrices et lecteurs, et les abonnements au mensuel papier : nous dépendons de la générosité de celles et ceux qui peuvent se le permettre.
« Les choses sans prix ont souvent une grande valeur » Mixel Berhocoirigoin
Cette aide est vitale. Grâce à votre soutien, nous continuerons à proposer les articles d'Enbata.Info en libre accès et gratuits, afin que des milliers de personnes puissent continuer à les lire chaque semaine, pour faire ainsi avancer la cause abertzale et l’ancrer dans une perspective résolument progressiste, ouverte et solidaire des autres peuples et territoires.
Chaque don a de l’importance, même si vous ne pouvez donner que quelques euros. Quel que soit son montant, votre soutien est essentiel pour nous permettre de continuer notre mission.
Pour tout soutien de 50€/eusko ou plus, vous pourrez recevoir ou offrir un abonnement annuel d'Enbata à l'adresse postale indiquée. Milesker.
Si vous êtes imposable, votre don bénéficiera d’une déduction fiscale (un don de 50 euros / eusko ne vous en coûtera que 17).
Independentea, publizitaterik gabekoa, sarbide irekia, bere irakurleek diruztatua
Enbata.Info-ri emaitza bat egin
edo harpidetu zaitezte hilabetekariari
Garai gogorrak dira, eta badakigu denek ez dutela informazioa ordaintzeko ahalik. Baina irakurleen emaitzek eta paperezko hilabetekariaren harpidetzek finantzatzen gaituzte: ordaindu dezaketenen eskuzabaltasunaren menpe gaude.
«Preziorik gabeko gauzek, usu, balio handia dute» Mixel Berhocoirigoin
Laguntza hau ezinbestekoa zaigu. Zuen sustenguari esker, Enbata.Info artikuluak sarbide librean eta urririk eskaintzen segituko dugu, milaka lagunek astero irakurtzen segi dezaten, hola erronka abertzalea aitzinarazteko eta ikuspegi argiki aurrerakoi, ireki eta beste herri eta lurraldeekiko solidario batean ainguratuz.
Emaitza oro garrantzitsua da, nahiz eta euro/eusko guti batzuk eman. Zenbatekoa edozein heinekoa izanik ere, zure laguntza ezinbestekoa zaigu gure eginkizuna segitzeko.
50€/eusko edo gehiagoko edozein sustengurentzat, Enbataren urteko harpidetza lortzen edo eskaintzen ahalko duzu zehaztuko duzun posta helbidean. Milesker.
Zergapean bazira, zure emaitzak zerga beherapena ekarriko dizu (50 euro / eusko-ko emaitzak, 17 baizik ez zaizu gostako).