by 
Aurten brebetaren zientzia azterketa euskaraz konponsatzeko eskubidea beste behin ukatua zaie Seaskaren 4 kolegioetako ikasleei. Hezkuntza Ministeritzari Seaskako hezkuntz komunitatearen desadosatuna adierazteko eta eskualdeko instituzioen buruek arazo honen konponketan eskua har dezaten eskatzeko asmoz, jende kate bat antolatuko da datorren asteazkenean, maiatzaren 19an 12:15 etatik 12:30arte Ipar Euskal Herriko 4 gunetan.
Brebeta osoki euskaraz izatea, frantses azterketa izan ezik, aspalditik lortu den urratsa da eta hori 90. hamarkadan izan zen mobilizazio azkarrari esker. Orain bezala, garai hartan euskaraz idatzitako kopiak ez ziren zuzenduak izan eta ondorioz 3.eko ikasleek ez zuten BEPC diploma erdietsi. 1994 urteaz geroztik, Matematika eta Historia Geografiako azterketak euskaraz idatziak eta zuzenduak dira legearen babespean.
Dakizuenez, 2016ko kolegioaren erreformaren ondotik, zientzia arloko gaiak (Fisika-Kimika, Teknologia eta Bizia eta Lur planetaren zientziak) idatzizko Brebeta frogaren parte dira, Frantsesa, Matematika eta Historia-Geografiarekin batera.
Alta, ez da zientzietako azterketaren kasua. Izan ere, gai hauek ikasten duten hizkuntzan pasatzeko eskubidea urratua zaie gure ikasleei. Lehen urtean azterketa horiek zuzenduak izan baziren ere, ondokoetan kopiak bahituak, Bordalera eramanak eta euskaraz ez zekiten inspektore pedagogikoengandik zuzenduak izan ziren. Irizpide gisa, zenbakiak hartu zituzten eta latinezko erroa zuten hitzak…
Hezkunde Nazionalaren sisteman lanean diharduten ikasleak ditugu, euskaraz ikasten dutenak, baina DNB froga pasatzera haien ikas-hizkuntza ez den mintzaira batean behartzen dituzte. Ikasleentzat kaltegarria eta injustua da, haien gaitasunak mugatzen zaizkielako.
Egoera hau are errabiagarria da hizkuntza gutxituen eskubideen eta aniztasun aldeko Molac legea frantziar Parlamentuan onartua den momentu honetan.
Horregatik, aurten berriz ere, “Brebeta euskaraz” leloa aldarrikapena zabaldu beharra dugu. Gure herriko haurren eskubideak gehiago ez urratuak izateko, gure hizkuntzari zuen sostengua adierazteko eta gure ikastoletako ikasleek pairatzen duten injustizia eta zentzugabekeria deitoratzeko, heldu den maiatzaren 19an, asteazkenez, 12:15etan antolatuak izanen diren elkarretaratzeetara deitzen zaituztegu.
• Baionan, Santi Izpiritu zubian
• Kanbon
• Lartzabalen
• Urruñan, Euskal Hirigune elkargoaren aitzinean
Gutun bat helarazia izan da gure eskualdeko auzapez eta udal-hautetsiei “Brebeta euskaraz” aldarrikapenarekin bat egin dezaten, gure haurren eskubidea babes dezaten.
Era berean, hauteskunde kanpainian diren hautagaiei dei egiten diegu, egoera honen aitzinean haien posizioa azal dezaten.
Dei zabal bat egiten diogu euskal gizarteari gurekin bat egin dezan “Brebeta euskaraz” aldarrikapenarekin eta bil gaiten elkarretaratze egunean. Brebeta ez baita erronka bakarra: baxoa euskaraz eta orokorrean gure hizkuntzan ikasteko eskubidea jokoan baita ere.
Seaskako kolegioetako hezkuntza komunitateak
Indépendant, sans pub, en accès libre,
financé par ses lecteurs
Faites un don à Enbata.info
ou abonnez-vous au mensuel papier
Les temps sont difficiles, et nous savons que tout le monde n’a pas la possibilité de payer pour de l’information. Mais nous sommes financés par les dons de nos lectrices et lecteurs, et les abonnements au mensuel papier : nous dépendons de la générosité de celles et ceux qui peuvent se le permettre.
« Les choses sans prix ont souvent une grande valeur » Mixel Berhocoirigoin
Cette aide est vitale. Grâce à votre soutien, nous continuerons à proposer les articles d'Enbata.Info en libre accès et gratuits, afin que des milliers de personnes puissent continuer à les lire chaque semaine, pour faire ainsi avancer la cause abertzale et l’ancrer dans une perspective résolument progressiste, ouverte et solidaire des autres peuples et territoires.
Chaque don a de l’importance, même si vous ne pouvez donner que quelques euros. Quel que soit son montant, votre soutien est essentiel pour nous permettre de continuer notre mission.
Pour tout soutien de 50€/eusko ou plus, vous pourrez recevoir ou offrir un abonnement annuel d'Enbata à l'adresse postale indiquée. Milesker.
Si vous êtes imposable, votre don bénéficiera d’une déduction fiscale (un don de 50 euros / eusko ne vous en coûtera que 17).
Independentea, publizitaterik gabekoa, sarbide irekia, bere irakurleek diruztatua
Enbata.Info-ri emaitza bat egin
edo harpidetu zaitezte hilabetekariari
Garai gogorrak dira, eta badakigu denek ez dutela informazioa ordaintzeko ahalik. Baina irakurleen emaitzek eta paperezko hilabetekariaren harpidetzek finantzatzen gaituzte: ordaindu dezaketenen eskuzabaltasunaren menpe gaude.
«Preziorik gabeko gauzek, usu, balio handia dute» Mixel Berhocoirigoin
Laguntza hau ezinbestekoa zaigu. Zuen sustenguari esker, Enbata.Info artikuluak sarbide librean eta urririk eskaintzen segituko dugu, milaka lagunek astero irakurtzen segi dezaten, hola erronka abertzalea aitzinarazteko eta ikuspegi argiki aurrerakoi, ireki eta beste herri eta lurraldeekiko solidario batean ainguratuz.
Emaitza oro garrantzitsua da, nahiz eta euro/eusko guti batzuk eman. Zenbatekoa edozein heinekoa izanik ere, zure laguntza ezinbestekoa zaigu gure eginkizuna segitzeko.
50€/eusko edo gehiagoko edozein sustengurentzat, Enbataren urteko harpidetza lortzen edo eskaintzen ahalko duzu zehaztuko duzun posta helbidean. Milesker.
Zergapean bazira, zure emaitzak zerga beherapena ekarriko dizu (50 euro / eusko-ko emaitzak, 17 baizik ez zaizu gostako).