by 
Euskaltzaindiak, 2018rako aintzin ikusia den ‘Euskaraldia–11 egun euskaraz’ jardueran parte hartzeko deia egiten die euskal herritarrei. Euskaltzaindiaren 2017ko urteko azken Osoko bilkuran Eusko Jaurlaritzak eta Euskaltzaleen Topaguneak euskal hiztunak aktibatzea helburu duen Euskaraldia ekimena, 2018ko azaroaren 23tik abenduaren 3ra egingo dena, “11 egun euskaraz” lelopean aurkeztu dute.
Honela, egitasmoaren arduradunek Euskaraldiaren nondik norakoak aletu dituzte euskaltzainen aurrean, bere helburu eta asmoak agertuz. Besteak beste, Bingen Zupiria Eusko Jaurlaritzako Kultura eta Hizkuntza Politikako sailburuak adierazi du Euskaraldiak batu egingo gaituela 2018an eta 2019an zehar. “Euskaltzaindiaren mendeurrena ospatuko dugun garai bertsuan anbizio handiko proiektu hau izango dugu martxan euskararen lurralde osoan, hizkuntza-ohituretan eragiteko eta erabilerari bultzada bat emateko asmoz”, azaldu du Zupiriak. “Euskaltzaindiarekin batera -azpimarratu du sailburuak-, gure herriko instituzio nagusiak izango gara ekimen honetan: Eusko Jaurlaritza, Nafarroako Gobernua, Iparraldeko Euskararen Erakunde Publikoa, aldundiak eta udal nagusiak. Era askotako eragileen babesa ere izango du proiektuak, eta euskalgintza protagonista izango da honen garapenean. Euskaltzaindiak euskararen inguruan beti aldarrikatu izan duen batasuna erakusteko aukera paregabea izango dugu”.
Euskaltzaindia, euskalgintzaren parte aktiboa, betidanik
Andres Urrutia euskaltzainburuak Euskaraldian parte hartzeko deia egin die herritarrei, baina bestelako ñabardura garrantzitsuak ere aipatu ditu: “Eskatuko diet jatorriz euskaldun direnei, aktiba daitezela berehala, egunero; baina, horrezaz gain -eta hau garrantzitsua da- abegikor eta ulerkor porta daitezela euskararen mundura etengabe hurreratzen diren horiekin, euren burua euskalduntzeko asmotan baitatoz eta beraiek baitira euskararen etorkizuna. Eta eskatuko nieke euskaldunei, baita, euskara batuarekin batzuetan agertzen duten mesfidantza baztertzeko; batuak, beste gauza askoren artean, euskaldunon arteko komunikazioa bermatzen duelako Euskal Herri zabalean, ez inkomunikazioa -batzuk tarteka adierazten duten legez-, batua ere geure egin behar dugulako baldin eta euskarak irautea nahi badugu, herrialdeetako euskarak ere aho mihietan ditugula”.
Urrutiak gogoratu nahi izan du, baita, Akademiak euskalgintzan izan duen parte-hartze aktiboa. “Helbururik behinena izan du, eta oraindik ere badu, euskararen batasuna. Horretan dihardu eta, horrekin batera, historian zehar hainbat ekimen burutu ditugu, gerora euskal gizarteak bereganatu dituenak. Hortxe daude, besteak beste, Bertsolari Txapelketen lehen antolakuntza, UZEI eta EIE hauspotzea, ikastolen mugimendua bultzatzea, alfabetatze kanpainak eta abar. Euskalgintzaren esparrurik esanguratsuenak bultzatu ditu Euskaltzaindiak, beti herriaren beharrizanei adi, momentu latzenetan ere bai”. Eta adierazi du oraingoan ere beste horrenbeste egin nahi duela, hots, “Euskaraldiarekin bat egin, nola ez, bere helburu eta asmoekin”.
Indépendant, sans pub, en accès libre,
financé par ses lecteurs
Faites un don à Enbata.info
ou abonnez-vous au mensuel papier
Les temps sont difficiles, et nous savons que tout le monde n’a pas la possibilité de payer pour de l’information. Mais nous sommes financés par les dons de nos lectrices et lecteurs, et les abonnements au mensuel papier : nous dépendons de la générosité de celles et ceux qui peuvent se le permettre.
« Les choses sans prix ont souvent une grande valeur » Mixel Berhocoirigoin
Cette aide est vitale. Grâce à votre soutien, nous continuerons à proposer les articles d'Enbata.Info en libre accès et gratuits, afin que des milliers de personnes puissent continuer à les lire chaque semaine, pour faire ainsi avancer la cause abertzale et l’ancrer dans une perspective résolument progressiste, ouverte et solidaire des autres peuples et territoires.
Chaque don a de l’importance, même si vous ne pouvez donner que quelques euros. Quel que soit son montant, votre soutien est essentiel pour nous permettre de continuer notre mission.
Pour tout soutien de 50€/eusko ou plus, vous pourrez recevoir ou offrir un abonnement annuel d'Enbata à l'adresse postale indiquée. Milesker.
Si vous êtes imposable, votre don bénéficiera d’une déduction fiscale (un don de 50 euros / eusko ne vous en coûtera que 17).
Independentea, publizitaterik gabekoa, sarbide irekia, bere irakurleek diruztatua
Enbata.Info-ri emaitza bat egin
edo harpidetu zaitezte hilabetekariari
Garai gogorrak dira, eta badakigu denek ez dutela informazioa ordaintzeko ahalik. Baina irakurleen emaitzek eta paperezko hilabetekariaren harpidetzek finantzatzen gaituzte: ordaindu dezaketenen eskuzabaltasunaren menpe gaude.
«Preziorik gabeko gauzek, usu, balio handia dute» Mixel Berhocoirigoin
Laguntza hau ezinbestekoa zaigu. Zuen sustenguari esker, Enbata.Info artikuluak sarbide librean eta urririk eskaintzen segituko dugu, milaka lagunek astero irakurtzen segi dezaten, hola erronka abertzalea aitzinarazteko eta ikuspegi argiki aurrerakoi, ireki eta beste herri eta lurraldeekiko solidario batean ainguratuz.
Emaitza oro garrantzitsua da, nahiz eta euro/eusko guti batzuk eman. Zenbatekoa edozein heinekoa izanik ere, zure laguntza ezinbestekoa zaigu gure eginkizuna segitzeko.
50€/eusko edo gehiagoko edozein sustengurentzat, Enbataren urteko harpidetza lortzen edo eskaintzen ahalko duzu zehaztuko duzun posta helbidean. Milesker.
Zergapean bazira, zure emaitzak zerga beherapena ekarriko dizu (50 euro / eusko-ko emaitzak, 17 baizik ez zaizu gostako).