Enbata Hilabetekariko Sar Hitza
Jadanik 500 egun baino gehiago iragan dituzte presondegi zuloan, Altsasuko hiru gaztek, eta beren bizia preso pasatzeko arriskuan daude. Arrisku bera dute aske dauden beste auzipetuek ere.
Lekukotasun kontrajarriak entzun dira auzian; aski garbi gelditu dena da, ez dela batere garbi nork parte hartu zuen Altsasuko Koxka ostatuko borrokan, eta batzuk bederen etxean zeudela memento hartan.
Eta hala ere 500 egun baino gehiago preso…
Penagarriak dira borrokak, are gehiago borrokaren ondotik zaurituak izaten direnean.
Bidegabekeria da, aldiz, gazte horiek hainbeste egunez preso atxikitzea, borroka hartan parte hartu ala ez. Gau-pasa baten ondotik, alkohola lagun, gerta litezkeen istiluak “terrorismo” kategoriara ekartzea manipulazio ikaragarria da.
Akusazioak Altsasuko borroka lotu nahi izan du Ospa! mugimenduarekin, eta mugimendu hori ETArekin. “Dena ETA da” teoria ekarriz berriz ere mahai gainera, guardia zibilak Euskal Herritik joatearen aldarrikapena ETAk bultzatzen duela erranez, ondorioztatu dute ostatu bateko borroka kanpaina horren parte zela.
Hasteko, guardia zibilak Euskal Herritik joatea eskatzen dutenak ez dira bakarrik ETAkoak. Euskal Herria aske eta bere gain izatea nahi duten guztiek amesten dute Espainiako indar armaturik ez izatea gure lurretan, ez izatea haien kontrolik gure bideetan edo haien kuartelik gure herrietan.
Euskal Herria aske eta bere gain izatea nahi duten guztiek
amesten dute Espainiako indar armaturik ez izatea gure lurretan,
ez izatea haien kontrolik gure bideetan
edo haien kuartelik gure herrietan.
Egia da guardia zibilak ETAren jo-mugan izan zirela. Horrek ez du erran nahi “alde hemendik” aldarrikapenarekin antolatu diren manifestazio eta ospakizunak ETAk antolatu dituenik eta baketsuak izan ez direnik. Eta, bistan da, ezin da erran gau-pasa batean gerta litezkeen kalapita eta borrokak Ospa! mugimenduak bultzatu dituela, ez eta ere ETAk.
Altsasuko gertakaria jende anitzen aho-mihitan dago, eta horretaz solasean, batzuek eta besteek beren anekdotak dituzte kontatzeko. Garai berdintsuan, beste herri batzuetan ere gertatu ziren borrokak, goizean goizik, guardia zibilen eta ostatuko beste bezeroen artean. Borroka batzuetako eta besteetako lekukoek diote guardia zibilak joaten zirela ostatuan bestan zeuden euskaldunak probokatzera, borroka pizteraino. Altsasuko borroka beste dimentsio batekoa izan zen, itxura guztien arabera. Baina komeni da ohartzea ez zela “kasu isolatu” bat; borroka pizteko ahalegin gehiago izan direla, euskal gazteak kriminalizatzeko xedez. Horrek balio du auzi hau beste ikuspegi batetik ulertzeko. Borroka horren eta auzi horren gibelean, akusazioak zabaldu nahi duen mezua da: “garbi geldi bedi, hemen nork agintzen duen!”.
Borroka armatua zegoen garaian aiseago zuten justifikatzea beren presentzia militarra eta errepresioa. Orain, aitzakiak bilatu nahi dituzte. Espainiarentzat, auzia beti bera da: Euskal Herrian ez dago arazo politikorik, Euskal Herria ez da herri zapaldu bat, ez dauka independentziarako eskubiderik, gatazka ez da politikoa, baizik eta gaizkile talde batek eragindakoa…
Gisa horretan jokatzen da gatazkaren kontakizunaren auzia. Historiaren bertsio espainiarra da onargarria den bakarra, eta bertsio horren berme da guardia zibilaren presentzia. Bertsio hori ezin delako dudan jarri, ezin da onartu guardia zibila Euskal Herritik joatearen aldarrikapena.
Espainiarentzat, elkarbizitza da zapaltzaileek zapaltzeko eskubidea edukitzea eta zapalduek hori onartzea, euskarak espainolak baino eskubide gutiago ukaitea, historia ofiziala denek ikastea eta gurea ahanztea, espainolen erreferentzia berak edukitzea… Altsasuko auziak hori guztia sinbolizatzen du. Hots, nor den nagusi.
Indépendant, sans pub, en accès libre,
financé par ses lecteurs
Faites un don à Enbata.info
ou abonnez-vous au mensuel papier
Les temps sont difficiles, et nous savons que tout le monde n’a pas la possibilité de payer pour de l’information. Mais nous sommes financés par les dons de nos lectrices et lecteurs, et les abonnements au mensuel papier : nous dépendons de la générosité de celles et ceux qui peuvent se le permettre.
« Les choses sans prix ont souvent une grande valeur » Mixel Berhocoirigoin
Cette aide est vitale. Grâce à votre soutien, nous continuerons à proposer les articles d'Enbata.Info en libre accès et gratuits, afin que des milliers de personnes puissent continuer à les lire chaque semaine, pour faire ainsi avancer la cause abertzale et l’ancrer dans une perspective résolument progressiste, ouverte et solidaire des autres peuples et territoires.
Chaque don a de l’importance, même si vous ne pouvez donner que quelques euros. Quel que soit son montant, votre soutien est essentiel pour nous permettre de continuer notre mission.
Pour tout soutien de 50€/eusko ou plus, vous pourrez recevoir ou offrir un abonnement annuel d'Enbata à l'adresse postale indiquée. Milesker.
Si vous êtes imposable, votre don bénéficiera d’une déduction fiscale (un don de 50 euros / eusko ne vous en coûtera que 17).
Independentea, publizitaterik gabekoa, sarbide irekia, bere irakurleek diruztatua
Enbata.Info-ri emaitza bat egin
edo harpidetu zaitezte hilabetekariari
Garai gogorrak dira, eta badakigu denek ez dutela informazioa ordaintzeko ahalik. Baina irakurleen emaitzek eta paperezko hilabetekariaren harpidetzek finantzatzen gaituzte: ordaindu dezaketenen eskuzabaltasunaren menpe gaude.
«Preziorik gabeko gauzek, usu, balio handia dute» Mixel Berhocoirigoin
Laguntza hau ezinbestekoa zaigu. Zuen sustenguari esker, Enbata.Info artikuluak sarbide librean eta urririk eskaintzen segituko dugu, milaka lagunek astero irakurtzen segi dezaten, hola erronka abertzalea aitzinarazteko eta ikuspegi argiki aurrerakoi, ireki eta beste herri eta lurraldeekiko solidario batean ainguratuz.
Emaitza oro garrantzitsua da, nahiz eta euro/eusko guti batzuk eman. Zenbatekoa edozein heinekoa izanik ere, zure laguntza ezinbestekoa zaigu gure eginkizuna segitzeko.
50€/eusko edo gehiagoko edozein sustengurentzat, Enbataren urteko harpidetza lortzen edo eskaintzen ahalko duzu zehaztuko duzun posta helbidean. Milesker.
Zergapean bazira, zure emaitzak zerga beherapena ekarriko dizu (50 euro / eusko-ko emaitzak, 17 baizik ez zaizu gostako).
Guztiz bat artikulu argi bezain egiati honen edukiarekin.