by 
EHBAI
Joan den igandean, eskuin muturra ipar Euskal Herriko herri gehienetan lehen postuan iritsi zela ikusi ondotik, Emmanuel Macronek Parisko legebiltzarra desegiteko erabaki arduragabea hartu zuen. EHBaik segidan hartu zuen egoera larriaren neurria.
Astelehenean, ezkerreko fronte herritar bati erantzuteko borondatearekin, eta Fronte Herritar berri baten osatzearen berri jakin bezain laster, EHBaik ere bere borondatea berretsi zuen ipar Euskal Herrian desmartxa historiko horrekin bat egiteko, aterabide bakarra baita Macronen politika ultra liberalaren eta eskuin muturraren igoerari hautestontzietan erantzuteko.
Duela bi urte gertatu ez zen bezala, NUPESek ez baitzuen garaian EHBaien presentzia nahi izan, eta nahiz eta oraingoan ere, fronte herritarraren baitan hainbat tendentzik uzkur jokatu duten arren, EHBai desmartxa bateratuan sartu ahal izan da. Haien alderdi politikoetan gure parte hartzea bultzatu duten guztiak eskertu nahi ditugu.
Ezkerraren bateratze horretan parte hartuz, EH Baik, ipar Euskal Herriko lehen indar gisa, bere ardurak osoki asumitzen ditu: hauteskunde legegileak irabaztea Parisen tokiko alternatiba erreal bat bultzatzeko, Euskal Herriko jendarte zibilean sustraitua, justizia sozialaren bultzatzailea, eta eraman beharreko metamorfosi ekologikoan gure ardura zer heinetakoa den kontuan hartzen duena.
Jokoan dena ez baita soilik eskuin muturraren kontrako harresi bat sortzea hautestontzietan: gibelerarazi behar dugu, proiektu konkretu, erakargarri eta siensgarri bat eskainiz. Euskal Herriak iniziatiba anitzak ditu, jendarteko sektore guztietan. Ekonomia arloan, euskararen defentsan, laborantza herrikoitik edo etxebizitzaren inguruko mobilizaziotik hasiz, batzuk aipatzeagatik, Euskal Herriko biztanleek badakite denen interesen alde mobilizatzen. Aberastasun eder horrek egiten du gure proiektu politikoa, eta pentsatzen dugu indarturik aterako dela ipar Euskal Herriarentzat egiazko estatus politiko baten ezagutzarekin, euskarari estatutu bat eskainiko diona.
Parisen ekarpen bereziak eginen ditugu beste lurralde batzuk ere inspiratzen ahalko dituztenak, herritarren kezkei erantzuteko, izan sozialak (etxebizitzaren krisia, prekarietatea, eros ahalmenaren apaltzea, energiaren kostuaren emendatzea, erretretara joateko adinaren gibelatzea), ekologikoak, edo egoera geopolitiko ezegonkorrari lotuak. Ez dugu utziko eskuin muturra instalatzen, baina ez dugu utziko ere gaur egungo sistema ultra-liberala jendarteko sektore guztiak emeki-emeki itzaltzen.
Proiektu hau aitzina eramateko, eta momentu historiko honi erantzuteko, EHBaiko mi- litanteek ez ohiko biltzar nagusian presentzialean erantzun dute eta %95,3 agertu da Fronte Herritarra abiatzearen alde. Fronte Herritarrak hautagaiak izanen ditu beraz ipar Euskal Herriko 3 hautesbarrutietan:
– 4. hautesbarrutian: Iñaki Echaniz eta Cécile Senderain.
– 5. hautesbarrutian: Colette Capdevielle eta Alain Iriart.
– 6. hautesbarrutian: Peio Dufau eta Marie Heguy Urain.
EHBaik indar guztiak deitzen ditu mobilizatzera hautagai hauek eskuin muturrari aurre egin ahal izan diezaioten ekainaren 30 eta uztailaren 7an eta Euskal Herri feminista, eko- logista, sozialki justua eta euskaldunaren proiektua Parisera eraman dezaten.
Baina mobilizazioa ez da hautestontzietan bakarrik eginen. Eskuin muturraren kontrako eta justizia sozialaren aldeko mobilizazio guztietan parte hartzeko deia luzatzen dugu, horietan larunbata, ekainaren 15ean intersindikalak antolatzen duen manifestaldian eta Auzolan egunean, etxebizitza eskubidearen aldeko egunean ere arratsaldeko 3etan Baio- nako IUTean.
Indépendant, sans pub, en accès libre,
financé par ses lecteurs
Faites un don à Enbata.info
ou abonnez-vous au mensuel papier
Les temps sont difficiles, et nous savons que tout le monde n’a pas la possibilité de payer pour de l’information. Mais nous sommes financés par les dons de nos lectrices et lecteurs, et les abonnements au mensuel papier : nous dépendons de la générosité de celles et ceux qui peuvent se le permettre.
« Les choses sans prix ont souvent une grande valeur » Mixel Berhocoirigoin
Cette aide est vitale. Grâce à votre soutien, nous continuerons à proposer les articles d'Enbata.Info en libre accès et gratuits, afin que des milliers de personnes puissent continuer à les lire chaque semaine, pour faire ainsi avancer la cause abertzale et l’ancrer dans une perspective résolument progressiste, ouverte et solidaire des autres peuples et territoires.
Chaque don a de l’importance, même si vous ne pouvez donner que quelques euros. Quel que soit son montant, votre soutien est essentiel pour nous permettre de continuer notre mission.
Pour tout soutien de 50€/eusko ou plus, vous pourrez recevoir ou offrir un abonnement annuel d'Enbata à l'adresse postale indiquée. Milesker.
Si vous êtes imposable, votre don bénéficiera d’une déduction fiscale (un don de 50 euros / eusko ne vous en coûtera que 17).
Independentea, publizitaterik gabekoa, sarbide irekia, bere irakurleek diruztatua
Enbata.Info-ri emaitza bat egin
edo harpidetu zaitezte hilabetekariari
Garai gogorrak dira, eta badakigu denek ez dutela informazioa ordaintzeko ahalik. Baina irakurleen emaitzek eta paperezko hilabetekariaren harpidetzek finantzatzen gaituzte: ordaindu dezaketenen eskuzabaltasunaren menpe gaude.
«Preziorik gabeko gauzek, usu, balio handia dute» Mixel Berhocoirigoin
Laguntza hau ezinbestekoa zaigu. Zuen sustenguari esker, Enbata.Info artikuluak sarbide librean eta urririk eskaintzen segituko dugu, milaka lagunek astero irakurtzen segi dezaten, hola erronka abertzalea aitzinarazteko eta ikuspegi argiki aurrerakoi, ireki eta beste herri eta lurraldeekiko solidario batean ainguratuz.
Emaitza oro garrantzitsua da, nahiz eta euro/eusko guti batzuk eman. Zenbatekoa edozein heinekoa izanik ere, zure laguntza ezinbestekoa zaigu gure eginkizuna segitzeko.
50€/eusko edo gehiagoko edozein sustengurentzat, Enbataren urteko harpidetza lortzen edo eskaintzen ahalko duzu zehaztuko duzun posta helbidean. Milesker.
Zergapean bazira, zure emaitzak zerga beherapena ekarriko dizu (50 euro / eusko-ko emaitzak, 17 baizik ez zaizu gostako).