COVITE (Colectivo de Víctimas del Terrorismo del País Vasco) erakundeak eraginda, ETAk genozidio baten erantzupena duen ala ez aztertu nahi du Espainiako Auzitegi Nazionalak. Baita COVITE berak La Haye-ko auzitegian bertan aurkeztu nahi du kerela hori.
Historian, zoritxarrez genozidio asko izan arren, halako kasua lehen aldiz epaiturik izan zen Nurembergen, naziek bigarren gerla mundiala galdu zuteneko. Beranduago hauzi gehiago eginak izan dira Jugoslavia ohia, Ruanda eta Sierra Leoneko gerlak zirela-eta. Kasu bakoitzean boterean ziren estatu buru ohi edo politikari boteretsuen aurka antolatuak izan ziren hauzi horiek. Bainan sekulan talde armatu baten aurka, erabili zituen bideen gogortasun maila zer nahi izan baitzen ere.
Edozein talde ethniko, errelijiodun edo arrazakoren bat osoki edo zatika desagertarazteko neurri politiko, demografiko eta militarrak antolatzea da genozidioaren definizio legezkoa. Definizio beraren egileek, naski, boterean dagoen gobernu bati leporatzen diote genozidioaren antolatzea.
Ethnismoari buruzko adituek hiru mailako genozidioak aurkezten dituzte: demografikoa; kulturala eta fisikoa.
Herrialde bateko ekonomia suntsituaz sortzen da ethnizidio demografikoa, lanaren eske badabila, bere sortherria abandonatu behar baitu bertakoak.
Genozidio kulturala bertakoa ez den hizkuntza eta ohituren ezarketan datza.
Genozidio fisikoa hilketa erraldoien antolatzean datza.
Azken hogoita hamar urteetan aitortu eta epaitu ez den genozidio bat egin zuen Indonesiako Gobernuak Ekialdeko Timorean. Munduko Bankuak bermatu zuen Transmigrazio deitu egitasmo bati jarraituz, bertakoen fisikoki eta kulturalki suntsitu nahi zituen Djakartak, Javako hizkuntza, eta ohituraz ezarriz; Javako uhartean jende gehiegi bizi zelarik, javatarren Timoreratzea bultzatuz ; HIESAren aurkako txertoak ematen zizkietela sinhetsaraziz, bertako emazteak antzu bihurtuz bertakoen kopurua belaunaldiz belaundi desagertu arte. Dakidanez genozidio horren aurkako zigorrik ez da sekulan ebatzi. Tibetean Txinarrek egiten dutena ez da hobeago, bainan Txina potentzia ekonomiko berri bat eta negozio askoren lurraldea bihurtu den ber, ez da nihor protestarik aurkeztera atrebitzen.
ETAk berrogoi ta hamar urte haietan egindako gatazka, borroka armatua izan da. (Esan dezagun zehazkiago berrogoi, lehen atentatu fisikoa 1968 garren urtean gertatu baitzen.) Orokorki begiratuta, atentatu ziblatuak egiten zituzten ETAkideek: ministro frankistak, guardia zibilak, sektore anti euskaldunaren bunkerra den militarrak, bertako eta kanpoko poliziak, eta Euskal Herriaren aurkako politikan ari ziren hautetsiak eta politikariak. Gertatu ziren ekintza horiek laudagarriak ez zirela aitortu behar da naski, bainan hori gertatu zen jalgipide politiko eta legezkoak itxirik zirelako: konstituzioaren inposaketa; nazio bezala Euskal Herriaren ukapena; berreskuladuntzeari emandako mota guztietako oztopoak; herriak ukatzen zituen proiektu erraldoien inposaketa. Bainan ez zen batera sekulan izan ez-euskaldunaren suntsitzea ETA ren asmoa, etzen ere Espainia edo Frantzia kulturalki desagertaraztea.
Aljeriako FLN ak ETArena baino gatazka armatu bortitzago bat antolatu zuen, bainan Frantziako gobernuak ez dio sekulan genozidioaren delitua Ben Bella lehen presidenteari egotzi. Munduko herri guztiek torre bizkien suntsiketa gaitzesti zutelarik, ez zuen nihork Al Qaedak genozidio bat egin zuela aipatu. Aspalditik Espainiak ixil arazi zuen Gernikako bonbardaketa (Oraindik ez zait iruditzen PPak osoki gaitzetsi duenik) ez da, nik dakidanez, genozidiotzat jota izan, baizik eta Estatu terrorismotzat.
Kondairan zehar aldiz Frantziari eta Espainiari Euskal Herriaren aurka eginiko genozidio kulturala , demografiko eta fisikoak lepora diezazkiekegu : Frantziako iraultzaren denboran Iparraldeko biztanleak Landesetara herbesteratu izana ; Espainiako gerla zibila ondoren espaniar asko lanarako Euskal Herrira joaitea eragitea ; Nafarroa konkistatu ondoren, Cisneros kardenalak euskaldunak andaluziarrez ordezkatu nahi izana.
Ondorioz zuzengabekeria bat litzateke ETA ren genozidioa aipatzea ; erakunde horrek egindako gaitzespen eta ukapena litzateke alde batetik eta historia modernoan gertatu eta gertatzen ari diren benetako genozidioen garrantzia eta larritasunaren minimizatzea.
Bake prozezua urratsez urrats egiten den eta desarmatzearen hasiera egiaztatzen den garai hauetan, Espainiako justizia agintariek eta terrorismoaren biktimen maniobreak urrats politikoen oztopatzeko beste neurriak baizik ez dira.
Indépendant, sans pub, en accès libre,
financé par ses lecteurs
Faites un don à Enbata.info
ou abonnez-vous au mensuel papier
Les temps sont difficiles, et nous savons que tout le monde n’a pas la possibilité de payer pour de l’information. Mais nous sommes financés par les dons de nos lectrices et lecteurs, et les abonnements au mensuel papier : nous dépendons de la générosité de celles et ceux qui peuvent se le permettre.
« Les choses sans prix ont souvent une grande valeur » Mixel Berhocoirigoin
Cette aide est vitale. Grâce à votre soutien, nous continuerons à proposer les articles d'Enbata.Info en libre accès et gratuits, afin que des milliers de personnes puissent continuer à les lire chaque semaine, pour faire ainsi avancer la cause abertzale et l’ancrer dans une perspective résolument progressiste, ouverte et solidaire des autres peuples et territoires.
Chaque don a de l’importance, même si vous ne pouvez donner que quelques euros. Quel que soit son montant, votre soutien est essentiel pour nous permettre de continuer notre mission.
Pour tout soutien de 50€/eusko ou plus, vous pourrez recevoir ou offrir un abonnement annuel d'Enbata à l'adresse postale indiquée. Milesker.
Si vous êtes imposable, votre don bénéficiera d’une déduction fiscale (un don de 50 euros / eusko ne vous en coûtera que 17).
Independentea, publizitaterik gabekoa, sarbide irekia, bere irakurleek diruztatua
Enbata.Info-ri emaitza bat egin
edo harpidetu zaitezte hilabetekariari
Garai gogorrak dira, eta badakigu denek ez dutela informazioa ordaintzeko ahalik. Baina irakurleen emaitzek eta paperezko hilabetekariaren harpidetzek finantzatzen gaituzte: ordaindu dezaketenen eskuzabaltasunaren menpe gaude.
«Preziorik gabeko gauzek, usu, balio handia dute» Mixel Berhocoirigoin
Laguntza hau ezinbestekoa zaigu. Zuen sustenguari esker, Enbata.Info artikuluak sarbide librean eta urririk eskaintzen segituko dugu, milaka lagunek astero irakurtzen segi dezaten, hola erronka abertzalea aitzinarazteko eta ikuspegi argiki aurrerakoi, ireki eta beste herri eta lurraldeekiko solidario batean ainguratuz.
Emaitza oro garrantzitsua da, nahiz eta euro/eusko guti batzuk eman. Zenbatekoa edozein heinekoa izanik ere, zure laguntza ezinbestekoa zaigu gure eginkizuna segitzeko.
50€/eusko edo gehiagoko edozein sustengurentzat, Enbataren urteko harpidetza lortzen edo eskaintzen ahalko duzu zehaztuko duzun posta helbidean. Milesker.
Zergapean bazira, zure emaitzak zerga beherapena ekarriko dizu (50 euro / eusko-ko emaitzak, 17 baizik ez zaizu gostako).