by EHZ FESTIBALA 30 URTEZ
Festibala hiru egunekoa zen, horri gehitzen genizkion muntaketa eta desmuntaketa asteak: 3 aste oso. Mikro jendarte autoeratu edo alternatiboa bertan praktikatuko genuen.
Den dena, engaiamendurik, lotsarik eta beldurrik gabe: den dena nahi genuen. Lekornen iragan ziren urte gehienek animalia hibrido bat sortu zuten. Naturarekin bat egiten zuen basa animalia erresistentea. Garazi Arrula Ruizen mezuak oihartzun egiten zion bizitako honi: “esna dadila piztia, zeren kea usaindu duelako izanen da, eta guk badakigu sua egiten” (2024ko Korrikaren mezuan).
2026tik begiratzen badiogu 20. urtemugan sortu zen “Hartz” figura honi zentzu egiten jarraitzen du. Zatiketatik harago, gure arteko solasek sortu zuten animalia hibrido hau. Gure euskararen antzera: hibridoak. Lekorneko urteak eztabaidatsuak izan ziren, besteak bezala, festibalaren funtzioa eta haren formatua ardatz harturik. Funtsean “norentzat eta norekin” ari ginen galdera pausatu zen. EHZ festibala izari handiko ekitaldi bezala irudikatzen genuelarik Arrosako lehen urteetan, beste fase batera pasatu ginen eta beste proposamen asko biderkatu ziren. Musika festibalen fenomenoak eta eskaintza ezberdinen zabaltzeak gogoeta sakona ekarri zuten gurera. Zerk egiten gaitu “gu” berezi?
Haste hastetik laguntzaileok egindako ekimenak militantzia eredua zuen. Euskal Herria Zuzenean-ek bizitzeko bihotz bat behar zuen eta hau zen: sortzen genituen taupadak. Beraz, gurea zen hau bilakatuko zen esperientziarako gune bat, sortzeko gune bat, Euskal Herrian eta Euskal Herritik. Publikoa “kontsumitzaile” baino aktore bilakarazteko asmoa zuen proiektuak. Gunea autonomian kudeatuz, eredu politiko, ekonomiko, sozial eta kultural ezberdin bat proposatuz nahi zen sistema kapitalistari buru egin. Horrendako, formatua aldatzeko martxan ezarri zen gogoeta frankoren ondotik, afixa buru batek ez zezan jendea bakarrik kontzertu batera erakarri. Festibala hiru egunekoa zen, horri gehitzen genizkion muntaketa eta desmuntaketa asteak: 3 aste oso. Mikro jendarte autoeratu edo alternatiboa bertan praktikatuko genuen.
Dinamika horrek gogoeta politiko, sozial, kultural eta batez ere ekonomikoari erantzuten zion. Urteetan diru galtze handia metatu baitzen, honekin bukatzea deliberatu zen. Hiru eguneko ekimenaren tamaina eta aurrekontua ttipitu baziren ere, urtean zeharreko proposamena indartu zen.. EHZinemaldiak antolatzen zituen zine-eztabaidak Ipar Euskal Herriko zinemetan, Brigada ubelak (feministak) beste batzordeen gisan sortu zen, Musikatapulta mundu hizkuntza minorizatuen musika lehiaketa plantan ezarri zen, bio eta tokiko mozkinak sartu ziren festibalaren eskaintzan, Donostiako piratekin eta Iruñakoekin harremanak sendotzeko auzolanak antolatu ziren.
Finantzen arazoak bi bisaia agerrarazi zituen: alde batetik gogoeta ekonomikoa eramateko beharra, baita beste gisan funtzionatzeko aukera ere. Horrek ekarri zituen urte horiek hain paradoxalak: diru kezkek taldea azkarki inarrosi zuten baina, funtsean, EHZri bide berritu bat marrazteko posibilitatea eta elkartasun handia ekarri ere. Festibala osoki ezeztatu zen lehen aldia bizi izan zen. Ekaitzak puntu finala eman zion Lekorneko esperientziari. Urte hartan “elkartasun erauntsi bat” jaso zuen elkarteak hainbat artistak eta kolektibok xutik ezarri zituztelako sostengu ekimen kulturalak Euskal Herri osoan zehar. Erein ziren hazien emaitza ere izan zen. “Gu” talde gisa, lurraren gisara pausatu ginen, bakoitzak bere maneran eta bere bizipenekin, hazi berriak erein ditzazuen lehengo lur ongarrituan.
Ospa ditzagun beraz 30 urte horiek, hibrido baino gehiago, erresistente, den dena bete nahian!
Indépendant, sans pub, en accès libre,
financé par ses lecteurs
Faites un don à Enbata.info
ou abonnez-vous au mensuel papier
Les temps sont difficiles, et nous savons que tout le monde n’a pas la possibilité de payer pour de l’information. Mais nous sommes financés par les dons de nos lectrices et lecteurs, et les abonnements au mensuel papier : nous dépendons de la générosité de celles et ceux qui peuvent se le permettre.
« Les choses sans prix ont souvent une grande valeur » Mixel Berhocoirigoin
Cette aide est vitale. Grâce à votre soutien, nous continuerons à proposer les articles d'Enbata.Info en libre accès et gratuits, afin que des milliers de personnes puissent continuer à les lire chaque semaine, pour faire ainsi avancer la cause abertzale et l’ancrer dans une perspective résolument progressiste, ouverte et solidaire des autres peuples et territoires.
Chaque don a de l’importance, même si vous ne pouvez donner que quelques euros. Quel que soit son montant, votre soutien est essentiel pour nous permettre de continuer notre mission.
Pour tout soutien de 50€/eusko ou plus, vous pourrez recevoir ou offrir un abonnement annuel d'Enbata à l'adresse postale indiquée. Milesker.
Si vous êtes imposable, votre don bénéficiera d’une déduction fiscale (un don de 50 euros / eusko ne vous en coûtera que 17).
Independentea, publizitaterik gabekoa, sarbide irekia, bere irakurleek diruztatua
Enbata.Info-ri emaitza bat egin
edo harpidetu zaitezte hilabetekariari
Garai gogorrak dira, eta badakigu denek ez dutela informazioa ordaintzeko ahalik. Baina irakurleen emaitzek eta paperezko hilabetekariaren harpidetzek finantzatzen gaituzte: ordaindu dezaketenen eskuzabaltasunaren menpe gaude.
«Preziorik gabeko gauzek, usu, balio handia dute» Mixel Berhocoirigoin
Laguntza hau ezinbestekoa zaigu. Zuen sustenguari esker, Enbata.Info artikuluak sarbide librean eta urririk eskaintzen segituko dugu, milaka lagunek astero irakurtzen segi dezaten, hola erronka abertzalea aitzinarazteko eta ikuspegi argiki aurrerakoi, ireki eta beste herri eta lurraldeekiko solidario batean ainguratuz.
Emaitza oro garrantzitsua da, nahiz eta euro/eusko guti batzuk eman. Zenbatekoa edozein heinekoa izanik ere, zure laguntza ezinbestekoa zaigu gure eginkizuna segitzeko.
50€/eusko edo gehiagoko edozein sustengurentzat, Enbataren urteko harpidetza lortzen edo eskaintzen ahalko duzu zehaztuko duzun posta helbidean. Milesker.
Zergapean bazira, zure emaitzak zerga beherapena ekarriko dizu (50 euro / eusko-ko emaitzak, 17 baizik ez zaizu gostako).