Enbata Hilabetekariko Sar Hitza
“Harro herri korrika” entzun da aho zabalka azken asteotan Euskal herriko xoko guztietan. Eta euskararen aldeko besta erraldoi horretan sortu harrotasunarekin, aro berria behingoan onartua dela entzuteko gogoa piztu zaigu ere.
Aro berrian gutariko asko murgilduta gaude aspaldi honetan. Hamarkada luzeak iraun duen borroka armatua gibelean utzia dugu, eta aro berriari lotu gatzaizkio azken urteotan han hemenka gure herria eraikitzeko ekimenak asmatuz eta bultzatuz.
Gaur egun gutariko askok bizi dugun errealitate hori orain dela zazpi urte eta erdi igaro zen armagabetzeak ahalbidetu zuen hein batean. Espainia aldetik agintari eta alderdi politiko ordezkari batzuen ahoan eta ekintzetan garai ilun horretako erretorikak eta jarrerak oraindik ere entzuten eta ikusten badira ere, 2016ko abenduaren 16an Luhuson Mixel Berhokoirigoin, Mixel Bergouignan, Michel Tubiana, Stéphane Etxegarai « Etxe », Txetx Etxeberri eta Béatrice Molle-Haranen eskutik herri honi bakean bizi ahal izateko eskubidea ireki zitzaion etorkizunari begira jartzeko aukera emanez.
ETAk 2011ko urtarrilaren 10ean su-eten iraunkor, orokor eta egiaztagarria aldarrikatu zuen, baina, erakunde armatuak emandako urrats historiko horri muzin egiten zioten garaiko frantses zein espainiar estatuko agintariek aldaketarako bidea guztiz oztopatuz. Garai horretan errepresio amaigabeak eta aldaketarik gabeko diskurtsoek garai ilunean tente atxikitzen gintuzten. Luhusoko ekimenak, eta ondotik gizarte zibilak beregain hartu zuen armagabetzeak harrotasuna, borrokarako griña berpiztu ziguten. Esperantzaren atea ireki zen, herri bezala egoera aldatzeko indarra bagenuela erakutsi zigun, eta gure etorkizuna gure esku hartzeko gai ginela ohartarazi.
“Luhusoko ekimenari atzerako begirada egiten diogularik,
gure herriaren ikuspuntutik guztiz ulergaitza eta onartezina zaigu
bakea ahalbidetu duten bi pertsona horiek gaur auzitan pasa behar izatea.”
Historikotzat daukagu gaur egun 2016ko gertakaria eta garai horretan gizarte zibileko sei pertsonalitate horiek erakutsitako ausardia handizki txalotu eta goraipatu beharrekoa dugu.
Gaur 2016ko gertakari hori, berriz ere aktualitatera itzuli zaigu. Apirilaren 2 eta 3an Pariseko auzitegi korrekzionalean Txetx Etxeberri eta Béatrice Molle-Haran auziperatuak izanen baitira. ETAren armak eduki eta garraiatzea leporatua zaie. Luhusoko ekimenari atzerako begirada egiten diogularik, gure herriaren ikuspuntutik guztiz ulergaitza eta onartezina zaigu bakea ahalbidetu duten bi pertsona horiek gaur auzitan pasa behar izatea.
Epaiketa hori ez zen sekula gertatu behar. Txetx Etxeberri eta Béatrice Molle-Haranen bidez herri oso bat auzitan jarria da gaur egun. Bere garaian armagabetzean parte hartu zutenak, baina, baita ekimena txalotu eta goraipatu zutenak ere. Herri batek bere etorkizuna beregain hartzeko duen griña da epaitua. Bi bakegileak kondenatuak balira, hori litzateke agintariek herriari zabaltzen dioten mezua berriz ere bizi izan ditugun garai ilunetan zango bat sartzeko arriskua sortuz. Errugabetzea da auzi horretatik atera behar den ebazpen bakarra eta soila. Eta Luhusoko ekimenari esker herri honek berreskuratu duen harrotasunaren izenean apirilaren 3an bertan Euskal Herriko xoko guztietan aho zabalka aritu beharko dugu “harro herri” deiadarkatuz Txetx Etxeberri eta Béatrice Molle Haran behin betiko zurituak izan daitezen.
Indépendant, sans pub, en accès libre,
financé par ses lecteurs
Faites un don à Enbata.info
ou abonnez-vous au mensuel papier
Les temps sont difficiles, et nous savons que tout le monde n’a pas la possibilité de payer pour de l’information. Mais nous sommes financés par les dons de nos lectrices et lecteurs, et les abonnements au mensuel papier : nous dépendons de la générosité de celles et ceux qui peuvent se le permettre.
« Les choses sans prix ont souvent une grande valeur » Mixel Berhocoirigoin
Cette aide est vitale. Grâce à votre soutien, nous continuerons à proposer les articles d'Enbata.Info en libre accès et gratuits, afin que des milliers de personnes puissent continuer à les lire chaque semaine, pour faire ainsi avancer la cause abertzale et l’ancrer dans une perspective résolument progressiste, ouverte et solidaire des autres peuples et territoires.
Chaque don a de l’importance, même si vous ne pouvez donner que quelques euros. Quel que soit son montant, votre soutien est essentiel pour nous permettre de continuer notre mission.
Pour tout soutien de 50€/eusko ou plus, vous pourrez recevoir ou offrir un abonnement annuel d'Enbata à l'adresse postale indiquée. Milesker.
Si vous êtes imposable, votre don bénéficiera d’une déduction fiscale (un don de 50 euros / eusko ne vous en coûtera que 17).
Independentea, publizitaterik gabekoa, sarbide irekia, bere irakurleek diruztatua
Enbata.Info-ri emaitza bat egin
edo harpidetu zaitezte hilabetekariari
Garai gogorrak dira, eta badakigu denek ez dutela informazioa ordaintzeko ahalik. Baina irakurleen emaitzek eta paperezko hilabetekariaren harpidetzek finantzatzen gaituzte: ordaindu dezaketenen eskuzabaltasunaren menpe gaude.
«Preziorik gabeko gauzek, usu, balio handia dute» Mixel Berhocoirigoin
Laguntza hau ezinbestekoa zaigu. Zuen sustenguari esker, Enbata.Info artikuluak sarbide librean eta urririk eskaintzen segituko dugu, milaka lagunek astero irakurtzen segi dezaten, hola erronka abertzalea aitzinarazteko eta ikuspegi argiki aurrerakoi, ireki eta beste herri eta lurraldeekiko solidario batean ainguratuz.
Emaitza oro garrantzitsua da, nahiz eta euro/eusko guti batzuk eman. Zenbatekoa edozein heinekoa izanik ere, zure laguntza ezinbestekoa zaigu gure eginkizuna segitzeko.
50€/eusko edo gehiagoko edozein sustengurentzat, Enbataren urteko harpidetza lortzen edo eskaintzen ahalko duzu zehaztuko duzun posta helbidean. Milesker.
Zergapean bazira, zure emaitzak zerga beherapena ekarriko dizu (50 euro / eusko-ko emaitzak, 17 baizik ez zaizu gostako).