Ez da ez usteko haundirik izan prefetak, ekainaren 27-an, Hautetsien kontseiluaren aintzinean egin dituen proposamenetan.
Alabainan, zenbait aste lehenago, gobernuaren ordezkariak berretsia zuen Parisek ez zuela lurralde kolektibitate berezirik onartuko Iparraldekotzat.
Gaur egungo frantses legediak onartzen dituen antolakuntza posibilitateen barnean beharko zela aurkitu aterabidea, nolabaiteko ezagupen instituzional bat nahi bazen hiru euskal probintzientzat.
Prefetaren hitzen arabera, gobernuak ez dauka lurralde kolektibitate berezia egokitzat. Alta, ez hain aspaldi, beste lehen ministro sozialista batek, Lionel Jospin-ek, adieraztera eman zuen Iparraldeko hautetsien gehiengoaren onarpena bilduz geroz, euskal departamenduaren sortzea ez zela baztertuko.
Gaur egun, hautetsien gehiengo osoa Lurralde kolektibitatearen alde dago. Gainera, kontra ziren hiru hiri nagusietako auzapezak erretiratu dira martxoko hauteskundeetan, hiru aldekori tokia utziz.
Orduan, eskakizunaren legitimitate demokratikoa ez da zalantzan jartzekoa. Orain arte, baldintza bat bete orduko, Parisek beste baldintza bat ezartzen
zigun gure ezagupen instituzionala baztertzeko.
Orain berriz, ez da baldintzarik gehiago aipatzen, ezetza ez da justifikatzen: ezetz eta kitto.
Ezetza onartu behar da ala ez? Prefetaren herri elkargo bakarraren proposamena onartu behar da ala ez?
Lehenik, azpimarra dezagun prefetak deserdiratze prosesuaren 3. aktaren barnean kokatzen duela delako herri elkargo bakarraren sortzea. Hori da zinez jendea zozoarentzat hartzea, gaurko legediak herri elkargoen bateratzea onartzen baitu. Orduan, ez da batere legea aldatze beharrik herri elkargo batzuk bateratzeko bidea hartu nahi badute. Iparraldeko herri elkargo baten sortzeak ez du deus ikustekorik deserdiratze legearekin. Hautetsien nahikaria aski du. Behar diren tresna juridikoak hor dauzkate. Jadanik dagoena berrikuntza balitz bezala presentatzea gezurka aritzea da.
Herritar askok, abertzaleak barne, prefetaren proposamena aitzinapen bat bezala hartuko dute, “real politik”aren izenean. Prefetak dioen bezala “teknikoki egokia” da. Teknikoki behar bada bai. Politikoki ez. Iparraldeak behar duena ez da azpiantolakuntza instituzional bat, erdibideko eredu zerbait, beti goragokoen -eskualdearen edo departamenduaren- meneko izanen den zerbait. Zinezko nortasunik eta eskumenik ukanen ez duen zerbait.
Gainera, gaurko herri elkargoen buruzagiek beren feodalitate ttipientzat duten atxikimendua jakinik, elkargo bakar baten faboretan hara-kiri egitea
ez dute sekula onartuko. Orduan gertatuko dena da, arrabots mediatiko hau ixil du eta, ezer gabe geldituko girela.
Guk behar duguna da kolektibitate bat, demokratikoki hautatuak izanen diren biltzar eta agintariekin, eskumen propioak ukanen dituena, bere zerga iturriak segurtatuak izanen dituena, beste kolektibitateekin kontratatzeko ahalmena ukanen duena, hots herri hunen geroa hobeki segurtatuko duena.
Guk behar duguna da kolektibitate bat,
demokratikoki hautatuak izanen diren
biltzar eta agintariekin,
eskumen propioak ukanen dituena,
Hortakotzat, gobernuaren ersatz proposamenen aitzinean tinko eutsi behar diogu gureari. Frantses estatuak onartu behar du Ipar Euskal Herri hau berezia dela eta beraz eskumen bereziak behar dituela. Hortarako ez da lege berri beharrik. Frantses konstituzioaren 73. artikulua aplikatzea aski da.
Prefetaren herri elkargo bakarraren onartzea, urte eta urteendako, gure eskakizunari uko egitea litzateke, gure ametsa, hobeki erran gure eskubidea, ehorztea. Abertzale giren hainean, ez dugu zeporat erori behar. Ozen eta baturik aldarrikatu behar dugu hori ez dela nahi duguna. Hortakotzat EH Bai-k, sinesgarritasun izpi bat nahi badu, emazte edo gizon bat lehenbailehen izendatu behar du, ezkerreko abertzale guzien bozeramaile izanen dena. Bai eiki, ahots bat behar dugu, gobernuaren ordezkarien eta tokiko hautetsien mintzakide izanen dena, espazio mediatikoa okupatuko duena, herritarrek abertzaleen ahots bezala identifikatuko dutena.
Gaur egungo gizarte mediatizatua horrela martxatzen da. Pertsona bakar baten bidez boz bakar bat entzunarazi behar dugu. Bestenaz gure mezua burrunba mediatikoan itoko da eta gure eskakizuna gobernuaren jokotria sasietan galduko. Ahots bat, gure herria abots batentzat!
Indépendant, sans pub, en accès libre,
financé par ses lecteurs
Faites un don à Enbata.info
ou abonnez-vous au mensuel papier
Les temps sont difficiles, et nous savons que tout le monde n’a pas la possibilité de payer pour de l’information. Mais nous sommes financés par les dons de nos lectrices et lecteurs, et les abonnements au mensuel papier : nous dépendons de la générosité de celles et ceux qui peuvent se le permettre.
« Les choses sans prix ont souvent une grande valeur » Mixel Berhocoirigoin
Cette aide est vitale. Grâce à votre soutien, nous continuerons à proposer les articles d'Enbata.Info en libre accès et gratuits, afin que des milliers de personnes puissent continuer à les lire chaque semaine, pour faire ainsi avancer la cause abertzale et l’ancrer dans une perspective résolument progressiste, ouverte et solidaire des autres peuples et territoires.
Chaque don a de l’importance, même si vous ne pouvez donner que quelques euros. Quel que soit son montant, votre soutien est essentiel pour nous permettre de continuer notre mission.
Pour tout soutien de 50€/eusko ou plus, vous pourrez recevoir ou offrir un abonnement annuel d'Enbata à l'adresse postale indiquée. Milesker.
Si vous êtes imposable, votre don bénéficiera d’une déduction fiscale (un don de 50 euros / eusko ne vous en coûtera que 17).
Independentea, publizitaterik gabekoa, sarbide irekia, bere irakurleek diruztatua
Enbata.Info-ri emaitza bat egin
edo harpidetu zaitezte hilabetekariari
Garai gogorrak dira, eta badakigu denek ez dutela informazioa ordaintzeko ahalik. Baina irakurleen emaitzek eta paperezko hilabetekariaren harpidetzek finantzatzen gaituzte: ordaindu dezaketenen eskuzabaltasunaren menpe gaude.
«Preziorik gabeko gauzek, usu, balio handia dute» Mixel Berhocoirigoin
Laguntza hau ezinbestekoa zaigu. Zuen sustenguari esker, Enbata.Info artikuluak sarbide librean eta urririk eskaintzen segituko dugu, milaka lagunek astero irakurtzen segi dezaten, hola erronka abertzalea aitzinarazteko eta ikuspegi argiki aurrerakoi, ireki eta beste herri eta lurraldeekiko solidario batean ainguratuz.
Emaitza oro garrantzitsua da, nahiz eta euro/eusko guti batzuk eman. Zenbatekoa edozein heinekoa izanik ere, zure laguntza ezinbestekoa zaigu gure eginkizuna segitzeko.
50€/eusko edo gehiagoko edozein sustengurentzat, Enbataren urteko harpidetza lortzen edo eskaintzen ahalko duzu zehaztuko duzun posta helbidean. Milesker.
Zergapean bazira, zure emaitzak zerga beherapena ekarriko dizu (50 euro / eusko-ko emaitzak, 17 baizik ez zaizu gostako).