by 
Larunbat honetan, azaroaren 19an, baratze bat landatu du Xuti Gaztek Arrangoitzeko golfean baliabide naturalen banaketa eta beroketa klimatikoan parte hartzen duten aktoreen salatzeko eta lurra, golfak barne, lantzen dutenena dela aldarrikatzeko. Deia luzatua izan da gazte orori, amalurraren alde borrokatzeko.
Xuti Gazte
Arrangoitzeko golfera sartu gira gaur Xuti Gazte dinamikako kideak beste hainbat gazterekin batera, bizi dugun larrialdi klimatikoan aberatsek eta gobernuek duten errola salatzeko.
Izan ere, guziok buruan dugu azken hilabeteetan Ipar Euskal Herrian ur eskasiarekin bizi izan dugun egoera zaila, eskualde anitzetan murriztapenak plantan eman zirelarik. Murriztapen gogor hauek, laborariek pairatu zituzten bereziki, bero handiarekin batera ureztatzeko zailtasun handiak sortuz, anitzek uztak galdu zituztelarik.
Egoera horretan, baina, Ipar Euskal Herriko golf zelaiek neholako arazorik gabe eta biziki murriztapen ahulekin funtzionatzen jarraitu zuten, hemengo eta kanpoko aberatsen onerako.
Nola da posible gure Herriaren oinarri eta guzion bizietan ezinbestekoak diren laborariak haien lan-tresna den urik gabe uztea, gutti batzuen luxuzko aisialdia den golfa lehenetsiz?
Jakina da gazteok planetaren, klimaren aldeko engaiamendu handia dugula. Gure etorkizuna baita jokoan. Udazken honetan egin duen beroa, deserosoa izateaz gain, kezkagarria ere bada, neguan etor daitekeen hotza bezainbeste. Horrengatik galdegiten diegu instituzioei egiazko neurriak hartzeko oraino eten daitezkeen kalteak eteteko, baina bereziki, bizi dugun egoera ekonomikoan, gazteok, ikasleok, langileok, gehiago pairatu ez dezagun. Nehork ez dezan amesgaizto gehiagorik izan energia fakturak ordaintzeko momentua iristean. Esku aberats gutxi batzuen eskutan da energia egun, eta egoera nehoiz baina larriagoa den honetan, haien irabaziak ere nehoiz baina handiagoak dira. Honek ezin du horrela segitu.
COP27 biltzarra bukatu berri den honetan, gure herrialde aberatsei dagokigu ere sortu dugun hondamendi klimatikoa onartu eta konpontzea. Hipokresia eta kolonialismo hutsa da herrialde txiroagoei energia mota bat edo bestea inposatzea, guk nahi beste erabili ditugularik. Greenwashingari eta inposaketari aurre eginez, guk sortutako kaltea sufritzen ari diren herrialdeak indemnizatu eta lagundu behar ditugu, behar dituzten baliabideak eskainiz eta sor daitezkeen migrazio klimatikoei harrera eginez.
Gureari dagokionez, burujabetzaren aldeko pausuak eskatu eta egitea dagokigu, energiari dagokionean ere. Ekoizten dugun gutxia bertan kudeatzea ezinbestekoa da, baina bereziki, energiaren banaketa justu eta eskuragarri bat behar da. Hiriburuko ikastolak negua berogailurik gabe hasi behar izatea sistema kapitalistaren astakeriaren adibide bat gehiago da; ezinezkoa da aberatsek gure osasunaren eta ongizatearen prezioari buruz erabakitzen jarraitzea.
Gazteok lurraren aldeko engaiamenduarekin jarraituko dugu, agintariek egiazko pausuak egiten ez dituzten bitartean, guk egin beharko ditugulako. Gaur, baratze bat landatu dugu, lurra, golfak barne, lantzen dituenarenak direla aldarrikatzeko. Deia luzatzen diogu gazte orori, gure moduan, amalurraren alde borrokatzeko. Lurra eta sistema irauli ditzagun!
Indépendant, sans pub, en accès libre,
financé par ses lecteurs
Faites un don à Enbata.info
ou abonnez-vous au mensuel papier
Les temps sont difficiles, et nous savons que tout le monde n’a pas la possibilité de payer pour de l’information. Mais nous sommes financés par les dons de nos lectrices et lecteurs, et les abonnements au mensuel papier : nous dépendons de la générosité de celles et ceux qui peuvent se le permettre.
« Les choses sans prix ont souvent une grande valeur » Mixel Berhocoirigoin
Cette aide est vitale. Grâce à votre soutien, nous continuerons à proposer les articles d'Enbata.Info en libre accès et gratuits, afin que des milliers de personnes puissent continuer à les lire chaque semaine, pour faire ainsi avancer la cause abertzale et l’ancrer dans une perspective résolument progressiste, ouverte et solidaire des autres peuples et territoires.
Chaque don a de l’importance, même si vous ne pouvez donner que quelques euros. Quel que soit son montant, votre soutien est essentiel pour nous permettre de continuer notre mission.
Pour tout soutien de 50€/eusko ou plus, vous pourrez recevoir ou offrir un abonnement annuel d'Enbata à l'adresse postale indiquée. Milesker.
Si vous êtes imposable, votre don bénéficiera d’une déduction fiscale (un don de 50 euros / eusko ne vous en coûtera que 17).
Independentea, publizitaterik gabekoa, sarbide irekia, bere irakurleek diruztatua
Enbata.Info-ri emaitza bat egin
edo harpidetu zaitezte hilabetekariari
Garai gogorrak dira, eta badakigu denek ez dutela informazioa ordaintzeko ahalik. Baina irakurleen emaitzek eta paperezko hilabetekariaren harpidetzek finantzatzen gaituzte: ordaindu dezaketenen eskuzabaltasunaren menpe gaude.
«Preziorik gabeko gauzek, usu, balio handia dute» Mixel Berhocoirigoin
Laguntza hau ezinbestekoa zaigu. Zuen sustenguari esker, Enbata.Info artikuluak sarbide librean eta urririk eskaintzen segituko dugu, milaka lagunek astero irakurtzen segi dezaten, hola erronka abertzalea aitzinarazteko eta ikuspegi argiki aurrerakoi, ireki eta beste herri eta lurraldeekiko solidario batean ainguratuz.
Emaitza oro garrantzitsua da, nahiz eta euro/eusko guti batzuk eman. Zenbatekoa edozein heinekoa izanik ere, zure laguntza ezinbestekoa zaigu gure eginkizuna segitzeko.
50€/eusko edo gehiagoko edozein sustengurentzat, Enbataren urteko harpidetza lortzen edo eskaintzen ahalko duzu zehaztuko duzun posta helbidean. Milesker.
Zergapean bazira, zure emaitzak zerga beherapena ekarriko dizu (50 euro / eusko-ko emaitzak, 17 baizik ez zaizu gostako).