Legebiltzar hauteskundeetako ezusteko haundiena Kortsikatik etorri zaigu, mugimendu abertzaleak garaipen historikoa lortu baitu: ugarteko lau deputatuetarik hiru eskuratu dituzte ekainaren 18-an. Jarraian aurkituko duzue lorpen bikain honen azterketa bat.
Kortsikako mugimendu abertzaleak hauteskunde legegileetan emaitza historikoak lortu ditu, lau hautes-eremuetatik hiru diputatu irabaztea erdietsiz : Jean Félix Acquaviva bozen %63arekin, Michel Castellani %60,5arekin, eta Paul-André Colombani %55,9arekin. Azken emaitza honek gainera erranahi politiko berezia du, Colombani-k klanismoaren sinbolo adierazgarrienetarikoa den Camille de Rocca Sera garaitzea lortu baitu. Izan ere, de Rocca Sera familiko hiru belaunaldik diputatu kargua 55 urtez segidan haien eskuetan atxiki dute.
Mugimendu abertzaleak hiru diputatu erdiesteak Kortsikako jendartean nazio identitateari begira kontzientzi-hartze kolektiboan jauzi kualitatibo bat suposatzen du. Aitzin-pausu historiko hori famili abertzalearen batasunaren emaitza da, eta baita ere, 2015az geroztik abertzaleek Lurralde Kolektibitatearen gobernuan egindako lanarena. Jakina denez, bi korrente abertzale historikoak (alde batetik autonomistek eta bestetik independentistek) 2015eko Lurralde Kolektibitatearen hauteskundeen bigarren itzulian batu ziren, %35arekin, hauteskundeak irabaziz denen sorpresarako.
Lurralde kolektibitatearen kudeatze lana saristatua
Orduz geroztik, abertzaleek uhartea gobernatzen dute, Gilles Simeoni-k Kontseilu Exekutiboaren lehendakaritza eramaten duelarik, eta Jean Guy Talamoni-k Kortsikako Biltzarraren lehendakaritza.
Dudarik gabe, urte t’erdiz eraman duten kudeaketa esperientzi labur hau saristatua izan da hauteskunde legegileetan.
Eta zer indarrarekin!
Zeren oroitu behar da 2015eko Lurralde Kolektibitatearen hauteskundeen lehen itzulian G. Simeoni-k %17,5a lortu duela (bakarrik) eta J. G. Talamoni- k %8a (soilik).
Baina kudeaketaz haratago, azken urteetako ibilbide politiko osoa da ikaragarri zilegiztaturik ateratzen dena. Hortaz, gogoratu behar da 2014ko ekainaren 25ean FLNC-k bere borroka armatuaren aldebakarreko bukaeraren berri eman zuela, fase politiko berri bat idekiz, eta iragarriz hitzezhitz: “indar politiko baten eraikuntza, Kortsika gobernatzeko, eta independentziaraino eramateko”. Borroka armatuaren aldebakarreko bukaera hori aitzineko urteetan Kortsikako Biltzarrean gehiengo oso zabalez erdietsi ziren hiru akordio eta bozken ondotik etorri zen. Lehen bozka, Kortsikaren estatus aldaketaren aldekoa, gaurko Lurralde Kolektibitatearen estatusa gaindituz, Kortsikaren nazio-identitatea aintzat hartuko lukeen Autonomia estatus baten aldeko ebazpena. Bigarrena, lurra-etxebizitzaren eremua egoiliaren estatus baten arabera arautzearen aldeko ebazpena, espekulazio bortitzari erantzuteko helburuz, merkatuaren “lege” dorpearen eremutik atera eta, lurra-etxebizitza Kortsikan bizitzeko proiektua daukatenendako eskubide gisa kokatuz. Hirugarrena, preso politikoen amnistia eta askatze osoaren aldeko ebazpena.
Aitzin-pausu historiko hori
famili abertzalearen batasunaren emaitza da,
eta baita ere, 2015az geroztik
abertzaleek Lurralde Kolektibitatearen gobernuan
egindako lanarena.
Klanismoa ahultzen ari
Hiru ebazpen edo aldarrikapen horiek Estatu frantsesaren ezezko erantzuna eskuratu dute azken urteetan, frantses konstituzioa urratzen duketelakoan. Estatus politikoaren aldaketari ezezkoan erantzun badio ere, iaz, frantses gobernuak Lurralde Kolektibitatearen barne moldaketa bat onartu du, Kortsikako bi departamenduen desegitetarekin. Departamenduen desegitea mugimendu abertzalearen aspaldiko aldarrikapena da, klanismoa kontseilu orokorreko hautetsien bitartez (“des élus enrobés” direla diote) gauzatu baita historikoki.
Lurralde Kolektibitatearen formatu berria 2018ko urtarrilean indarrean jarriko da. Hilabete bat lehenago, aurtengo abenduan, hauteskundeak iraganen dira. Abertzaleendako erronka argia da: gobernua berreskuratzea 2015ean baino posizio indartsuago batekin ahal bada. Gisa hortan, Lurralde Kolektibitatearen hauteskundeak sei urteetarik behin antolatzen direnez, uhartea aldaketa- bide sendo batean kokatzeko epealdi aski zabala eskuratuko lukete abertzaleek.
Hauteskunde legegileen emaitzak ikusita, erronka hori arrakasta handiz lortzeko baldintzetan daudela erran genezake. Kortsikako prozesuak Euskal Herrian ere zirrara sortzen digu, eta dudarik gabe, gure zorion beroenak merezi dituzte hango abertzaleek!
Indépendant, sans pub, en accès libre,
financé par ses lecteurs
Faites un don à Enbata.info
ou abonnez-vous au mensuel papier
Les temps sont difficiles, et nous savons que tout le monde n’a pas la possibilité de payer pour de l’information. Mais nous sommes financés par les dons de nos lectrices et lecteurs, et les abonnements au mensuel papier : nous dépendons de la générosité de celles et ceux qui peuvent se le permettre.
« Les choses sans prix ont souvent une grande valeur » Mixel Berhocoirigoin
Cette aide est vitale. Grâce à votre soutien, nous continuerons à proposer les articles d'Enbata.Info en libre accès et gratuits, afin que des milliers de personnes puissent continuer à les lire chaque semaine, pour faire ainsi avancer la cause abertzale et l’ancrer dans une perspective résolument progressiste, ouverte et solidaire des autres peuples et territoires.
Chaque don a de l’importance, même si vous ne pouvez donner que quelques euros. Quel que soit son montant, votre soutien est essentiel pour nous permettre de continuer notre mission.
Pour tout soutien de 50€/eusko ou plus, vous pourrez recevoir ou offrir un abonnement annuel d'Enbata à l'adresse postale indiquée. Milesker.
Si vous êtes imposable, votre don bénéficiera d’une déduction fiscale (un don de 50 euros / eusko ne vous en coûtera que 17).
Independentea, publizitaterik gabekoa, sarbide irekia, bere irakurleek diruztatua
Enbata.Info-ri emaitza bat egin
edo harpidetu zaitezte hilabetekariari
Garai gogorrak dira, eta badakigu denek ez dutela informazioa ordaintzeko ahalik. Baina irakurleen emaitzek eta paperezko hilabetekariaren harpidetzek finantzatzen gaituzte: ordaindu dezaketenen eskuzabaltasunaren menpe gaude.
«Preziorik gabeko gauzek, usu, balio handia dute» Mixel Berhocoirigoin
Laguntza hau ezinbestekoa zaigu. Zuen sustenguari esker, Enbata.Info artikuluak sarbide librean eta urririk eskaintzen segituko dugu, milaka lagunek astero irakurtzen segi dezaten, hola erronka abertzalea aitzinarazteko eta ikuspegi argiki aurrerakoi, ireki eta beste herri eta lurraldeekiko solidario batean ainguratuz.
Emaitza oro garrantzitsua da, nahiz eta euro/eusko guti batzuk eman. Zenbatekoa edozein heinekoa izanik ere, zure laguntza ezinbestekoa zaigu gure eginkizuna segitzeko.
50€/eusko edo gehiagoko edozein sustengurentzat, Enbataren urteko harpidetza lortzen edo eskaintzen ahalko duzu zehaztuko duzun posta helbidean. Milesker.
Zergapean bazira, zure emaitzak zerga beherapena ekarriko dizu (50 euro / eusko-ko emaitzak, 17 baizik ez zaizu gostako).