by Nahasmendu garaiak bizi ditugu. Noraezean ibilki garelako marka?
Transizio fase bat bizitzen ari garelako marka? Segur dena da
abertzaleen sinesgarritasuna jokoan dela eta luze gabe ez bada ordena
pixka bat emaiten ondorio kaltegarriak jasanen ditugula denek.
Abertzaleen diskurtso eta helburu politikoetan nahaste-borraste
ederra zabaltzen ari da. Azken urte hauetan autonomia al-darrikapena
birziklatu eta indar handiz plazaratua izan zen jendartean eta
hedabideetan. Berrikitan eta bat batean, independentziaren inguruko
diskurtsoak lekua hartu du. Izan ere, Independentistak sare-ak Aberri
Eguneko mezua eta aldarrikapenetik haraindian, independentzia
eskueran izan litekeen aukera bezala aurkeztu du.
Nahasmendua bi mailatan bada: maila ideologikoan eta maila politiko-
estrategikoan. Maila ideologikoan posible ote da autonomia eta
independentzia nahastea, biak elkartrukatzea, sinonimoak balira
bezala? Posible da, sinesgarritasun politikoa arriskuan ezarri gabe,
independentzia autonomia zabal bat dela erraitea? Posible da egun
batez autonomia aldarrikatzea, horren beharra eta aukera azaldu eta
biharamunean, argumentazio berdina erabiltzea independentziari buruz?
Mugimendu abertzalean kontzeptuen dantza hain arina bada, zer
ulertuko dute herritarrek? Iduri du abiadura handiko filma begiratzen
ari garela eta etapak bat bestearen gibeletik erretzen ari direla.
Nun geldituko gara? Egia da historian azelerazio faseak izan
daitezkeela. Mobilizazioaren beroan kontradikzioak gordintzen dira,
jendearen kontzientzia hartzea azkartzen da eta eboluzioen ordez
hausturak gertatzen dira. Prozesu iraultzaileak aipatu gabe ere,
holako salto kualitatiboak gertatzen dira hainbat borrokatan eta
militanteak eboluzio kualitatiboei adi egon behar zaizkie beti,
momentu bakoitzean eskakizunak eta al-darrikapen politikoak egoerari
egokitzeko. Bainan holako fase bat bizitzen ote dugu?
Independentzia abertzaletasunaren helburu nagusia da, bere proiektu
politikoaren muina. Beraz lotsarik gabe leku eta mo-mentu konkretu
batzuetan, Aberri Eguna kasu, opzio politiko horren aldeko dis-
kurtsoa garatu behar da. Bainan independentzia aukera erreala eta
hurbila ote da Euskal Herriarentzat? Maleruski ezetz. Herritarren
gehiengoa ez da horren alde ez eta Hegoaldean ere. Beraz izan
gaitezen umilago. Herriaren gehiengo konbentzitu nahi badugu, eta
argi da ez dagoela beste biderik, opzio hori desiragarria bihurtu
beharko dugu. Horretarako ez da dudarik burujabetzaren aldeko
indarrak antolatuz joan behar direla eta estrategiak gogoetatu behar
dutela.
Bainan helburu taktikoen beharra ere badugu, ongi kalibratuak, gaurko
egoeratik gure helburu politikoetara buruz bide batzuk marrazteko,
baldintza hobeagoak sortzeko, herri kontzientzia laguntzeko eta
indar metaketa zabalak lortzeko. Eta nola ez, Euskal Herriko lurralde
desberdinetan egokituak. Nahasmendu ideologikoa maila politikoan ere
islatzen da. Helburu estrategikoak eta taktikoak ez dira gehiago
bereizten eta lehen aipaturiko historiako “big bang” bezalakoak diren
momentu oso berezietatik aparte, akats politikoa da. Iparraldean,
departamenduarekin lehiatzeko bultzatu zen autonomia aldarrikapena
zertan gelditzen da independentziarekiko: etapa bat, hautu
alternatibo bat? Kontzeptuak nahasiz, ez dakigu gehiago zein fasetan
garen, zein helburu hurbila lortzen ahal dugun, zein helburu lortzera
goazen. On-dorioz norekin lan egin behar den, zein aliantza mota
sortu behar den, zein egitura beharrezkoa den ezin da argitu ere.
Transizio faseetan errex ez bada ere, argi izaiten inportanta da.
Abertzaleek, Euskal Herri osoan, nahiz Iparraldean gure ar-tean argi
izan behar dugu, jendarteari mezu eta proposamen politiko argi eta
konbentzigarriak luzatzeko. Ez da gaurko egunean dugun erronka tipiena.
“Iduri du abiadura handiko filma begiratzen ari garela…”
Indépendant, sans pub, en accès libre,
financé par ses lecteurs
Faites un don à Enbata.info
ou abonnez-vous au mensuel papier
Les temps sont difficiles, et nous savons que tout le monde n’a pas la possibilité de payer pour de l’information. Mais nous sommes financés par les dons de nos lectrices et lecteurs, et les abonnements au mensuel papier : nous dépendons de la générosité de celles et ceux qui peuvent se le permettre.
« Les choses sans prix ont souvent une grande valeur » Mixel Berhocoirigoin
Cette aide est vitale. Grâce à votre soutien, nous continuerons à proposer les articles d'Enbata.Info en libre accès et gratuits, afin que des milliers de personnes puissent continuer à les lire chaque semaine, pour faire ainsi avancer la cause abertzale et l’ancrer dans une perspective résolument progressiste, ouverte et solidaire des autres peuples et territoires.
Chaque don a de l’importance, même si vous ne pouvez donner que quelques euros. Quel que soit son montant, votre soutien est essentiel pour nous permettre de continuer notre mission.
Pour tout soutien de 50€/eusko ou plus, vous pourrez recevoir ou offrir un abonnement annuel d'Enbata à l'adresse postale indiquée. Milesker.
Si vous êtes imposable, votre don bénéficiera d’une déduction fiscale (un don de 50 euros / eusko ne vous en coûtera que 17).
Independentea, publizitaterik gabekoa, sarbide irekia, bere irakurleek diruztatua
Enbata.Info-ri emaitza bat egin
edo harpidetu zaitezte hilabetekariari
Garai gogorrak dira, eta badakigu denek ez dutela informazioa ordaintzeko ahalik. Baina irakurleen emaitzek eta paperezko hilabetekariaren harpidetzek finantzatzen gaituzte: ordaindu dezaketenen eskuzabaltasunaren menpe gaude.
«Preziorik gabeko gauzek, usu, balio handia dute» Mixel Berhocoirigoin
Laguntza hau ezinbestekoa zaigu. Zuen sustenguari esker, Enbata.Info artikuluak sarbide librean eta urririk eskaintzen segituko dugu, milaka lagunek astero irakurtzen segi dezaten, hola erronka abertzalea aitzinarazteko eta ikuspegi argiki aurrerakoi, ireki eta beste herri eta lurraldeekiko solidario batean ainguratuz.
Emaitza oro garrantzitsua da, nahiz eta euro/eusko guti batzuk eman. Zenbatekoa edozein heinekoa izanik ere, zure laguntza ezinbestekoa zaigu gure eginkizuna segitzeko.
50€/eusko edo gehiagoko edozein sustengurentzat, Enbataren urteko harpidetza lortzen edo eskaintzen ahalko duzu zehaztuko duzun posta helbidean. Milesker.
Zergapean bazira, zure emaitzak zerga beherapena ekarriko dizu (50 euro / eusko-ko emaitzak, 17 baizik ez zaizu gostako).