by 
Aurtengo Aberri Eguna heldu da eta EH Baik Azkainen ospatzeko deialdia luzatzen du. Duela bi urte, konfinamendu betean, etxetik ospatu genuen Aberri Eguna; iaz berriz, plazetan kantatuz egin genuen bat Euskal Herria Bateraren ekimenarekin. Covid-19ak eragindako askotariko krisiak egitate bat utzi du beste behin ere agerian: erronka sozial, ekonomiko, klimatiko eta kulturalei aurre egiteko, burujabetza behar du Euskal Herriak.
Bi urteren ondotik, elkartzeko momentua dugu. 12:00etan, manifestaldia izanen dugu, ondotik ekitaldia. 13:30tatik goiti berriz, herri bazkaria, taloak, ostatua eta txarangak. Euskal Herriaren burujabetzaren alde garen guziok indarrak biltzeko eguna izanen da Azkaineko hitzordua.
Aberri Eguna nondik gatozen eta batez ere nora joan nahi dugun aldarrikatzeko hitzordu garrantzitsua da. Herri honek erakutsi du indarrak bilduz gauza handiak egiteko gai dela eta geroan ere, aitzinean ditugun erronkak handiak direla ikusirik, bide bera atxiki behar dugula uste dugu. Azken hilabeteetan, ezberdinen arteko elkarlanari esker, zenbait erronka garrantzitsuri herri gisa erantzutea lortu dugu: euskarazko irakaskuntzaren defentsan, lurren espekulazioaren aurka, etxebizitza eskubidea berma dadin edo euskal preso politikoak askatzearen alde adibidez…Gertakari hauek erakusten dute herri mobilizazioak eta instituzioak osagarri direla, eta Ipar Euskal Herrian, indar harremanak, gero eta gehiago bertako arazoen eta interesen arabera osatzen direla. Euskal Herrian burujabetzaren bidean aitzinapausoak egin dira.
Agerian gelditzen da, haatik, eskumen eta tresna gehiago behar ditugula. Egungo errealitatetik abiatuz, herritarren nahi eta beharrei erantzuteko eta erabakiak bertan hartu ahal izateko, eskumen handiagoko instituzio bat behar dugula berresten dugu. Halaber, muga guzien gainetik, Euskal Herri osoko eragile, herritar eta instituzioen artean lurraldeen arteko harremanak sendotzeko mekanismoak indartzeko beharra nabarmendu nahi dugu. Elkarrekin eta lankidetzan, nazio eraikuntza berrindartzeko garaia da.
Testuinguru honetan, kezkaz so egiten diogu Frantses Estatuko presidentetzarako hauteskunde kanpainari eta oro har, egoerari. Orain bost urte boterea eskuratu zuen Macronen zentro-eskuin liberalak eskuin-muturreranzko bidaia hasi zuen aspaldi. Gauzak horrela, ideologia atzerakoiaren ezarpena, klase pribilegiatuenen aldeko politikak eta klima aldaketa mugatzeko ekintzarik eza ageri dira bost urteotako bilanean. Horri, Euskal Herriak funtsezko gaietan jasotako mespretxua gehitu behar diogu.
Korsikarekin gertatutakoak hainbat irakaspen utzi dizkigu. Batetik, frantses gobernua preso politikoen egoera heriotzaraino usteltzen uzteko prest dagoela ikusi dugu. Bestetik, Yvan Collonak pairaturiko erasoak eta bere heriotzak eragindako tentsioa egoera nolabait baretzeko, erabakiak berak hartu eta Korsikaren aitortza politikoaz hitz egitea komeni zaiola ulertu du Frantses Estatuak.
Frantses Gobernuak preso politikoen biziarekin jolasteari utzi behar dio. Ipar Euskal Herrian jendarte zibilaren eta hautetsien gehiengoa Ion Parot, Jakes Esnal eta Unai Paroten askatasuna erdiesteko engaiatua den honetan, gatazka politikoari eta bere ondorioei aterabide demokratikoa emateko garaia da, Euskal Herriaren nahia eta borondatea errespetatzekoa.
Bide batez, larunbatean Baionan egin genuen bezala, gure elkartasuna helarazi nahi diogu bakea eta askatasuna lortzeko borrokan ari den Korsikar herriari.
Bukatzeko, dei bat egin nahi diegu ezkerreko abertzale guziei: badugu proiektu bat, herritarra, berdinzalea, lurralde osoan hedatua eta sektorez sektore antolatua. Azken urteetan, mobilizazio zein hauteskundeetan erakusten ari gara asko garela. Gehiago izan gaitezen, Euskal Herria burujabetzarantz eramateko. Apirilaren 17ko Aberri Eguna urrats bat izanen da.
Indépendant, sans pub, en accès libre,
financé par ses lecteurs
Faites un don à Enbata.info
ou abonnez-vous au mensuel papier
Les temps sont difficiles, et nous savons que tout le monde n’a pas la possibilité de payer pour de l’information. Mais nous sommes financés par les dons de nos lectrices et lecteurs, et les abonnements au mensuel papier : nous dépendons de la générosité de celles et ceux qui peuvent se le permettre.
« Les choses sans prix ont souvent une grande valeur » Mixel Berhocoirigoin
Cette aide est vitale. Grâce à votre soutien, nous continuerons à proposer les articles d'Enbata.Info en libre accès et gratuits, afin que des milliers de personnes puissent continuer à les lire chaque semaine, pour faire ainsi avancer la cause abertzale et l’ancrer dans une perspective résolument progressiste, ouverte et solidaire des autres peuples et territoires.
Chaque don a de l’importance, même si vous ne pouvez donner que quelques euros. Quel que soit son montant, votre soutien est essentiel pour nous permettre de continuer notre mission.
Pour tout soutien de 50€/eusko ou plus, vous pourrez recevoir ou offrir un abonnement annuel d'Enbata à l'adresse postale indiquée. Milesker.
Si vous êtes imposable, votre don bénéficiera d’une déduction fiscale (un don de 50 euros / eusko ne vous en coûtera que 17).
Independentea, publizitaterik gabekoa, sarbide irekia, bere irakurleek diruztatua
Enbata.Info-ri emaitza bat egin
edo harpidetu zaitezte hilabetekariari
Garai gogorrak dira, eta badakigu denek ez dutela informazioa ordaintzeko ahalik. Baina irakurleen emaitzek eta paperezko hilabetekariaren harpidetzek finantzatzen gaituzte: ordaindu dezaketenen eskuzabaltasunaren menpe gaude.
«Preziorik gabeko gauzek, usu, balio handia dute» Mixel Berhocoirigoin
Laguntza hau ezinbestekoa zaigu. Zuen sustenguari esker, Enbata.Info artikuluak sarbide librean eta urririk eskaintzen segituko dugu, milaka lagunek astero irakurtzen segi dezaten, hola erronka abertzalea aitzinarazteko eta ikuspegi argiki aurrerakoi, ireki eta beste herri eta lurraldeekiko solidario batean ainguratuz.
Emaitza oro garrantzitsua da, nahiz eta euro/eusko guti batzuk eman. Zenbatekoa edozein heinekoa izanik ere, zure laguntza ezinbestekoa zaigu gure eginkizuna segitzeko.
50€/eusko edo gehiagoko edozein sustengurentzat, Enbataren urteko harpidetza lortzen edo eskaintzen ahalko duzu zehaztuko duzun posta helbidean. Milesker.
Zergapean bazira, zure emaitzak zerga beherapena ekarriko dizu (50 euro / eusko-ko emaitzak, 17 baizik ez zaizu gostako).