Atzerakoiak, arraziztak, xenofoboak, gobernu eta media espainiarrek, baita ere zorigaitzez Frantziakoek, ez dute aski adjektibo gutiesgarririk Katalandarren itxura zikintzeko iritzi publikoaren aintzinean. Hona hemen egia alegiatik bereizten duen artikuluaren lehen zatia.
Katalanak populu ideki eta ainitza dira, errotik europazalea, errepublikanoa eta aurrerakoia. Batzuk hala uste badute ere, ez da Katalunian populismo xenofoborik, antimigranterik edota eurofoborik. Betidanik europar hauteskundetan parte hartzea Espainiar estado osoan baino ainitzez goragokoa da Katalunian. Jendartea dinamikoa da eta kultura ainitzekoa izanez, Kataluniak urtero uholdeka erakartzen ditu turistak baita molde ezberdineko inbertsioak ere. Startup delakoak onddoak baino errexago sortzen dira, kreazio artixtikoak edota antzerki-dantza-musika festibalak bezala funtsean.
Ez da Katalunian
populismo xenofoborik,
antimigranterik
edota eurofoborik.
Jendartea dinamikoa da
eta kultura ainitzekoa.
Katalunia herri solidarioa da ere. Espainiak azkenik sufritu duen krisia ekonomiko denboran, legebiltzar autonomikoak bozkatu zituen funtsezko lege sozialak krisi imobiliarioa eta energiaren gorakada pairatzen zutenak zaintzeko. 2017ko migranteen lehen uholdeak ezagutu zirenean, manifestaldi erraldoi batek bete zituen Bartzelonako karrika guziak Alderdi Popularraren migranteen kontrako posturak goraki salatzeko.
Hegemoniarik inposatu gabe
Katalandar hizkuntzaren promozio boluntarista batek egin du Katalunia herri arrunt elebiduna, molde hortan kohesio soziala indartuz. Hizkuntz edo kultur hegemonia bat inposatu gabe, gobernu autonomo guziek ahalbidetu dute katalandar hizkuntzaren reabilitazioa, elebitasun egiazko bat errealitate sozial bat bilakaraziz. Funtsezko elebitasun hori jendarte katalanaren egiazko idekidura marka bat da dudarik gabe. Beren kulturaz eta hizkuntzaz harro, beti lehenetsi dute etorkinen integrazioa. Ez da harritzekoa beraz azken 10 urteetan 1,7 milioi kanpotiar instalatu badira Katalunian eta gauregun 40 bat hizkuntza mintzatuak badira. Nola esplikatu kontestu hortan gutti gora behera katalanen erdiek bat egitea errepublika independente baten nahikari irmoarekin ? Seguraski ohartu direlako arrunt ezinezkoa zela Espainia eta Kataluniaren arteko pakto autonomikoa modernizatzea edo arraberritzea frankismo denboran idatzia izan zelako. Mende laurden bat berantago “Estatut” berri bat adostua izan zen, lehenik parlamentu autonomoan ta gero Madrileko Cortesetan eta azkenik, aski ez balitz bezala, erreferendum bidez Katalunian bertan. Legitimitate demokratiko azkarra ukanikan ere, Estatut berri hori Alderdi Popularrak zalantzan eman zuen eta 2010an Auzitegi Konstituzionalak erabat indargabetu zuen, oinarrizkoak ziren puntu nagusiak legez kanpo emanez.
Mugimendu zibikoa eta demokratikoa
Borondate demokratiko eta herrikoi baten kontrako saldukeria gisa hartua izan da ostokada hori Katalunian. XXIgarren mende hastapenari egokitua izan nahi zuen Espainiako modelo autonomikoaren arramoldatze huts egite nazkagarri horrek du zapartarazi eta errotik indartu Katalunian independentzia osoaren aldeko mugimendu zabala. Gauregun katalanen %80ak bat egiten du erabakitze eskubidearekin eta %50ak sustengatzen du mugimendu independentista (duela 10 urte soilik % 15). Erran daiteke ainitzez tronpatu gabe, independentziaren aldeko uholde hori, mugimendu zibikoa, ez bortitza eta osoki demokratikoa bilakatu dela, sozialki sustraitua. Azken urteetako burujabetzaren aldeko manifestaldi guziak Europa osoan egin izan diren haundienak izan dira, aldi oroz milioitik gora jende bilduz giro alaitsuan. Mugimendu zibiko horren oinarria sakonki demokratikoa da: katalanen gehiengo zabal batek, izan independentista edo ez izan, bere herriaren geroaz erabaki nahi du libreki.
Indépendant, sans pub, en accès libre,
financé par ses lecteurs
Faites un don à Enbata.info
ou abonnez-vous au mensuel papier
Les temps sont difficiles, et nous savons que tout le monde n’a pas la possibilité de payer pour de l’information. Mais nous sommes financés par les dons de nos lectrices et lecteurs, et les abonnements au mensuel papier : nous dépendons de la générosité de celles et ceux qui peuvent se le permettre.
« Les choses sans prix ont souvent une grande valeur » Mixel Berhocoirigoin
Cette aide est vitale. Grâce à votre soutien, nous continuerons à proposer les articles d'Enbata.Info en libre accès et gratuits, afin que des milliers de personnes puissent continuer à les lire chaque semaine, pour faire ainsi avancer la cause abertzale et l’ancrer dans une perspective résolument progressiste, ouverte et solidaire des autres peuples et territoires.
Chaque don a de l’importance, même si vous ne pouvez donner que quelques euros. Quel que soit son montant, votre soutien est essentiel pour nous permettre de continuer notre mission.
Pour tout soutien de 50€/eusko ou plus, vous pourrez recevoir ou offrir un abonnement annuel d'Enbata à l'adresse postale indiquée. Milesker.
Si vous êtes imposable, votre don bénéficiera d’une déduction fiscale (un don de 50 euros / eusko ne vous en coûtera que 17).
Independentea, publizitaterik gabekoa, sarbide irekia, bere irakurleek diruztatua
Enbata.Info-ri emaitza bat egin
edo harpidetu zaitezte hilabetekariari
Garai gogorrak dira, eta badakigu denek ez dutela informazioa ordaintzeko ahalik. Baina irakurleen emaitzek eta paperezko hilabetekariaren harpidetzek finantzatzen gaituzte: ordaindu dezaketenen eskuzabaltasunaren menpe gaude.
«Preziorik gabeko gauzek, usu, balio handia dute» Mixel Berhocoirigoin
Laguntza hau ezinbestekoa zaigu. Zuen sustenguari esker, Enbata.Info artikuluak sarbide librean eta urririk eskaintzen segituko dugu, milaka lagunek astero irakurtzen segi dezaten, hola erronka abertzalea aitzinarazteko eta ikuspegi argiki aurrerakoi, ireki eta beste herri eta lurraldeekiko solidario batean ainguratuz.
Emaitza oro garrantzitsua da, nahiz eta euro/eusko guti batzuk eman. Zenbatekoa edozein heinekoa izanik ere, zure laguntza ezinbestekoa zaigu gure eginkizuna segitzeko.
50€/eusko edo gehiagoko edozein sustengurentzat, Enbataren urteko harpidetza lortzen edo eskaintzen ahalko duzu zehaztuko duzun posta helbidean. Milesker.
Zergapean bazira, zure emaitzak zerga beherapena ekarriko dizu (50 euro / eusko-ko emaitzak, 17 baizik ez zaizu gostako).