Iragan dira herriko etxetako hauteskundeak.Bakan eragin dute herrietako bozkek horrenbeste zalaparta, eztabaida eta azalpen ezberdin. Interneti esker, bixtan dena. Hor ageri da, bete betean, gaurko mediek, dela webgune edo tweeter, debate politikoan hartzen ari duten tokia. Ageri ere, hauteskundez hauteskunde parte hartzea beheiti ari bada ere, demokrazia ez dela hil zorian.
Hexagona osoan bezala, parte hartzea behin berriz murriztu da Iparralde hontan. Ipar Euskal Herriko banabesteko xifrak Frantziakoen idurikoak izan dira dira. Bost hiri nagusietako (Baiona, Angelu, Miarritze, Donibane Lohizune, Hendaia) hauteslegoaren %59,52-ak eman du boza lehen itzulian.
Lapurdi mendebaldeko beste herrietako (Errobi-Aturri, Errobi, Hego Lapurdi herri elkargoetan) bozemaile porzentaia % 67 eta % 75-en artekoa izan da. Barnekaldeko parte hartzea aldiz, beti bezala, biziki ona, %75 eta % 90-a artean. Bigarren itzulian, bozkatu behar izan den hiri eta herrietan, parte hartzea ez da biziki aldatu. Horrek erran nahi du hiri haundienetan lortu diren emaitzen legitimatea hobea izan zitekeela eta, alderantziz, barnekaldeko herrietan garaile atera diren hautetsieri demokrazia batean idurikatzen den baieztapen demokratikoa emana izan zaiela.
Zerrenda abertzaleek sekulan baino emaitza bobeak lortu dituzte. Nehork ez du hori zalantzan jartzen. Harrigarri bada harrigarri, gure adiskidea ez den Sud Ouest egunkariak ere ez.
Arrazoinak? Alde batetik, iragan sei urtetan geneuzkan auzapez eta beste hautetsi abertzaleek frogatua dute edozein Frantses alderdi nagusietako hautetsiak bezain gai direla herriak kudeatzeko. Ereduak hor zeuden.
Gero, azken urteetan Bil Gaitenek antolatu prestakuntzak dinamika azkarra sortu du. Kasik herri guzietan,haundienetatik ttipienetaraino, badaude militante abertzaleak, abertzale bezala agertzen direnak eta abertzale ideien ezagutarazteko lanean ari direnak. Beste zein alderdik erran dezake beste hainbeste? Bixtan da ere, ETA-k armak utziz geroztik, ezkerreko abertzaleen elkartzeak, lehenagako kalapitak gibelerat utzirik, batasunaren itxura ona eman diola gizarteari. Bitxiena, kanpaina huntan aldi bat ere ez dela entzun, ez frantses eskuinaren ez ezkerraren ganik, bortizkeriaren den guttieneko aipamenik. Harritzekoa historiak eta amnesiak bidea zein laster egiten duen.
Dena den, BAB-etk kanpo, Iparralde gehienean abertzaleak bigarren indar politiko izaiterat iragan dira. Hori itxaropentsu da gerorako. Abertzaleek Iparraldekotzat dauzkaten eskakizun nagusiek, adibidez lurralde kolektibitatea, euskararen onarpen instituzionala, laborantza ganbara, ez dute gehiago gizartearen parte aintzinakorrena izitzen. Ez da hori lorpen txarra. Hala ere, abertzaleek Iparraldeko panorama politikoan hartzen ari duten tokiak ez gaitu itsutu behar. Behar bada, frantses sozializten politikaren gaitzespena ez balitz hoin nabaria izan, ez ziren ezkerreko abertzaleen emaitzak hoin onak izanen. Sei urteren buruan, eskuina baldin bada boterean Parisen, nork erran dezake ez direla sozializtak berriz ere oposizioko alderdi nagusi izanen eta joan den astean abertzaleenganat joan diren ezkerreko boz batzuk ez dituztela berriz eskuratuko?
Horregatik, hautetsi abertzaleek eginbide bakar bat dute herriko etxeetan heldu diren sei urteetarako. Kudeatuko dituzten herrietan zinez frogatzea beren gobernatzeko moldea ez dela frantses ezker eta eskuinarenaren antzekoa, gehien sufritzen duen jendearen onerakoa dela, garapen iraunkorraren aldekoa dela, sozialki premiatsuen diren inbeztizamenduak lehenesten dituztela, diru publikoa eta pribatua xuhurtzen ari den une hauetan ez dela gehiago harrokerien eta gabejiaren garaia. Eta oposizioan izanen diren herrietan, lan egitea herritarrak konbentzitzeko boterean balira, eskuineko agintariek deramaten politika zaharkituaz beste proposamenik badutela. Horrela finkatuko dute herritarren gogoetan hartzen ari duten sinesgarritasuna. Hori da hemendik aintzina ezker abertzaleak altxatu behar duen desafioa. Zaila, bainan atsegingarria bezain deigarria. Lot gaitezen lanari.
Indépendant, sans pub, en accès libre,
financé par ses lecteurs
Faites un don à Enbata.info
ou abonnez-vous au mensuel papier
Les temps sont difficiles, et nous savons que tout le monde n’a pas la possibilité de payer pour de l’information. Mais nous sommes financés par les dons de nos lectrices et lecteurs, et les abonnements au mensuel papier : nous dépendons de la générosité de celles et ceux qui peuvent se le permettre.
« Les choses sans prix ont souvent une grande valeur » Mixel Berhocoirigoin
Cette aide est vitale. Grâce à votre soutien, nous continuerons à proposer les articles d'Enbata.Info en libre accès et gratuits, afin que des milliers de personnes puissent continuer à les lire chaque semaine, pour faire ainsi avancer la cause abertzale et l’ancrer dans une perspective résolument progressiste, ouverte et solidaire des autres peuples et territoires.
Chaque don a de l’importance, même si vous ne pouvez donner que quelques euros. Quel que soit son montant, votre soutien est essentiel pour nous permettre de continuer notre mission.
Pour tout soutien de 50€/eusko ou plus, vous pourrez recevoir ou offrir un abonnement annuel d'Enbata à l'adresse postale indiquée. Milesker.
Si vous êtes imposable, votre don bénéficiera d’une déduction fiscale (un don de 50 euros / eusko ne vous en coûtera que 17).
Independentea, publizitaterik gabekoa, sarbide irekia, bere irakurleek diruztatua
Enbata.Info-ri emaitza bat egin
edo harpidetu zaitezte hilabetekariari
Garai gogorrak dira, eta badakigu denek ez dutela informazioa ordaintzeko ahalik. Baina irakurleen emaitzek eta paperezko hilabetekariaren harpidetzek finantzatzen gaituzte: ordaindu dezaketenen eskuzabaltasunaren menpe gaude.
«Preziorik gabeko gauzek, usu, balio handia dute» Mixel Berhocoirigoin
Laguntza hau ezinbestekoa zaigu. Zuen sustenguari esker, Enbata.Info artikuluak sarbide librean eta urririk eskaintzen segituko dugu, milaka lagunek astero irakurtzen segi dezaten, hola erronka abertzalea aitzinarazteko eta ikuspegi argiki aurrerakoi, ireki eta beste herri eta lurraldeekiko solidario batean ainguratuz.
Emaitza oro garrantzitsua da, nahiz eta euro/eusko guti batzuk eman. Zenbatekoa edozein heinekoa izanik ere, zure laguntza ezinbestekoa zaigu gure eginkizuna segitzeko.
50€/eusko edo gehiagoko edozein sustengurentzat, Enbataren urteko harpidetza lortzen edo eskaintzen ahalko duzu zehaztuko duzun posta helbidean. Milesker.
Zergapean bazira, zure emaitzak zerga beherapena ekarriko dizu (50 euro / eusko-ko emaitzak, 17 baizik ez zaizu gostako).