Enbata Hilabetekariko Sar Hitza
Ofizialki nehork ez du onartuko, baina buru gehienetan gaiak bere bidea egiten hasia du. Datozen herriko bozak 2026ko martxoan iraganen dira, data finkatua da eta ofizialki konfirmatua, erran nahi baita guti gorabehera urte baten buruan, istripurik ezean. Seinale ttipi batzuek erakusten digute maniobra batzuk ari direla plantan ezartzen.
Berriki Baiona hiri nagusian, gehiengoaren zerrendako bi kidek beren kargua utzi dute Etchegaray auzapezaren ibilmoldea salatuz. Zergatik orain, agintaldia bukatzear dagoelarik? Beti Baionari lotua, sare sozialetan irakur ditzakegu zenbait pertsonalitateren iritziak geroari buruz, deplauki ez bada, aski argiki jakinarazten dutenak beren burua zerrendaburu ikus lezaketela ondoko hauteskundeetan… Zer helbururekin? Miarritzen berdin.
Azken hilabete hauetan, beti sare sozialetan, kasik bortizkiago hala ere, “blog” batzuek, batek partikulazki, salatzen eta “desegiten” dituzte Maider Arosteguy andere auzapezaren obrak. Erabakiak, diru xahutzeak, erranak, den-denak miatuak dira, egiaztatuak, kritikatuak… Herri agiantzetan, auzapez batzuek nahi izan dituzte gauzak argitu, eta beste batzuek misterioa atxiki, baina aldi oroz gaia aipatuz edo gogoraraziz. Dudarik gabe, Ipar Euskal Herriko herri gehienetan gaiak lagunen arteko tragoak animatzen ditu…
Mundu abertzalean, luzaz herriko bozek dute gure ideien lekua neurtu Iparraldeko gizartean. Duela zenbait urte, pozten ginen zenbait hautetsiren ikusteaz herri zerrendetan. Berrikitan auzapez abertzaleak dira agertu eta ez bakarrik barnekaldean. Hendaiako kantonamenduak departamenduko bi kontseilari berri eskaini dizkigu. Eta nehork pentsatzen ez zuena gertatu da ere, Peio Dufau bilakatu da EHBaiko lehen diputatua. Aitzinatze eta emaitza horiek erakusten digute nolako gorakada egin duen gure mugimenduak.
“Mundu abertzalean, luzaz herriko bozek dute gure ideien lekua neurtu iparraldeko gizartean.”
Dinamika hori zaindu eta indartu behar dugu dudarik gabe. 2026ko herriko bozak helburu nagusi bihurtu behar dira. Etxebizitza, laborantza, hizkuntza, ingurumena, nortasuna, lurraldea, parekotasuna, politika soziala, ekonomia, eta beste hainbat gai, zeinetan sartu behar ditugun gure ikusmoldea, gure eginmoldea, gure berezitasuna…
Ahetzeko herriko boz aitzinatuek indar berri bat ekartzen digute. Bat gehiago. Herrietan sartuz, herriak gureganatuz, Ipar Euskal Herriko Herri Elkargoa indartzen ahalko dugu.
Ez gara ametsetan ari, gure proiektua sinesgarri bilakatua da, eta proiektu hori eraikitzen ari gara denen artean…
Indépendant, sans pub, en accès libre,
financé par ses lecteurs
Faites un don à Enbata.info
ou abonnez-vous au mensuel papier
Les temps sont difficiles, et nous savons que tout le monde n’a pas la possibilité de payer pour de l’information. Mais nous sommes financés par les dons de nos lectrices et lecteurs, et les abonnements au mensuel papier : nous dépendons de la générosité de celles et ceux qui peuvent se le permettre.
« Les choses sans prix ont souvent une grande valeur » Mixel Berhocoirigoin
Cette aide est vitale. Grâce à votre soutien, nous continuerons à proposer les articles d'Enbata.Info en libre accès et gratuits, afin que des milliers de personnes puissent continuer à les lire chaque semaine, pour faire ainsi avancer la cause abertzale et l’ancrer dans une perspective résolument progressiste, ouverte et solidaire des autres peuples et territoires.
Chaque don a de l’importance, même si vous ne pouvez donner que quelques euros. Quel que soit son montant, votre soutien est essentiel pour nous permettre de continuer notre mission.
Pour tout soutien de 50€/eusko ou plus, vous pourrez recevoir ou offrir un abonnement annuel d'Enbata à l'adresse postale indiquée. Milesker.
Si vous êtes imposable, votre don bénéficiera d’une déduction fiscale (un don de 50 euros / eusko ne vous en coûtera que 17).
Independentea, publizitaterik gabekoa, sarbide irekia, bere irakurleek diruztatua
Enbata.Info-ri emaitza bat egin
edo harpidetu zaitezte hilabetekariari
Garai gogorrak dira, eta badakigu denek ez dutela informazioa ordaintzeko ahalik. Baina irakurleen emaitzek eta paperezko hilabetekariaren harpidetzek finantzatzen gaituzte: ordaindu dezaketenen eskuzabaltasunaren menpe gaude.
«Preziorik gabeko gauzek, usu, balio handia dute» Mixel Berhocoirigoin
Laguntza hau ezinbestekoa zaigu. Zuen sustenguari esker, Enbata.Info artikuluak sarbide librean eta urririk eskaintzen segituko dugu, milaka lagunek astero irakurtzen segi dezaten, hola erronka abertzalea aitzinarazteko eta ikuspegi argiki aurrerakoi, ireki eta beste herri eta lurraldeekiko solidario batean ainguratuz.
Emaitza oro garrantzitsua da, nahiz eta euro/eusko guti batzuk eman. Zenbatekoa edozein heinekoa izanik ere, zure laguntza ezinbestekoa zaigu gure eginkizuna segitzeko.
50€/eusko edo gehiagoko edozein sustengurentzat, Enbataren urteko harpidetza lortzen edo eskaintzen ahalko duzu zehaztuko duzun posta helbidean. Milesker.
Zergapean bazira, zure emaitzak zerga beherapena ekarriko dizu (50 euro / eusko-ko emaitzak, 17 baizik ez zaizu gostako).