FDSEA bazter nahasten, Euskal Herriko kondaketa errefusatu ondoan

elb

ELB – Euskal Herriko Laborarien Batasuna

Astelehenaz geroz Euskal Herriko bozkatzaileen zerrendak publiko dira, Paueko laborantxa ganbarako hauteskundeen kari. Pentsatua zen bezala, parte hartzea aise azkarragoa izan da Ipar Euskal Herrian, zerrendetan diren %61a inguru. Xifre hau, joan den astean ELBk bere emaitzaren kalkulatzeko pentsatua zuena baino gorago da (Euskal Herrian parte hartzea 4 punduz goragoa zela estimatua ginuen, zerrenden plazaratzeak erakusten duelarik 6,5 punduz goragoa dela). Ondorioz, 1267 bozekin, bozken %48,6a biltzen du ELBk Euskal Herrian, 2013an baino hobeki. Hauteskunde hauetan aurkezten girenaz geroz, gure emaitza hoberena egin dugu ere departamendu mailan (%24,21). Hau guziari esker, hain segur ipar Euskal Herriko lehen sindikata girela aipatzen ahal da.

Alderantzizkoaren erraiteko eta bereziki Euskal Herrian gehiengoa duela aintzinatzeko, FDSEAk dio Coordination Rurale sindikatak boz bat ere ez duela egin Euskal Herrian, alta 451 boz egin dituelarik departamendu osoan. Nork sinesten ahal du hiru zerrenda badirelarik lehian lurralde batean, batek ez duela batere bozik egiten? Ez laborari batek, ez kanpotik begira den batek ez du holakorik sinesten ahal! Coordination Ruralek betidanik bozak bildu ditu Euskal Herrian. Aldi huntan, 75 boz bildu baditu bakarrik hemen, eta dudarik gabe egin ditu, aski da ELB FDSEAren aintzinean izaiten segitzeko.

Mezu faltsu eta gezurrak erabiliz, FDSEAk segitzen du bere helburuan: bazterrak nahasi, laborarien buruan duda ezarri eta sindikatuen arteko gerla akulatu, laborariek ez dutelarik alta holakorik nahi.

Egoera hau saihesten ahal zen FDSEAk onartu balu Euskal Herri mailako kondaketaren galdegitea, ELBk proposatu zaion bezala. 2017ko udatik hasi ziren ELB eta EHLG, FDSEA eta Paueko Laborantxa ganbarari proposatzen galde amankomuna egina izan zadin administrazioari Euskal Herri mailako emaitzen eskuratzeko. Proposamena errepikatua izan zaie bainan ez da onartua izan.

Ikusiz parte hartze azkarra izan dela Euskal Herrian, laborariek merexi dute jakitea zoin diren xuxen indar bakotxaren emaitzak. Xifreen eta hipotesien gerlak laborariak desgustatzen ditu eta ez dute gehiago baliorik atxemanen bozka hauetan parte hartzeko. Administrazioari deia egiten diogu errealitate hau kondutan har dezan eta geroari buruz behar diren medioak har ditzan ez dadin holakorik berriz gerta.

ELBren emaitzak bi toki emaiten dizkio Paueko laborantxa ganbararen baitan. Halare ELBk erabaki du bere hautetsiek ez dutela parte hartuko departamenduko laborarien erdiaren boza entzuten ez duen batzar hortan. Hamabi urtez parte hartu gabe egon ondoan (2001-2013), entsegu bat egin du berriz ELBk, parte hartuz azken mandata hortan. Pauen gure hautetsieri buruz FDSEA-JAk duen jarrerak, alde bateko mespretxuak, gure proposamenen errefusatze sistematikoak konfirmatzen daukute beste laborantxa mota baten defentsaren egitea Paueko laborantxa ganbaran denbora galtzea dela.

Nahiago ditugu gure indarrak pragmatismoz eman, laborariak eta laborantxa herrikoia defendiatuz egunerokoan gure ekintzen bidez eta EHLGren garapen lanaren bidez. Aktiboki galdeginen dugu ere Euskal Herriko Laborantxa eta Elikadura Erakunde publikoaren sortzea, indar sindikala guziak eta lurraldeko laborantxa egitura guziak bilduko dituena, eta laborarien lan saria, kalitatezko laborantxa eta etxalde ainitzen atxikitzea izanen dira gure lehentasunak egitura berri hortan.

Soutenez Enbata !

Indépendant, sans pub, en accès libre, financé par ses lecteurs
Faites un don à Enbata.info ou abonnez-vous au mensuel papier

Enbata.info est un webdomadaire d’actualité abertzale et progressiste, qui accompagne et complète la revue papier et mensuelle Enbata, plus axée sur la réflexion, le débat, l’approfondissement de certains sujets.
Les temps sont difficiles, et nous savons que tout le monde n’a pas la possibilité de payer pour de l’information. Mais nous sommes financés par les dons de nos lectrices et lecteurs, et les abonnements au mensuel papier : nous dépendons de la générosité de celles et ceux qui peuvent se le permettre.
« Les choses sans prix ont souvent une grande valeur » Mixel Berhocoirigoin
Cette aide est vitale. Grâce à votre soutien, nous continuerons à proposer les articles d'Enbata.Info en libre accès et gratuits, afin que des milliers de personnes puissent continuer à les lire chaque semaine, pour faire ainsi avancer la cause abertzale et l’ancrer dans une perspective résolument progressiste, ouverte et solidaire des autres peuples et territoires.
Chaque don a de l’importance, même si vous ne pouvez donner que quelques euros. Quel que soit son montant, votre soutien est essentiel pour nous permettre de continuer notre mission.
Faites un don ou abonnez vous à Enbata : www.enbata.info/articles/soutenez-enbata

  • Par chèque à l’ordre d’Enbata, adressé à Enbata, 3 rue des Cordeliers, 64 100 Bayonne
  • Par virement en eusko sur le compte Enbata 944930672 depuis votre compte eusko (euskalmoneta.org)
  • Par carte bancaire via système sécurisé de paiement en ligne : paypal.me/EnbataInfo
  • Par la mise en place d’un prélèvement automatique en euro/eusko : contactez-nous sur [email protected]

Pour tout soutien de 40€/eusko ou plus, vous pourrez recevoir ou offrir un abonnement annuel d'Enbata à l'adresse postale indiquée. Milesker.

Si vous êtes imposable, votre don bénéficiera d’une déduction fiscale (un don de 50 euros / eusko ne vous en coûtera que 17).

Enbata sustengatu !

Independentea, publizitaterik gabekoa, sarbide irekia, bere irakurleek diruztatua
Enbata.Info-ri emaitza bat egin edo harpidetu zaitezte hilabetekariari

Enbata.info aktualitate abertzale eta progresista aipatzen duen web astekaria da, hilabatero argitaratzen den paperezko Enbata-ren bertsioa segitzen eta osatzen duena, azken hau hausnarketara, eztabaidara eta zenbait gairen azterketa sakonera bideratuagoa delarik.
Garai gogorrak dira, eta badakigu denek ez dutela informazioa ordaintzeko ahalik. Baina irakurleen emaitzek eta paperezko hilabetekariaren harpidetzek finantzatzen gaituzte: ordaindu dezaketenen eskuzabaltasunaren menpe gaude.
«Preziorik gabeko gauzek, usu, balio handia dute» Mixel Berhocoirigoin
Laguntza hau ezinbestekoa zaigu. Zuen sustenguari esker, Enbata.Info artikuluak sarbide librean eta urririk eskaintzen segituko dugu, milaka lagunek astero irakurtzen segi dezaten, hola erronka abertzalea aitzinarazteko eta ikuspegi argiki aurrerakoi, ireki eta beste herri eta lurraldeekiko solidario batean ainguratuz.
Emaitza oro garrantzitsua da, nahiz eta euro/eusko guti batzuk eman. Zenbatekoa edozein heinekoa izanik ere, zure laguntza ezinbestekoa zaigu gure eginkizuna segitzeko.
Enbatari emaitza bat egin edo harpidetu: https://eu.enbata.info/artikuluak/soutenez-enbata

  • Enbataren izenean den txekea “Enbata, Cordeliers-en karrika 3., 64 100 Baiona“ helbidera igorriz.
  • Eusko transferentzia eginez Enbataren 944930672 kontuan zure eusko kontutik (euskalmoneta.org-en)
  • Banku-txartelaren bidez, lineako ordainketa sistema seguruaren bidez: paypal.me/EnbataInfo
  • Euro/euskotan kenketa automatikoa plantan emanez: gurekin harremanetan sartuz [email protected] helbidean

40€/eusko edo gehiagoko edozein sustengurentzat, Enbataren urteko harpidetza lortzen edo eskaintzen ahalko duzu zehaztuko duzun posta helbidean. Milesker.
Zergapean bazira, zure emaitzak zerga beherapena ekarriko dizu (50 euro / eusko-ko emaitzak, 17 baizik ez zaizu gostako).