by Frantziako gobernu berriak zer saltsatan janen ote gaitu? Bertze frankok bezala, Sarkozyren aitzi bozkatu dut. Haatik presidente berriarenganik ez nuen gauza handirik igurikatzen euskal lurraldearentzat. Maluruski uste dut ez naizela tronpatu, eta gainera badut beldurra instituzioneak irauli barik ematen ahal ligukeen apurrak ere huts eginen digula. Vallsen uzkerrak uste gabekoak ote dira, kexu bulta batean oihuarekin eskapatuak? Ez ote dute tripako min gorago bat salatzen? Euskaldunei deusik ez emateko delibero gorena?
Nork ahantz dezake Mitterrand hautagaiak 1981ean Ipar Euskal Herriko departamendua hitzeman zigula, eta laster Mitterrand presidenteak hitza jan? Eta ni, zahar guziak bezala, urrunago noa denboran barna, gi-belera behatuz, gaztaroko urteetaraino. Oroitzapen handi bat badut hor, oso mingarria: nola 1955 ondarreko deputatuen bozketan, Guy Mollet SFIOko aintzindaria, ezkerreko hautagaien buru aurkeztu zen, Aljerian bakea eginen zuela hitzemanez, eta nausitu. 1956 hasieran gobernuburu izendatu zuten, eta laster zer egin zuen? Gerla zabaldu eta gogortu, soldaduzka egin behar genuen gazte guziak Aljeriara bidaliz, dela zuzenean, dela denbora erdiz; eta lege horrek iraun zuen agintaldi horren ondotik, 1962ko bukaeraraino. Horrela ene biziko 27 hilabete galdu nituen Aljerian, ne-hori zerbitzurik egin gabe, baina bertze batzuek dena han utzi dute.
Oroitzapen gaiztoak berpiztuz, zer egin nahi dut? Kontu zakarrak zuritu? Ez hori soilik.
Funtsera joanez, hau dut aditzera emango: frantses alderdi sozialistak dohain berezi bat baduela bere bozemaleei tarteka bizkarrez itzultzeko, eta bere oinari tiro egiteko. Nolaz da horrela gertatzen? Uste dut Frantziako Iraultzatik bi alderdi nagusi ba-daudela, eskuina eta ezkerra zeiharkatzen dituztenak: jakobinoak eta jirondinoak. Eta jirondinoak gehiago direlarik ere, jakobinoek azken hitza lortzen dute beti. Zergatik ote? Aho handi batzu direlako, Valls bezala? Ez bakarrik.
Estatu burgesia bat badago Frantzian, indartsua, ideologia zurrun baten jabe. Goiko funtzionariek osatzen dute. Horiek ma-natzen dute alderdian eta Errepublikan. Frantzian dena gainetik dator, Colberten eta bi Bonaparteen denboretan bezala. Pekoek ez bide dakigu deus, goikoenganik ikasi behar dugu, eta kito! Estatuak eternitatea, edo kasik, bere alde du, pekoek ez ordea: denboraren poderioz higatzen gara, eta goikoek hori badakite, zain egotea dute.
Euskaldunei deus ez bazaigu etortzen gain hartarik, zer egin beharko dugu? Ez higatzera egon, ez etsi, aitzina joan, zerbait berri asmatuz. Guti gara, baina gune estrategiko batean kokatuak: Iberiako ate nagusia sudur pean dugu, LVG horren auzian ikusten dugun bezala. Haatik arma potentzial horretaz baliatzerakoan arrisku bat badago: boztizkeriara lerratzekoa, eta hori haien zepoan erortzea litzateke. Beraz bortizkeria osoki bazter utzi behar dugu, denez gainetik pertsonen aurkako bortizkeria oro.
Bertze aterabide bat, biarnesen iratzartzea, Biarnoren alde mugi daitezen azkenean. Uste dute gaurko egitura beren aldekoa dutela, baina horretan oker dabiltza: uztarri bat da bi populuentzat, elgarri zurrunki loturik atxikitzeko egina, ber ildoan xuxen ibiltzera behartuz biak ber urratsean. Noiz eta nola ulertu behar dute?
Erresistentzia zibil baten asmatzea ez da erratea bezain errex. Baina badut beldurra holakorik gabe nekez atera gaitezkeela Terrore denboran asmaturiko etnozidiotik.
Indépendant, sans pub, en accès libre,
financé par ses lecteurs
Faites un don à Enbata.info
ou abonnez-vous au mensuel papier
Les temps sont difficiles, et nous savons que tout le monde n’a pas la possibilité de payer pour de l’information. Mais nous sommes financés par les dons de nos lectrices et lecteurs, et les abonnements au mensuel papier : nous dépendons de la générosité de celles et ceux qui peuvent se le permettre.
« Les choses sans prix ont souvent une grande valeur » Mixel Berhocoirigoin
Cette aide est vitale. Grâce à votre soutien, nous continuerons à proposer les articles d'Enbata.Info en libre accès et gratuits, afin que des milliers de personnes puissent continuer à les lire chaque semaine, pour faire ainsi avancer la cause abertzale et l’ancrer dans une perspective résolument progressiste, ouverte et solidaire des autres peuples et territoires.
Chaque don a de l’importance, même si vous ne pouvez donner que quelques euros. Quel que soit son montant, votre soutien est essentiel pour nous permettre de continuer notre mission.
Pour tout soutien de 50€/eusko ou plus, vous pourrez recevoir ou offrir un abonnement annuel d'Enbata à l'adresse postale indiquée. Milesker.
Si vous êtes imposable, votre don bénéficiera d’une déduction fiscale (un don de 50 euros / eusko ne vous en coûtera que 17).
Independentea, publizitaterik gabekoa, sarbide irekia, bere irakurleek diruztatua
Enbata.Info-ri emaitza bat egin
edo harpidetu zaitezte hilabetekariari
Garai gogorrak dira, eta badakigu denek ez dutela informazioa ordaintzeko ahalik. Baina irakurleen emaitzek eta paperezko hilabetekariaren harpidetzek finantzatzen gaituzte: ordaindu dezaketenen eskuzabaltasunaren menpe gaude.
«Preziorik gabeko gauzek, usu, balio handia dute» Mixel Berhocoirigoin
Laguntza hau ezinbestekoa zaigu. Zuen sustenguari esker, Enbata.Info artikuluak sarbide librean eta urririk eskaintzen segituko dugu, milaka lagunek astero irakurtzen segi dezaten, hola erronka abertzalea aitzinarazteko eta ikuspegi argiki aurrerakoi, ireki eta beste herri eta lurraldeekiko solidario batean ainguratuz.
Emaitza oro garrantzitsua da, nahiz eta euro/eusko guti batzuk eman. Zenbatekoa edozein heinekoa izanik ere, zure laguntza ezinbestekoa zaigu gure eginkizuna segitzeko.
50€/eusko edo gehiagoko edozein sustengurentzat, Enbataren urteko harpidetza lortzen edo eskaintzen ahalko duzu zehaztuko duzun posta helbidean. Milesker.
Zergapean bazira, zure emaitzak zerga beherapena ekarriko dizu (50 euro / eusko-ko emaitzak, 17 baizik ez zaizu gostako).