by Enbata: Aitzineko urteetako joera egiaztatuko da aurten ere, hau da ikastoletako ikasle kopuruak goitituko dira? Paxkal Indo: Aitzineko urteetan bezala haur kopuruak azkarki emendatuko dira ikastoletan. Lehen mailetan 2000 ikasle baino gehiago izanen ditugu, eta bigarren mailetan 700etik goiti. Orotara 2800 ikasleen heina gaindituko dugu sartze huntan.
Enb.: Zein dira aurtengo sartze hontako aldakuntza haundienak?
P. I.: Aldakuntza handirik ez da urtez urte, Seaska, sendotzen, sustraitzen ari den egitura da Iparraldean eta ikastolek garapen etengabean segitzen dute. Bertze eskoletan ikasle kopuruak apaltzen edo berdintzen direlarik gainera.
Horrek argiki erakusten du Euskararen beharra badela gure gizartean, eta murgiltze ereduak gero ta jende gehiago konbenzitzen duela.
Enb.: Beti bezala aurten ere berritasunak izanen dira?
P. I.: Aurten Xalbador kolegioaren berritze xantierra hasten da, eta Seaska egituraren egoitza berria “Nere pentzea” etxe historikoan Kanbon. Hiru urteko lanak dira, hein handi batean diru publikoarekin finantzatuak. Herri Urratseko 2011 urteko benefizioak eta EHI Euskal Herriko Ikastolen kooperatibaren (Euskal Herri osokoa) laguntzarekin.
Enb.: Iaz Itsasu eta Lekorneko ama ikastolak biak betan ideki zenituzten. Aurten ere bada idekidura berririk?
P. I.: Aurten ez dugu ama ikastolarik idekitzen. Aldiz lehen mailak idekitzen dira, ama ikastola horien garapena segurtatzeko, Hala nola Baigorri, Itsasu, Erberua eta Basaburu (Aloze) ikastoletan CP edo CE1 klaseak idekitzen ditugu. Alozeko ikastola handitu beharko da horren ondorioz. Itsasun ikastola berria eraikitzen ari da eskola publikoaren ondoan, Arberuan eta Lekornen Hazparneko lurraldeko hautetsieri laguntza galdegin diegu.
Enb.: Zertan dira akademiarekilako harremanak?
P. I.: Gure hiru urteko lehen konbenio hirukia (EEP, MEN, Seaska) burutzen ari da eta laster hasiko dira helduden konbenioko negoziaketak. Bi urteko haurren eskolatzea, erakasle postuak, ikastola berrien plantatzea eta garapena, baxoa euskaraz pasatzeko urrats berriak besteak beste izanen dira solasean. EEPren lehendakari berriarekin eraman be-harko dugun lan estrategiko eta garantzitsua.
Enb.: Azterketak euskaraz egiteko arazoak etabar direla ta, zertan dira hezkuntza nazionala frantsesarekilako harremanak?
P. I.: Joan den urtean, EEP eta Seaskan eskuz esku eraman dugu lan bat horri buruz, konbenioan argiki idatzia baitzen urrats berri batzu lortu behar zirela. Baikorki erraiteko, bertze bi gai euskaraz pasatzeko gaitasun teknikoa bada egun batetik bertzera. Bainan errektoreak gibelerat egin du, baxoa nazionala dela eta, ezin duela hori erabaki. Gure konbenio berriaren negoziaketan oroitaraziko diogu historia geografiako derogazioa lortu zela, eta tekniko arazorik ez bada, eta nahikeri politikoa baldin bada, berdin egiten ahal dela gure gazteek bertze gai batzuk euskaraz pasa ditzaten.
Hala ere, aurten lehen aldikotz ofizialki euskaraz pasatu ahal izan dituzte matematikak 3 garreneko ikasleek brebetaren azterketan.
Enb.: Eta gerorako perspektibak?
P. I.: Ainitz aipatzen da lizeo berria, aurtengo xantier nagusia izanen da Seaskako batzorde eragilearentzat. Lortzen baldin badugu proiektu hori nahi dugun bezala eramatea, sekulako urrats kualitatiboa izanen litzateke Iparraldeko ikastolentzat. Gainera lizeo berriari lotua, BABko kolegio berria ere bada, gure 4. kolegioari pentsatu behar dugu epe labur batean (3 edo 4 urte gehienik) ez baditugu ikasleak galdu nahi (gaur egun Ziburu edo Kanborat joaten dira gure BABeko ikasleak) eta ez baditugu ditugun kolegioak saturatu nahi.
Ez da dudarik Iparraldeko ikastolen karta hastapenetik ongi orekatua izan dela, bainan gaur egungo desafioa bikoitza da: Seaskaren murgiltze eredua proposamen bakarra denez, nola baikorki erantzun euskararen aldeko politika bati ez bada ikastola bat etxe guzietatik hurbil. Beraz hurbiltasunaren desafioa behar dugu irabazi. Eta Euskaren geroa segurtatuko duen arlo tekniko eta profesionala ere garatu beharko dugu lizeo berriaren bidez.
Indépendant, sans pub, en accès libre,
financé par ses lecteurs
Faites un don à Enbata.info
ou abonnez-vous au mensuel papier
Les temps sont difficiles, et nous savons que tout le monde n’a pas la possibilité de payer pour de l’information. Mais nous sommes financés par les dons de nos lectrices et lecteurs, et les abonnements au mensuel papier : nous dépendons de la générosité de celles et ceux qui peuvent se le permettre.
« Les choses sans prix ont souvent une grande valeur » Mixel Berhocoirigoin
Cette aide est vitale. Grâce à votre soutien, nous continuerons à proposer les articles d'Enbata.Info en libre accès et gratuits, afin que des milliers de personnes puissent continuer à les lire chaque semaine, pour faire ainsi avancer la cause abertzale et l’ancrer dans une perspective résolument progressiste, ouverte et solidaire des autres peuples et territoires.
Chaque don a de l’importance, même si vous ne pouvez donner que quelques euros. Quel que soit son montant, votre soutien est essentiel pour nous permettre de continuer notre mission.
Pour tout soutien de 50€/eusko ou plus, vous pourrez recevoir ou offrir un abonnement annuel d'Enbata à l'adresse postale indiquée. Milesker.
Si vous êtes imposable, votre don bénéficiera d’une déduction fiscale (un don de 50 euros / eusko ne vous en coûtera que 17).
Independentea, publizitaterik gabekoa, sarbide irekia, bere irakurleek diruztatua
Enbata.Info-ri emaitza bat egin
edo harpidetu zaitezte hilabetekariari
Garai gogorrak dira, eta badakigu denek ez dutela informazioa ordaintzeko ahalik. Baina irakurleen emaitzek eta paperezko hilabetekariaren harpidetzek finantzatzen gaituzte: ordaindu dezaketenen eskuzabaltasunaren menpe gaude.
«Preziorik gabeko gauzek, usu, balio handia dute» Mixel Berhocoirigoin
Laguntza hau ezinbestekoa zaigu. Zuen sustenguari esker, Enbata.Info artikuluak sarbide librean eta urririk eskaintzen segituko dugu, milaka lagunek astero irakurtzen segi dezaten, hola erronka abertzalea aitzinarazteko eta ikuspegi argiki aurrerakoi, ireki eta beste herri eta lurraldeekiko solidario batean ainguratuz.
Emaitza oro garrantzitsua da, nahiz eta euro/eusko guti batzuk eman. Zenbatekoa edozein heinekoa izanik ere, zure laguntza ezinbestekoa zaigu gure eginkizuna segitzeko.
50€/eusko edo gehiagoko edozein sustengurentzat, Enbataren urteko harpidetza lortzen edo eskaintzen ahalko duzu zehaztuko duzun posta helbidean. Milesker.
Zergapean bazira, zure emaitzak zerga beherapena ekarriko dizu (50 euro / eusko-ko emaitzak, 17 baizik ez zaizu gostako).