Gure haurrak handitzen ikusiko dituen munduan fede pitta bat atxiki nahi zuenarentzat, giza eskubideen bermatzeko sortu ziren nazioarteko erakundeetan sinesten zuenarentzat, trantsizio ekologikoaren kontzeptuari alergiarik deklaratu ez zuenarentzat, garai gogorrak dira… Nik adibidez, fedea galdu dut. Baina, ontsa pentsaturik, ez da fedea galtzen dudan lehen aldia. Usu galdu izan dut fedea, haurtzarotik heldu izaterako bidea gure gaitasun eta ardura kolektiboetan eta mundu honen martxan fede galtze zerrenda bat bailitzan.
Ezikusiaren kultura
Ene fede horrek zer balio zuen xuxen? Nondik heldu zitzaidan? Hogeigarren mendeak ekarri digun ilusio progresista eta teknologiko mugagabetik agian? Gure zentzuak pixkanaka lokarrarazi dituen erosotasun materialetik? Aitaren familiaren euskal tradizio kristauetik? Amaren aldekoen errepublikanismo frantses irmotik? Deritzot fede honen gibelean, sistema kapitalistak buruetan sarrarazi digun ezikusiaren kultura dagoela. Jakin bai, anitz dakigu. Eta internetekin gehiago, kasu! Ikasi ere, anitz ikasi dugu: nazismoa, erresistentzia, demokrazia liberalen garaipena, Europaren bakea, kolonizazioa, deskolonizazioa… Zoin ikaragarria, iragana! Ta zoin ederki bizi garen orain, historiaren lezioak ontsa ikasirik! Ikusi aldiz, ikusmenak sor lezakeen gohainduraraino eta EZ, STOP, ASKI erratera bultzatzeraino, hori ez. Hori ez dugu ikasi. Ez zaigu irakatsi. Eta hara, ez dugu ikusi nahi eta hola ontsa bizi gara. Indirektuki eragiten ditugun kalteak hain ongi mozorrotzen baititu gure biziak artoski antolatzen dituen kapitalismoak. Gure kontsumitzaile zorionaren, pribilegio sozialen eta aisialdi sainduen prezioa hori baita. Bere iraupenerako beharrezkoa duen bake soziala hola ordainarazten baitigu. Tratu merkea funtsean, afera ona.
Egoera honek errudunak baditu
Baina uda huntan, aldaketa klimatikoak jo gaitu, segura. Larrialdi egoeran sartu gara, ukaezina. Azkenean, borrokarako tenorea jina zaigu, baietz. Egoera honek errudunak baditu, begibistakoa. Etxetik elkitzen naiz sardea eskutan, gurutzatzen dudan lehen boteredun aberats arduragabeari moltsa (eta moltsapeko hura ere, malestruka ni!) zilatzeko prest eta oraindik zutik dirauen zuhaitz bati zangotik zintzilikatzeko gogoz. Auzokideak ere hor izan daitezke, ni bezala karrikan, graziak jorik eta begiak handi zabalik! To, ez… Betiko ber ttur-tturra… Belar mozten ari den auzoak: zer beroa! Tenperatura hauei ohitu beharko dugula pentsatzen dudanean… Autoa garbitzen ari den honek, egokitzea dagokigula. Arto-alor erraldoiak ureztatzen ikusteak pizten didan kexua adierazten diodan lagunak, gaia zinez konplikatua dela. Besteak: ondoko belaunaldiei konfiantza egin behar zaiela. Ez dela horri sobera pentsatu behar, bestela ezin dela bizi! Eskerrak etxean pizina badugula, bestenaz leher gintezke. Eta sustut: ez-du-gu-gu-re-bu-ru-aso- be-ra-kul-pa-bi-li-za-ra-zi-be-har. Gainera ondoko bidaiarako hegazkin txartelak jadanik erosirik ditugu, hihi! Baldintzaketak ezin hobeki funtzionatzen du. Gure bizimodu hau sobera maite dugu eragiten eta egiten uzten ditugun kalteak begiratu nahi izateko. Bon bon, etxera sartzen naiz orduan, sardea zango artean. Egunez tronpatu ninteke…
Indépendant, sans pub, en accès libre,
financé par ses lecteurs
Faites un don à Enbata.info
ou abonnez-vous au mensuel papier
Les temps sont difficiles, et nous savons que tout le monde n’a pas la possibilité de payer pour de l’information. Mais nous sommes financés par les dons de nos lectrices et lecteurs, et les abonnements au mensuel papier : nous dépendons de la générosité de celles et ceux qui peuvent se le permettre.
« Les choses sans prix ont souvent une grande valeur » Mixel Berhocoirigoin
Cette aide est vitale. Grâce à votre soutien, nous continuerons à proposer les articles d'Enbata.Info en libre accès et gratuits, afin que des milliers de personnes puissent continuer à les lire chaque semaine, pour faire ainsi avancer la cause abertzale et l’ancrer dans une perspective résolument progressiste, ouverte et solidaire des autres peuples et territoires.
Chaque don a de l’importance, même si vous ne pouvez donner que quelques euros. Quel que soit son montant, votre soutien est essentiel pour nous permettre de continuer notre mission.
Pour tout soutien de 50€/eusko ou plus, vous pourrez recevoir ou offrir un abonnement annuel d'Enbata à l'adresse postale indiquée. Milesker.
Si vous êtes imposable, votre don bénéficiera d’une déduction fiscale (un don de 50 euros / eusko ne vous en coûtera que 17).
Independentea, publizitaterik gabekoa, sarbide irekia, bere irakurleek diruztatua
Enbata.Info-ri emaitza bat egin
edo harpidetu zaitezte hilabetekariari
Garai gogorrak dira, eta badakigu denek ez dutela informazioa ordaintzeko ahalik. Baina irakurleen emaitzek eta paperezko hilabetekariaren harpidetzek finantzatzen gaituzte: ordaindu dezaketenen eskuzabaltasunaren menpe gaude.
«Preziorik gabeko gauzek, usu, balio handia dute» Mixel Berhocoirigoin
Laguntza hau ezinbestekoa zaigu. Zuen sustenguari esker, Enbata.Info artikuluak sarbide librean eta urririk eskaintzen segituko dugu, milaka lagunek astero irakurtzen segi dezaten, hola erronka abertzalea aitzinarazteko eta ikuspegi argiki aurrerakoi, ireki eta beste herri eta lurraldeekiko solidario batean ainguratuz.
Emaitza oro garrantzitsua da, nahiz eta euro/eusko guti batzuk eman. Zenbatekoa edozein heinekoa izanik ere, zure laguntza ezinbestekoa zaigu gure eginkizuna segitzeko.
50€/eusko edo gehiagoko edozein sustengurentzat, Enbataren urteko harpidetza lortzen edo eskaintzen ahalko duzu zehaztuko duzun posta helbidean. Milesker.
Zergapean bazira, zure emaitzak zerga beherapena ekarriko dizu (50 euro / eusko-ko emaitzak, 17 baizik ez zaizu gostako).