Frantses gobernua euskarazko irakaskuntzaren kontra

Gourault
Jacqueline Gourault Frantziako Lurraldeen Kohesiorako eta lurralde kolektibitateen ministroa

Euskal Konfederazioa, ostiralean, apirilaren 5ean

Euskal Konfederazioak haserre biziz hartu ditu ostegunean, apirilaren 4ean, Jacqueline Gourault Frantziako Lurraldeen Kohesiorako eta lurralde kolektibitateen ministroak Senatuan egin dituen lurralde hizkuntzen irakaskuntzaren kontrako adierazpenak.

Frantses gobernuko ordezkariak, murgiltze eredua eskola publikoan legez kanpokoa dela dio. “Murgiltze irakaskuntza, atzerritar hizkuntzan edo eskualde hizkuntzan egiten den irakaskuntza esklusiboa da, guk lagundu nahi dugun irakaskuntza elebidunaren kontrara. Murgiltze eredua posible da noski eskola pribatuetan, Diwan bezalako eskoletan adibidez, baina ez eskola publikoetan, ezin baitiegu burasoei inposatu. Horregatik Auzitegi Konstituzionalak murgiltze irakaskuntza inskonstituzionala zela ebatzia du”.

Ez Gourault anderea, murgiltze eredua ez da irakaskuntza “esklusibo bat”. Murgiltze ereduaren bidez haurrek euskaraz ikasten dute ama eskoletan eta ondoren Lehen Mailan frantsesez ere ikasten dute. Murgiltze eredua da bide bakarra, egun eskolan frantsesarekin sartzen diren ikasleak bihar elebidun atera daitezen.

Ez Gourault anderea, murgiltze eredua ez zaie burasoei “inposatzen”, baizik eta proposatzen zaiela, aukera elebidunarentzat bezala. Aldiz heldu den sartzerako 3 eskola publikok murgiltze eredua proposatzeko hautua egin badute ere, ez dute aukerarik izanen heien haurrak murgiltze ereduan eskolatzeko, eta orduan eredu elebakarra edo elebiduna zaie “inposatzen”.

Ez Gourault anderea, murgiltze eredua ez da antikonstituzionala eskola publikoetan, esperimentazio legean oinarritzen den esperimentazioa baita. Murgiltze aukera, estatua eta lurraldearen artean hitzartua izan da. 2004an Pirinio-Atlantikoetako Departamenduak itun bat izenpetu du Estatuarekin, 2010ean arraberritu dena, euskara eta okzitanieraren erakaskuntza nola egituratu eta garatu adosteko. Hortan oinarriturik da murgiltze eredua aurreikusia izan elebidun sailetan, hobetze kualitatibo baten xedez. Orientabide horiek behin eta berriz adostuak izan dira Euskararen erakunde publikoaren baitan, Estatua, Eskualdea, Departamendua, eta orai Elkargoarekin batean. Murgiltze aukera ukatuz, frantses gobernuak kolektibitateekin zuen paktua urratzen du.

Eta hain zuzen ere, Ipar Euskal Herriko 17 eskola publikotan arrakasta handia duen esperimentazioa da. Orai 10 urtez goragoko gibeltasunarekin ereduak bere emaitza onak frogatu ditu euskara maila ez bakarrik, irakaspen guzieri begira, irakasle, buraso eta Hezkunde Nazionaleko adituen partetik onespen osoa duelarik. Tokiko kontsensu eta galdera sozial zabal bat lortzen duen sistema da hor aurkitzen.

Murgiltze eredua Diwan edo Seaska bezalako egituretan egin behar dela dio Gobernuak, baina mementu berean Hezkuntza ministerioak ez die ikastolen beharrei erantzuten. Eskola publikoetan murgiltze eredua gelditu nahi du eta Murgiltze eredu osoa eskaintzen duten ikastolak ito nahi ditu! Alta murgiltze eredua ahal bezain bat zabaltzea da, gure hizkuntzak bizirauteko duen aukera bakarra, azken urteetan ikusi dugunez.

Ez da lege kondua, ez da hezkuntza kontua. Frantses Gobernuak gure hizkuntzen kontra abiatu duen gurutzada berri bat da. Gure hizkuntzaren biziraupena suntsitu nahi duen arazo politikoa da.

Eraso berri honen aitzinean Euskal Herriko hautetsiak deitzen ditugu Frantses Estatuaren erasoari aitzin egin diezaioten.

Euskal Konfederazioak Ipar Euskal Herriko gizarteari dei egiten dio ere, Frantses gobernu jakobinoaren inposaketarik onar ez dezan, gure hizkuntzan bizi eta ikasteko eskubidearen alde.

Soutenez Enbata !

Indépendant, sans pub, en accès libre, financé par ses lecteurs
Faites un don à Enbata.info ou abonnez-vous au mensuel papier

Enbata.info est un webdomadaire d’actualité abertzale et progressiste, qui accompagne et complète la revue papier et mensuelle Enbata, plus axée sur la réflexion, le débat, l’approfondissement de certains sujets.
Les temps sont difficiles, et nous savons que tout le monde n’a pas la possibilité de payer pour de l’information. Mais nous sommes financés par les dons de nos lectrices et lecteurs, et les abonnements au mensuel papier : nous dépendons de la générosité de celles et ceux qui peuvent se le permettre.
« Les choses sans prix ont souvent une grande valeur » Mixel Berhocoirigoin
Cette aide est vitale. Grâce à votre soutien, nous continuerons à proposer les articles d'Enbata.Info en libre accès et gratuits, afin que des milliers de personnes puissent continuer à les lire chaque semaine, pour faire ainsi avancer la cause abertzale et l’ancrer dans une perspective résolument progressiste, ouverte et solidaire des autres peuples et territoires.
Chaque don a de l’importance, même si vous ne pouvez donner que quelques euros. Quel que soit son montant, votre soutien est essentiel pour nous permettre de continuer notre mission.
Faites un don ou abonnez vous à Enbata : www.enbata.info/articles/soutenez-enbata

  • Par chèque à l’ordre d’Enbata, adressé à Enbata, 3 rue des Cordeliers, 64 100 Bayonne
  • Par virement en eusko sur le compte Enbata 944930672 depuis votre compte eusko (euskalmoneta.org)
  • Par carte bancaire via système sécurisé de paiement en ligne : paypal.me/EnbataInfo
  • Par la mise en place d’un prélèvement automatique en euro/eusko : contactez-nous sur [email protected]

Pour tout soutien de 40€/eusko ou plus, vous pourrez recevoir ou offrir un abonnement annuel d'Enbata à l'adresse postale indiquée. Milesker.

Si vous êtes imposable, votre don bénéficiera d’une déduction fiscale (un don de 50 euros / eusko ne vous en coûtera que 17).

Enbata sustengatu !

Independentea, publizitaterik gabekoa, sarbide irekia, bere irakurleek diruztatua
Enbata.Info-ri emaitza bat egin edo harpidetu zaitezte hilabetekariari

Enbata.info aktualitate abertzale eta progresista aipatzen duen web astekaria da, hilabatero argitaratzen den paperezko Enbata-ren bertsioa segitzen eta osatzen duena, azken hau hausnarketara, eztabaidara eta zenbait gairen azterketa sakonera bideratuagoa delarik.
Garai gogorrak dira, eta badakigu denek ez dutela informazioa ordaintzeko ahalik. Baina irakurleen emaitzek eta paperezko hilabetekariaren harpidetzek finantzatzen gaituzte: ordaindu dezaketenen eskuzabaltasunaren menpe gaude.
«Preziorik gabeko gauzek, usu, balio handia dute» Mixel Berhocoirigoin
Laguntza hau ezinbestekoa zaigu. Zuen sustenguari esker, Enbata.Info artikuluak sarbide librean eta urririk eskaintzen segituko dugu, milaka lagunek astero irakurtzen segi dezaten, hola erronka abertzalea aitzinarazteko eta ikuspegi argiki aurrerakoi, ireki eta beste herri eta lurraldeekiko solidario batean ainguratuz.
Emaitza oro garrantzitsua da, nahiz eta euro/eusko guti batzuk eman. Zenbatekoa edozein heinekoa izanik ere, zure laguntza ezinbestekoa zaigu gure eginkizuna segitzeko.
Enbatari emaitza bat egin edo harpidetu: https://eu.enbata.info/artikuluak/soutenez-enbata

  • Enbataren izenean den txekea “Enbata, Cordeliers-en karrika 3., 64 100 Baiona“ helbidera igorriz.
  • Eusko transferentzia eginez Enbataren 944930672 kontuan zure eusko kontutik (euskalmoneta.org-en)
  • Banku-txartelaren bidez, lineako ordainketa sistema seguruaren bidez: paypal.me/EnbataInfo
  • Euro/euskotan kenketa automatikoa plantan emanez: gurekin harremanetan sartuz [email protected] helbidean

40€/eusko edo gehiagoko edozein sustengurentzat, Enbataren urteko harpidetza lortzen edo eskaintzen ahalko duzu zehaztuko duzun posta helbidean. Milesker.
Zergapean bazira, zure emaitzak zerga beherapena ekarriko dizu (50 euro / eusko-ko emaitzak, 17 baizik ez zaizu gostako).

One thought on “Frantses gobernua euskarazko irakaskuntzaren kontra

  1. Ongi da. Nik uste dut manifestazio gehiago egin behar dela. Gourault andere horrek esandakoak euskara eta beste hizkuntza minorizatuen kontrako fobia edo gorrotoa frogatzen digu.

Comments are closed.