by Herri Urrats, Lapurdi, Baxe Nafarroa eta Zuberoako ikastolen bestak edizio berri bat ospatuko du ohi bezala Senpereko aintziran maiatzaren bigarren igandean. Aurten, iaz bezala, bestaren irabaziak Xalbador kolegioaren berrikuntza proiektura joanen dira.
Hogeita abar urte…
Aurten, Herri Urratsek 30 urte betetzen ditu, bainan maleruski gehiago betetzeko asmoz etortzen zaigu. Maleruski diogu, zeren eta euskara eta euskaraz ikasteko baliabideak ez dira oraino segurtatuak erakunde publikoengandik: gure hizkuntza hau ez da oraindik ofizialki onartua Lapurdin, Baxe Nafarroan eta Xiberoan, eta horrek osoki baldintzatzen du Seaskaren baitan egiten den lana. Maleruski diogu, zeren eta Herri Urrats jende ainitzek maite duen besta handi bat baldin bada ere, euskararen eta Ipar Euskal Herriko ikastolen besta, ez da ahantzi behar bere lehendabiziko xedea diru iturri izatearena dela euskarazko irakaskuntzaren murgiltze sistema sustatzeko bidean, preseski erakunde publikoek hori segurtatzen ez dutelako. Maleruski diogu, zeren eta beste behin ere, besta handi horrek erakusten baitu euskal gizartearen eskuetan soilik jarraitzen duela euskararen etorkizunak. Agian iritsiko da Herri Urrats besta bat soilik izanen den eguna, euskararen eguna, gure ondare preziatuaren eguna. Bitartean, Herri Urratsek Hogeita abar urte… beteko ditu euskararen aldeko aldarrikapen gisa, euskararen biziraupenaren aldeko diru iturri gisa!
Hogeita hamar urte beteko ditu Herri Urratsek eta oraindik gehiago bete beharko dituela azpimarratzeko, aurtengo leloan Bixente Hirigarai “Intxai” baigorriarrak honako lelo hau proposatu zuen: Hogeita abar urte… bere hitzetan “30 urteak erakusteko eta oraino ez dela bukatua adierazteko…”
Cette année Herri Urrats fête ses 30 ans, mais malheureusement nous en avons encore pour longtemps. Malheureusement, oui, car les moyens pour l’enseignement du basque et en basque ne sont toujours pas assurés par les pouvoirs publics : notre langue n’a toujours pas de reconnaissance officielle dans les provinces basques du Labourd, Basse-Navarre et Soule, et ceci conditionne fortement le travail entrepris au sein de Seaska. Malheureusement, oui, car même si Herri Urrats reste en soi une grande fête, la fête des écoles en langue basque, il ne faut pas oublier que son objectif principal est celui de récolter des fonds pour développer l’enseignement immersif en langue basque. Malheureusement car, une fois encore, ce sera à la société basque d’assurer, par son engagement, l’avenir de l’euskara.. Pourvu qu’un jour Herri Urrats ne soit qu’une grande fête de l’euskara, de notre patrimoine le plus précieux. Entre temps, Herri Urrats devra être organisé en tant que grand rassemblement revendicatif, ainsi que source de financement pour la survie de notre langue.
Logoa
Leloaren zentzuan, aurtengo logoak ideia nagusi bat baliatzen du: eten puntuena. Hiru puntu horiek oraindik eman beharreko urratsak adierazten dute. Eta bakoitzaren baita, puntuazio ikurrek bigarren mezu bat pasarazten dute. Lehendabizikoan, harridura ikur batek orain arte egindakoa baieztatzen du. Bigarrenean, galdera ikur batek gogoratzen gaitu zertarako Herri Urrats, hau da, zein diren bestaren xedeak. Hirugarren puntuaren baitan diren beste eten puntuak ezinbestean etorkizunaz mintzatzen dira. “Horrez gain, ikastoletako haurren ikasgaia aipu da: irakurketa, idazketa…”
Bestalde, eten puntuek aurten zentzu berezia hartzen duen zifra azpimarratzen digute: 3 zenbakia. Izan ere, ikasturte honetan 3 zenbakia inoiz baino presenteago da Seaskan: 30 dira irekiak diren ikastolak Ipar Euskal Herriko hiru probintzietan, eta 3000 baino gehiago dira bertan hezten dabiltzan ikasleak, eta hau guztia Herri Urratsek bere 30. edizioa ospatuko duenean eta Xalbador Kolegioak bere 30. urteurrena burutzen duenean.
Le logo de cette année reprend l’idée des points de suspension. Ces trois points symbolisent tout ce qui reste à faire. Trois points qui en même temps, viennent affirmer à travers les points d’exclamation et d’interrogation ce qui a été fait jusqu’à présent et le but recherché.
Le chiffre 3 prend cette année une place symbolique à Seaska, car ce sont déjà 30 les ikastola du réseau, plus de 3000 les élèves qui y sont inscrits, 30 les éditions de Herri Urrats et, enfin, c’est le 30ème anniversaire du collège Xalbador.
2013ko Herri Urrats-en xedeak ezagutzeko, klika hemen: 2013ko Herri Urrats zertako?
2013ko Herri Urratseko berritasunak, egitaraua eta informazio orokorra ezagutzeko, klika hemen : Maiatzaren 12 deus ez huts egiteko!
Kantua
30. urteurrena ospatzen dugula eta, Herri Urratsek erabaki zuen edizio honetako kantua Ipar Euskal Herriko musikariak egitea. Xutik taldearekin harremanetan jarri eta taldekideek prest agertu ziren desafioari aurre egiteko.
Horra Herri Urrats 2013ko abestiaren hitzak:
Urratsak gehitzen, bide egiten, euskararen alde
Hogei, eta abar urte
Oraindik izanen bait dira beste hainbeste
Euskararen geroak senperen du seaska
Burasoen ametsek eman zioten hatsa
Trabak izanik ere burua zuten altxa
Tenpestak ez du sekula gelditu urratsa
Hogei ta hamar urte bete aurten, ta abar izanen dira
Urratsak lortu, batu biderkatu geroari begira
Hogei, eta abar urte
Urratsak gehitzen, bide egiten, euskararen alde
Hogei, eta abar urte
Oraindik izanen bait dira beste hainbeste
Euskararen babesle mundu bat bildu
Jende uholdeak urteetan lortu
Hogei eta hamar ikastola xutitu
Hiru mila haur ditugu behar lagundu
Hogei ta hamar urte bete aurten, ta abar izanen dira
Urratsak lortu, batu biderkatu geroari begira